ସାଧାରଣ ଜନତାଙ୍କୁ ଝଟକା! ପାର୍ବଣ ଋତୁରେ ମହଙ୍ଗା ହେଲା ଖାଇବା ତେଲ, ଜାଣନ୍ତୁ କାହାର କେତେ ବଢ଼ିଛି ଦର?

ନୂଆଦିଲ୍ଲୀ: Edible Oil Price Hike: ପାର୍ବଣ ଋତୁରେ ସାଧାରଣ ଜନତାଙ୍କୁ ପୁଣି ଥରେ ଏକ ବଡ଼ ଝଟକା ଲାଗିଛି । ଖାଇବା ତେଲର ମୂଲ୍ୟରେ ପୁଣି ନିଆଁ (Edible Oil Price Hike) ଲାଗିଛି । ପାର୍ବଣରେ ତୈଳର ଚାହିଦା ବୃଦ୍ଧି ଓ ତୈଳବୀଜ ଅଭାବ ହେତୁ ବଜାରରେ ସୋରିଷ (Mustard Seeds/Oil), ଚିନାବାଦାମ (Groundnut), ସୋୟାବିନ୍ (Soyabean) ଏବଂ ଅଶୋଧିତ ପାମ ଅଏଲ୍ (CPO) ସମେତ ପ୍ରାୟ ସମସ୍ତ ତୈଳବୀଜୀର ମୂଲ୍ୟ ବୃଦ୍ଧି ପାଇଛି । ବିଶେଷଜ୍ଞଙ୍କ ଅନୁଯାୟୀ, ନିକଟ ଅତୀତରେ ବର୍ଷା ଯୋଗୁଁ ତୈଳବୀଜ ଫସଲର କ୍ଷତି ହେତୁ ଖାଇବା ତେଲର ମୂଲ୍ୟ ମଧ୍ୟ ବୃଦ୍ଧି ପାଇଛି ।

ଦୀପାବଳୀ ପରେ ଆହୁରି ଅଧିକ ବଢ଼ିବ ଦାମ୍

ରିପୋର୍ଟ ଅନୁଯାୟୀ, ଦେଶରେ ୧୦-୧୨ ଲକ୍ଷ ଟନ୍ ସୋରିଷର ଷ୍ଟକ୍ ବାକି ଅଛି, ଯାହା ପ୍ରାୟତଃ ଚାଷୀଙ୍କ ପାଖରେ ଅଛି । ଅନ୍ୟପକ୍ଷରେ, ପାର୍ବଣ ଋତୁର ଚାହିଦା କ୍ରମାଗତ ଭାବେ ବୃଦ୍ଧି ପାଉଛି ଓ ଦୀପାବଳି ପରେ ସୋରିଷର ଚାହିଦା ତୀବ୍ର ବୃଦ୍ଧି ପାଇବ । ଏଭଳି ପରିସ୍ଥିତିରେ ଗତ ସପ୍ତାହ ଶେଷରେ ସାଲୋନି ଶ୍ୟାମସାବାଦରେ ସୋରିଷର ମୂଲ୍ୟ ୮,୯୦୦ରୁ ବଢ଼ି ୯,୨୦୦ଟଙ୍କା କ୍ୱିଣ୍ଟାଲ କରାଯାଇଛି ।

ବୈଶ୍ୱିକ ମୂଲ୍ୟରେ ବୃଦ୍ଧି ଯୋଗୁଁ ବଢ଼ିଛି ଦାମ୍ 

କେନ୍ଦ୍ର ଖାଦ୍ୟ ସଚିବ ସୁଦର୍ଶନ ପାଣ୍ଡେ କହିଛନ୍ତି ଯେ ଫେବୃଆରୀ ୨୦୨୨ରେ ପରବର୍ତ୍ତୀ ଫସଲ ଆସିବା ପରେ ସୋରିଷ ମୂଲ୍ୟ କମ୍ ହେବାର ସମ୍ଭାବନା ରହିଛି । ସେ କହିଛନ୍ତି ଯେ ଖାଇବା ତେଲର ବୈଶ୍ୱିକ ମୂଲ୍ୟ ବୃଦ୍ଧି ହେତୁ ସୋରିଷ ତେଲର ମୂଲ୍ୟ ପ୍ରଭାବିତ ହୋଇଛି । ବାସ୍ତବରେ, ନୂତନ ଫସଲ ଆସିବା ସମୟରେ ମୂଲ୍ୟ ସାଧାରଣତଃ ହ୍ରାସ ପାଇଥାଏ । ଏଭଳି ପରିସ୍ଥିତିରେ କୃଷକମାନେ କମ୍ ମୂଲ୍ୟରେ ଫସଲ ବିକ୍ରି କରିବାକୁ ବାଧ୍ୟ ହୋଇଥାନ୍ତି । ଅର୍ଥାତ୍ କୃଷକମାନଙ୍କୁ କ୍ଷତିର ସାମ୍ନା କରିବାକୁ ପଡିଥାଏ ।

ସୋରିଷ କାଚ୍ଚି ଘାନିର ମୂଲ୍ୟ 

ଏହି କ୍ରମରେ ସୋରିଷ ମଞ୍ଜି ମୂଲ୍ୟ ଗତ ସପ୍ତାହରେ କ୍ୱିଣ୍ଟାଲ ପିଛା ୧୪୫ ଟଙ୍କା ବୃଦ୍ଧି ହୋଇ ୮,୮୭୦-୮,୯୦୦ ଟଙ୍କା ହୋଇଯାଇଛି । ସୋରିଷ ଦାଦ୍ରି ତେଲର ମୂଲ୍ୟ ପୂର୍ବ ସପ୍ତାହ ତୁଳନାରେ ୪୫୦ ଟଙ୍କା ବୃଦ୍ଧି ପାଇ ସମୀକ୍ଷାଧୀନ ସପ୍ତାହ ଶେଷରେ ଏକ କ୍ୱିଣ୍ଟାଲ ୧୮,୦୦୦ ଟଙ୍କାକୁ ବୃଦ୍ଧି ପାଇଛି । ସୋରିଷ ପାକ୍କି ଘାନି ତୈଳ ମୂଲ୍ୟ ୪୦ ଟଙ୍କା ବୃଦ୍ଧି ପାଇ ୨,୭୦୫-୨,୭୪୫ ଟଙ୍କା ଓ କାଚ୍ଚି ଘାନି ମଧ୍ୟ ୪୦ଟି ଟଙ୍କା ବୃଦ୍ଧି ପାଇ ୨,୭୮୦-୨,୮୯୦ ଟଙ୍କା ହୋଇଯାଇଛି । ଅର୍ଥାତ୍ କାଚ୍ଚି ଘାନିରେ ମଧ୍ୟ ବହୁତ ବୃଦ୍ଧି ଘଟିଛି ।

ସୋୟାବିନ ମୂଲ୍ୟରେ ବମ୍ପର ଜମ୍ପ୍

ଉତ୍ସବର ଋତୁ ଚାହିଦା ହେତୁ ସପ୍ତାହ ଶେଷରେ ସୋୟାବିନର ଶସ୍ୟ ମୂଲ୍ୟ କ୍ୱିଣ୍ଟାଲ ପିଛା ୫୦ ଟଙ୍କା ବଢ଼ି ୫,୩୦୦-୫,୫୦୦ ଟଙ୍କା ହୋଇଯାଇଛି । ସୋୟାବିନ୍ ଇନ୍ଦୌର ୪୨୦ ଟଙ୍କା ବୃଦ୍ଧି ପାଇ ୧୩,୬୭୦ ଟଙ୍କା ଓ ସୋୟାବିନ୍ ଡିଗମ୍ ୩୮୦ ଟଙ୍କା ବୃଦ୍ଧି ପାଇ କ୍ୱିଣ୍ଟାଲ ପିଛା ୧୨,୫୮୦ ଟଙ୍କାରେ ପହଞ୍ଚିଛି ।

ଚିନାବାଦାମ ରିଫାଇନ୍ଡରେ ମଧ୍ୟ ବୃଦ୍ଧି

ସମୀକ୍ଷାଧୀନ ସପ୍ତାହ ଶେଷରେ କପା ବିହନ ତେଲ ବୃଦ୍ଧି ହେତୁ ଚିନାବାଦାମର ଚାହିଦା ବୃଦ୍ଧି ପାଇଛି । ଏହି କାରଣରୁ, ଚିନାବାଦାମର ମୂଲ୍ୟ ୧୫ ଟଙ୍କା ବୃଦ୍ଧି ହୋଇ କ୍ୱିଣ୍ଟାଲ ପିଛା ୬,୩୦୦-୬,୩୮୫ ଟଙ୍କା ବନ୍ଦ ହୋଇଛି । ଏଥିସହିତ, ଚିନାବାଦାମ ସାଲବେଣ୍ଟ ରିଫାଇନ୍ଡର ମୂଲ୍ୟ ଟିଣ ପିଛା ୧୦ ଟଙ୍କା ବୃଦ୍ଧି ପାଇ ୨,୦୯୦-୨,୨୨୦ ଟଙ୍କା ହୋଇଯାଇଛି ।

ପାମ୍ ତେଲ ଦର ବୃଦ୍ଧି 

ଏଥିସହିତ ଅଶୋଧିତ ପାମ୍ ତେଲ (CPO) ର ମୂଲ୍ୟ ୩୦୦ ଟଙ୍କା ବୃଦ୍ଧି ହୋଇ ୧୧,୪୫୦ ଟଙ୍କା କ୍ୱିଣ୍ଟାଲରେ ପହଞ୍ଚିଛି । ପାମୋଲିନ ଦିଲ୍ଲୀର ମୂଲ୍ୟ ୧୬୦ ଟଙ୍କା ବୃଦ୍ଧି ହୋଇ ୧୩,୦୬୦ ଟଙ୍କା ଏବଂ ପାମୋଲିନ କାଣ୍ଡଲା ତେଲ କ୍ୱିଣ୍ଟାଲ ପିଛା ୬୦ ଟଙ୍କା ବଢ଼ି ୧୧,୮୬୦ ଟଙ୍କାକୁ  ବନ୍ଦ ହୋଇଛି । କପା ବିହନ ତେଲର ମୂଲ୍ୟ ୪୫୦ ଟଙ୍କା ବୃଦ୍ଧି ପାଇ କ୍ୱିଣ୍ଟାଲ ପିଛା ୧୩,୯୫୦ ଟଙ୍କା ହୋଇଛି ।