ନୂଆ ବର୍ଷରେ ୪୦ କୋଟି ଲୋକଙ୍କ ପାଇଁ ଖୁସି ଖବର, ମିଳିବ PF ର ଲାଭ!

ନୂଆଦିଲ୍ଲୀ: EPFO: କେନ୍ଦ୍ର ସରକାର ବର୍ତ୍ତମାନ ଆତ୍ମନିର୍ଭର ଭାରତ ଅଭିଯାନ (Atmanirbhar Bharat Abhiyan) ଚଳାଉଛନ୍ତି । ଏଭଳି ପରିସ୍ଥିତିରେ ସରକାର ବର୍ତ୍ତମାନ ଏକ ଯୋଜନା ପ୍ରସ୍ତୁତ କରିଛନ୍ତି, ଯାହା ଚଳିତ ବର୍ଷ ଏପ୍ରିଲ ୧ରୁ କାର୍ଯ୍ୟକାରୀ ହୋଇପାରେ । ଏହି ଯୋଜନା ମାଧ୍ୟମରେ ୪୦ କୋଟି ଲୋକ ସିଧାସଳଖ ଉପକୃତ ହେବେ । ଅସଂଗଠିତ କ୍ଷେତ୍ର (Unorganised sectors) ରେ କାର୍ଯ୍ୟ କରୁଥିବା ଲୋକଙ୍କୁ କେନ୍ଦ୍ର ସରକାର ମଧ୍ୟ ପିଏଫ୍ (Provident Fund) ର ଲାଭ ଦେବାକୁ ଚାହୁଁଛନ୍ତି । ଏହି ଯୋଜନାକୁ ଯଥାଶୀଘ୍ର କାର୍ଯ୍ୟକାରୀ କରିବା ପାଇଁ କର୍ମଚାରୀ ଭବିଷ୍ୟତ ନିଧ ସଂଗଠନ (EPFO) କୁ ଦାୟିତ୍ୱ ଦିଆଯାଇଛି । ଏହି ଯୋଜନା କାର୍ଯ୍ୟକାରୀ ହେଲେ ସରକାରଙ୍କୁ ପ୍ରଥମେ ୧୫୮୪ କୋଟି ଟଙ୍କା ଖର୍ଚ୍ଚ କରିବାକୁ ହେବ ।

ଅଧିକ ପଢ଼ନ୍ତୁ:-ଆସିଯାଇଛି ଜାନୁଆରୀ ପାଇଁ LPG ସିଲିଣ୍ଡରର ନୂଆ ଦର, ଜାଣନ୍ତୁ କ'ଣ ରହିଛି ରେଟ୍

ଏମାନଙ୍କୁ ମିଳିବ ଲାଭ

ଏହି ଯୋଜନାର ଲାଭ ଏପରି ଲୋକଙ୍କୁ ମିଳିବ, ଯେଉଁମାନେ ୧ ଅକ୍ଟୋବର ୨୦୨୦ରୁ ୩୦ ଜୁନ୍ ୨୦୨୧ ପର୍ଯ୍ୟନ୍ତ ଚାକିରିରେ ଯୋଗ ଦେଇଛନ୍ତି । ଏଥି ସହିତ ୨୦୨୦ରୁ ୨୦୨୩ ପର୍ଯ୍ୟନ୍ତ ସମଗ୍ର ଯୋଜନା ଅବଧିରେ ବ୍ୟୟ ୨୨,୮୧୦ କୋଟି ହେବ । ଏହି ଲୋକମାନେ ଦୋକାନରେ କିମ୍ବା କୌଣସି ପ୍ରତିଷ୍ଠାନରେ କାମ କରନ୍ତି ଯାହା PF ଅଧୀନରେ ଆସେ ନାହିଁ । ତେଣୁ ସେମାନଙ୍କୁ ପ୍ରୋଭିଡେଣ୍ଟ୍ ଫଣ୍ଠ ବା ପିଏଫ ଏବଂ ଗ୍ରାଚ୍ୟୁଇଟି ପରି ଲାଭ ମିଳି ନଥାଏ ।

ଅଧିକ ପଢ଼ନ୍ତୁ:-ନୂଆ ବର୍ଷରେ ୯ ଲକ୍ଷ ସରକାରୀ କର୍ମଚାରୀଙ୍କୁ ବଡ଼ ଉପହାର, ଦରମା ଓ ଅବସର ବୟସରେ ହେବ ବୃଦ୍ଧି

ମିଳିବ ସବସିଡି 

ଆତ୍ମନିର୍ଭର ଭାରତ ରୋଜଗାର ଯୋଜନା ଅଧୀନରେ ନୂତନ ନିଯୁକ୍ତି ଦେଉଥିବା କର୍ମଚାରୀମାନଙ୍କୁ ସବସିଡି ଦିଆଯିବ । ଏହି ସବସିଡି କମ୍ପାନୀ ଓ କର୍ମଚାରୀଙ୍କ ମାଧ୍ୟମରେ ଦୁଇ ବର୍ଷ ରିଟାୟରମେଣ୍ଟ ଫଣ୍ଡ କଣ୍ଟ୍ରିବ୍ୟୁଶନ ଅର୍ଥାତ PF କଭର ପାଇଁ ହେବ । PF ରେ ଶ୍ରମିକମାନଙ୍କ ଦ୍ୱାରା ୧୨ ପ୍ରତିଶତ ଯୋଗଦାନ ଏବଂ କମ୍ପାନୀ ମାଧ୍ୟମରେ ୧୨ ପ୍ରତିଶତ ଯୋଗଦାନ ଅର୍ଥ ୨୪ ପ୍ରତିଶତ ଯୋଗଦାନ ସମାନ ସବସିଡି ସରକାର ତରଫରୁ ଦୁଇ ବର୍ଷ ପାଇଁ କମ୍ପାନୀମାନଙ୍କୁ ପ୍ରଦାନ କରାଯିବ ।

ଅଧିକ ପଢ଼ନ୍ତୁ:-କୋରୋନାର ନୂଆ ଷ୍ଟ୍ରେନକୁ ନେଇ ଚେତାବନୀ ଜାରି କଲେ ଏମ୍ସ ନିର୍ଦ୍ଦେଶକ

ଏହି ଯୋଜନା ଅନ୍ତର୍ଗତ ସରକାର ୧୦୦୦ ଲୋକ ଯାଏ ନୂତନ ଚାକିରି ଯୋଗାଉଥିବା କମ୍ପାନୀମାନଙ୍କୁ ଉଭୟ ପକ୍ଷରୁ PF ଅବଦାନ ଦେବେ । ଏଥି ସହିତ ୧୦୦୦ରୁ ଅଧିକ ଲୋକଙ୍କୁ ନୂତନ ଚାକିରି ପ୍ରଦାନ କରୁଥିବା କମ୍ପାନୀଗୁଡିକ ଦୁଇ ବର୍ଷ ପାଇଁ ପ୍ରତ୍ୟେକ କର୍ମଚାରୀଙ୍କ ଅବଦାନର ୧୨ ପ୍ରତିଶତ ଦେବେ ।