ମୋଦି ସରକାରଙ୍କ ନିଷ୍ପତ୍ତି ପରେ ମଧ୍ୟ ଜାରି ରହିବ କୃଷକ ଆନ୍ଦୋଳନ, ଜାଣନ୍ତୁ କ'ଣ କହିଲେ ରାକେଶ ଟିକାୟତ

ନୂଆଦିଲ୍ଲୀ: Farmer Protest: କେନ୍ଦ୍ରରେ ମୋଦି ସରକାର (Modi government) ଙ୍କ ଦ୍ୱାରା ତିନୋଟି କୃଷି ଆଇନ (agricultural laws) ପ୍ରତ୍ୟାହାର ସତ୍ତ୍ୱେ କୃଷକ ଆନ୍ଦୋଳନ (Farmer Protest) ଜାରି ରହିବ । ସଂଯୁକ୍ତ କିସାନ ମୋର୍ଚ୍ଚାର ନେତା ରାକେଶ ଟିକାୟତ (Rakesh Tikait) କୃଷକ ଆନ୍ଦୋଳନ ଜାରି ରଖିବାକୁ ଘୋଷଣା କରିଛନ୍ତି । ସଂସଦରେ ତିନୋଟି କୃଷି ଆଇନ (farm laws) ରଦ୍ଦ ନହେବା ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ ବୋଲି ରାକେଶ ଟିକାଇତ କହିଛନ୍ତି ।

ସରକାର କୃଷକଙ୍କ ଅନ୍ୟାନ୍ୟ ପ୍ରସଙ୍ଗରେ ମଧ୍ୟ ଆଲୋଚନା କରିବା ଉଚିତ ବୋଲି ରାକେଶ ଟିକାୟତ ସ୍ପଷ୍ଟ କରିଛନ୍ତି । ସେ କହିଛନ୍ତି, "ଏହି ଆନ୍ଦୋଳନକୁ ତୁରନ୍ତ ପ୍ରତ୍ୟାହାର କରାଯିବ ନାହିଁ, ଆମେ ସେହି ଦିନର ଅପେକ୍ଷା କରିବୁ ଯେତେବେଳେ କୃଷି ଆଇନକୁ ସଂସଦରେ ରଦ୍ଦ କରାଯିବ । ସରକାରଙ୍କୁ MSP ସହ ଚାଷୀଙ୍କ ଅନ୍ୟାନ୍ୟ ପ୍ରସଙ୍ଗ ଉପରେ ମଧ୍ୟ ଆଲୋଚନା କରିବା ଉଚିତ ।"

ଏହାପୂର୍ବରୁ ଗୁରୁ ପର୍ବ ଅବସରରେ ମୋଦି ସରକାର ଚାଷୀଙ୍କ ଦାବି ଆଗରେ ମୁଣ୍ଡ ନୁଆଁଇ ତିନୋଟି କୃଷି ଆଇନ ପ୍ରତ୍ୟାହାର ଘୋଷଣା କରିଛନ୍ତି । ପ୍ରଧାନମନ୍ତ୍ରୀ ମୋଦି (PM Narendra Modi) ତାଙ୍କ ଅଭିଭାଷଣରେ ଏମଏସପି ମଜବୁତ କରିବା ବିଷୟରେ ଉଲ୍ଲେଖ କରିଛନ୍ତି, କିନ୍ତୁ ଏହାକୁ ନେଇ ଆଇନ ତିଆରି କରିବା ବିଷୟରେ କୌଣସି ସ୍ପଷ୍ଟ ଆଲୋଚନା କରିନାହାଁନ୍ତି ।

କୃଷକ ଆନ୍ଦୋଳନର ନେତୃତ୍ୱ ନେଉଥିବା ନେତାମାନେ ସର୍ବଦା ଏହା ସ୍ପଷ୍ଟ କରିଛନ୍ତି ଯେ ସେମାନଙ୍କର ଆନ୍ଦୋଳନ କେବଳ ତିନୋଟି କୃଷି ଆଇନ ବିରୁଦ୍ଧରେ ନୁହେଁ । କୃଷକ ଆନ୍ଦୋଳନ ସର୍ବଦା ଏମଏସପି ସମ୍ବନ୍ଧରେ ଏକ ଆଇନ ପ୍ରସ୍ତୁତ କରିବାର ଦାବିକୁ ଦୋହରାଇଛି । ଏହା ବ୍ୟତୀତ କୃଷି ସମ୍ବନ୍ଧୀୟ ଅନ୍ୟାନ୍ୟ ସଂସ୍କାର ବିଷୟରେ ମଧ୍ୟ ଉଲ୍ଲେଖ କରାଯାଇଛି ।

ଆପଣଙ୍କୁ କହି ରଖୁଛୁ ଯେ, ଗତ ବର୍ଷ ମୋଦି ସରକାର ତିନୋଟି କୃଷି ଆଇନ କାର୍ଯ୍ୟକାରୀ କରିଥିଲେ । ପଞ୍ଜାବ ଓ ହରିୟାଣାର କୃଷକମାନେ ଏହାକୁ ବିରୋଧ କରି ଆନ୍ଦୋଳନ ଆରମ୍ଭ କରିଥିଲେ ଓ ଦିଲ୍ଲୀର ସିଙ୍ଗୁ ଓ ଟିକ୍ରି ସୀମାରେ ଏହି ଆନ୍ଦୋଳନକୁ ଏକ ବର୍ଷ ପର୍ଯ୍ୟନ୍ତ ଜାରି ରଖିଛନ୍ତି । ଚାଷୀମାନେ ବର୍ତ୍ତମାନ ଆନ୍ଦୋଳନ ଜାରି ରଖିବାକୁ ନିଷ୍ପତ୍ତି ନେଇଛନ୍ତି ।