ଭାରତରେ କୋରୋନାର ଆଉ ୪ଟି ଭାରିଆଣ୍ଟ ଲୋକଙ୍କ ପାଇଁ ହୋଇପାରେ ବିପଦ, ଚିନ୍ତା ପ୍ରକଟ କଲେ ବିଶେଷଜ୍ଞ

ନୂଆଦିଲ୍ଲୀ: Coronavirus in India: ଭାରତରେ କୋରୋନା ଭୂତାଣୁ (Coronavirus) ର ପ୍ରକୋପ ଧୀରେ ଧୀରେ କମିବାରେ ଲାଗିଛି । କୋରୋନାର ଦ୍ୱିତୀୟ ଲହର (Second Wave of COVID-19) ଦେଶରେ ବିରାଟ ଧ୍ୱଂସ ଘଟାଇଛି । ଏହି ସମୟରେ ଲକ୍ଷ ଲକ୍ଷ ଲୋକ ପ୍ରାଣ ହରାଇଛନ୍ତି । ସ୍ୱାସ୍ଥ୍ୟ ବିଶେଷଜ୍ଞମାନେ ବର୍ତ୍ତମାନ କୋରୋନାର ତୃତୀୟ ଲହର (Third Wave of Corona) ର ଆସିବାର ପୂର୍ବାନୁମାନ କରୁଛନ୍ତି । ସମ୍ପ୍ରତି ଦେଶରେ କୋଭିଡ-19 (COVID-19) ର ଡେଲଟା ପ୍ଲସ ଭାରିଆଣ୍ଟ (Delta Plus Variant) ନିଶ୍ଚିତ ହୋଇଛି । ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଆହୁରି ୪ଟି ଭାରିଆଣ୍ଟ (Variants) ଏପରି ଅଛି, ଯେଉଁ କାରଣରୁ ସଂକ୍ରମଣର ଆଶଙ୍କା ଯଥେଷ୍ଟ ବୃଦ୍ଧି ପାଇଛି ।

ଅଧିକ ପଢ଼ନ୍ତୁ:-ଆଜିଠାରୁ ଦେଶର ଏସବୁ ରାଜ୍ୟରେ ହେବ ଅନଲକ୍, ଜାଣନ୍ତୁ କେଉଁଠାରେ କ'ଣ ଖୋଲିବ ଓ କ'ଣ ରହିବ ବନ୍ଦ?

ଟାଇମ୍ସ ଅଫ୍ ଇଣ୍ଡିଆର ଏକ ରିପୋର୍ଟ ଅନୁଯାୟୀ, ଭାରତରେ ଅନ୍ୟ ୪ଟି କୋଭିଡ-19 ଭାରିଆଣ୍ଟ (COVID-19 Variants) ର ଉପରେ ନଜର ରଖାଯାଉଛି । ଏଥିରେ B.1.617.3 ଭାରିଆଣ୍ଟ, B.1.617.2 ଭାରିଆଣ୍ଟ, B.1.1.318 ଭାରିଆଣ୍ଟ, ଲମ୍ବଡା (C.37) ଏବଂ କପ୍ପା ଭାରିଆଣ୍ଟ (B.1.617.1) ସାମିଲ ରହିଛି । ତଥାପି, ବିଶେଷଜ୍ଞମାନେ ମନେ କରନ୍ତି ଯେ ଡେଲଟା କିମ୍ବା ଡେଲଟା ପ୍ଲସ୍ ଭାରିଆଣ୍ଟ ତୁଳନାରେ ଏହି ୪ଟି କୋଭିଡ୍-19 ଭାରିଆଣ୍ଟ ଏତେ ପ୍ରଭାବଶାଳୀ ନୁହେଁ ।

ଅଧିକ ପଢ଼ନ୍ତୁ:-ଯଦି ଆପଣଙ୍କ ପାଖରେ ଅଛି ଏହି ଖାସ୍ ନମ୍ୱରର କୌଣସି ନୋଟ୍ ତ ଘରେ ବସି ରୋଜଗାର କରିପାରିବେ ଲକ୍ଷ ଲକ୍ଷ ଟଙ୍କା! ଜାଣନ୍ତୁ କିପର...

ଦେଶରେ ଦୁଇଟି କୋଭିଡ-19 ଭାରିଆଣ୍ଟ ପୂର୍ବରୁ ଉପସ୍ଥିତ 

ଦେଶରେ କୋଭିଡ-19 ର B.1.617.3 ଓ B.1.1.318 ଭାରିଆଣ୍ଟ ପୂର୍ବରୁ ଅଛି । ବିଶେଷଜ୍ଞମାନେ ଚିନ୍ତା ପ୍ରକଟ କରିଛନ୍ତି ଯେ ଏହି ସମସ୍ତ ଭାରିଆଣ୍ଟ ଅନ୍ତର୍ଜାତୀୟ ଭ୍ରମଣ ମାଧ୍ୟମରେ ଦେଶରେ ପ୍ରବେଶ କରିପାରେ । ଯଦି ଏହାର ଠିକ ସମୟରେ ଅନୁସନ୍ଧାନ କରା ନ ଯାଏ, ତେବେ ଆଗାମୀ ସମୟରେ ପରିସ୍ଥିତି ନିୟନ୍ତ୍ରଣ ବାହାରକୁ ଯାଇପାରେ ।

ଅଧିକ ପଢ଼ନ୍ତୁ:-ଦେଶରେ ୭୬ ଦିନ ପରେ ପ୍ରଥମ ଥର ମୃତ୍ୟୁ ସଂଖ୍ୟା ୧ ହଜାରରୁ କମ୍, ଦିନକରେ ଚିହ୍ନଟ ହେଲେ ଏତିକି ସଂକ୍ରମିତ

ଦ ପବ୍ଲିକ ହେଲଥ ଇଂଲଣ୍ଡ ଦେଇଛି ଏହି ବଡ଼ ସୂଚନା

ଉଲ୍ଲେଖନୀୟ କଥା ହେଉଛି, ମହାରାଷ୍ଟ୍ରରେ କୋଭିଡ-19ର ଡବଲ ମ୍ୟୁଟାଣ୍ଟ B.1.617 ର ପ୍ରଥମ ମାମଲା ଦେଖିବାକୁ ମିଳିଥିଲା । ଏହା ପରେ ଆଉ ତିନୋଟି ଭାରିଆଣ୍ଟ ନିଶ୍ଚିତ ହୋଇଥିଲା । ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) B.1.617.1 କୁ କପ୍ପା ଭାରିଆଣ୍ଟ ଏବଂ B.1617.2 କୁ ଡେଲଟା ଭାରିଆଣ୍ଟ ଭାବରେ ନାମିତ କରିଛି । ଏଥି ସହିତ ଦ ପବ୍ଲିକ ହେଲଥ ଇଂଲଣ୍ଡ (PHE) କହିଛି ଯେ ଲମ୍ବଡା ଭାରିଆଣ୍ଟ ଉପରେ ତୀକ୍ଷ୍ଣ ନଜର ରଖାଯାଉଛି । ଏହି କୋଭିଡ୍-19 ଭାରିଆଣ୍ଟ ଅନେକ ଦେଶରେ ଦେଖିବାକୁ ମିଳିଛି ।