ଆଜିଠାରୁ ଦେଶର ଏସବୁ ରାଜ୍ୟରେ ହେବ ଅନଲକ୍, ଜାଣନ୍ତୁ କେଉଁଠାରେ କ'ଣ ଖୋଲିବ ଓ କ'ଣ ରହିବ ବନ୍ଦ?

ନୂଆଦିଲ୍ଲୀ: ଦେଶରେ କ୍ରମାଗତ ଭାବେ ହ୍ରାସ ପାଉଥିବା କୋରୋନା ମାମଲା (Coronavirus Cases) ମଧ୍ୟରେ ବିଭିନ୍ନ ରାଜ୍ୟରେ ଅନଲକ୍ (Unlock) ପ୍ରକ୍ରିୟା ଧୀରେ ଧୀରେ ଆରମ୍ଭ ହେଉଛି । ଯଦିଓ ତଥାପି ପ୍ରତିଦିନ ଆସୁଥିବା ନୂଆ ମାମଲା ସଂଖ୍ୟା ପ୍ରାୟ ୫୦ ହଜାର ପାଖାପାଖି ରହିଛି । ଏହା ସହିତ ଦେଶରେ ଡେଲଟା (Delt Variant) ଓ ଡେଲଟା ପ୍ଲସ୍ ଭାରିଆଣ୍ଟ (Delta Plus Variant) ର ବିପଦ ମଧ୍ୟ ରହିଛି । ଯେଉଁ ରାଜ୍ୟଗୁଡ଼ିକରେ ଆଜି ଅନଲକ୍ ପ୍ରକ୍ରିୟା ଆରମ୍ଭ ହେଉଛି, ସେଗୁଡ଼ିକ ହେଉଛି ଦିଲ୍ଲୀ, ରାଜସ୍ଥାନ, କର୍ଣ୍ଣାଟକ ଏବଂ ତାମିଲନାଡୁ । ଆଜିଠାରୁ ଦିଲ୍ଲୀରେ ପଞ୍ଚମ ପର୍ଯ୍ୟାୟ ଅନଲକ୍ ଆରମ୍ଭ ହୋଇଥିବାବେଳେ କୋରୋନା ମାମଲା ହ୍ରାସ ଯୋଗୁଁ ରାଜସ୍ଥାନ ସରକାର ଲକଡାଉନକୁ କୋହଳ କରିବାକୁ ନିଷ୍ପତ୍ତି ନେଇଛନ୍ତି ।

ଅଧିକ ପଢ଼ନ୍ତୁ:-ଯଦି ଆପଣଙ୍କ ପାଖରେ ଅଛି ଏହି ଖାସ୍ ନମ୍ୱରର କୌଣସି ନୋଟ୍ ତ ଘରେ ବସି ରୋଜଗାର କରିପାରିବେ ଲକ୍ଷ ଲକ୍ଷ ଟଙ୍କା! ଜାଣନ୍ତୁ କିପର...

ଆଜିଠାରୁ ଦିଲ୍ଲୀରେ ଅନଲକର ପଞ୍ଚମ ପର୍ଯ୍ୟାୟ

ଦିଲ୍ଲୀରେ ଅନଲକ୍ ୫ର ଗାଇଡଲାଇନ ବିଷୟରେ, DDMA ଆନୁଷ୍ଠାନିକ ନିର୍ଦ୍ଦେଶ ଅନୁଯାୟୀ ଆଜିଠାରୁ ଦିଲ୍ଲୀରେ ଜିମ୍ ଓ ଯୋଗ ପ୍ରତିଷ୍ଠାନକୁ ୫୦ ପ୍ରତିଶତ କ୍ଷମତା ସହିତ ଖୋଲିବାକୁ ଅନୁମତି ଦିଆଯାଇଛି । ଜିମ୍ ଓ ଯୋଗ ପ୍ରତିଷ୍ଠାନରେ କୋଭିଡର ଉପଯୁକ୍ତ ଆଚରଣ ଅନୁସରଣ କରିବା ଅନୁଷ୍ଠାନର ମାଲିକଙ୍କ ଦାୟିତ୍ୱ ହେବ । ଆହୁରି ମଧ୍ୟ ମ୍ୟାରେଜ ହଲ୍, ଭୋଜି ହଲ୍ ଏବଂ ହୋଟେଲରେ ସର୍ବାଧିକ ୫୦ ଜଣଙ୍କ ସହିତ ବିବାହ ସମାରୋହକୁ ଅନୁମତି ଦିଆଯାଇଛି ।

କୋଭିଡ ନିୟମ ଅନୁସରଣ କରିବା ମ୍ୟାରେଜ ହଲ୍, ଭୋଜି ହଲ୍ ଏବଂ ହୋଟେଲ ମାଲିକଙ୍କ ଦାୟିତ୍ୱ ହେବ । ନିୟମ ଉଲ୍ଲଂଘନ ହେଲେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ଏବଂ କୋଠାକୁ ମଧ୍ୟ ସିଲ୍ କରାଯାଇପାରେ । ତଥାପି, ପୂର୍ବ ପରି ଘରେ ଓ କୋର୍ଟରେ ସର୍ବାଧିକ ୨୦ ଜଣଙ୍କ ସହିତ ବିବାହ ସମାରୋହକୁ ଅନୁମତି ଦିଆଯିବ । ଆଜି ସକାଳ ୫ଟାରୁ ଜୁଲାଇ ସକାଳ ୫ଟା ପର୍ଯ୍ୟନ୍ତ ଏହି ଆଦେଶରେ ଲିଖିତ ନିଷେଧ କାର୍ଯ୍ୟକଳାପ ଉପରେ ପ୍ରତିବନ୍ଧକ ଜାରି ରହିବ ।

ଅଧିକ ପଢ଼ନ୍ତୁ:-ଦେଶରେ ୭୬ ଦିନ ପରେ ପ୍ରଥମ ଥର ମୃତ୍ୟୁ ସଂଖ୍ୟା ୧ ହଜାରରୁ କମ୍, ଦିନକରେ ଚିହ୍ନଟ ହେଲେ ଏତିକି ସଂକ୍ରମିତ

ଆଜିଠାରୁ ରାଜସ୍ଥାନରେ ଲକଡାଉନ କୋହଳ 

କୋରୋନା ଭୂତାଣୁ ମାମଲାରେ ହ୍ରାସକୁ ଦୃଷ୍ଟିରେ ରଖି ରାଜସ୍ଥାନ ସରକାର ଲକଡାଉନକୁ ଆହୁରି କୋହଳ କରିବାକୁ ନିଷ୍ପତ୍ତି ନେଇଛନ୍ତି । ଯାହା ପରେ ସରକାରୀ କାର୍ଯ୍ୟାଳୟଗୁଡ଼ିକ ସନ୍ଧ୍ୟା ୬ଟା ପର୍ଯ୍ୟନ୍ତ ଖୋଲା ରହିବ । ଏଥି ସହିତ, ଯେଉଁ ବ୍ୟବସାୟ ପ୍ରତିଷ୍ଠାନର କର୍ମଚାରୀମାନେ ଅତି କମରେ ଗୋଟିଏ ଟିକା ଲଗାଇ ସାରିଛନ୍ତି, ସେମାନେ ଅତିରିକ୍ତ ତିନି ଘଣ୍ଟା ଅର୍ଥାତ୍ ସନ୍ଧ୍ୟା ୭ଟା ପର୍ଯ୍ୟନ୍ତ ଖୋଲା ରଖିପାରିବେ ।

ଧାର୍ମିକ ସ୍ଥଳଗୁଡିକର ସର୍ତ୍ତମୂଳକ ଭାବେ ଖୋଲିବାକୁ ଅନୁମତି ମିଳିବ । ଜୁଲାଇ ୧ରୁ ବିବାହ ଅଡିଟୋରିୟମ୍ ଖୋଲିବାକୁ ଅନୁମତି ଦେବା ସହିତ ବିବାହ କାର୍ଯ୍ୟକ୍ରମ ମଧ୍ୟ ଆରମ୍ଭ ହେବ । ଶନିବାର ରାତିରେ ଗୃହ ବିଭାଗ ତିନି ସ୍ତରୀୟ ଜନ-ଅନୁଶାସନ ୩.୦ ନିର୍ଦ୍ଦେଶାବଳୀ ଜାରି କରିଥିଲା । ସେହି ଅନୁଯାୟୀ, ଆଜିଠାରୁ ନୂତନ ଗାଇଡଲାଇନ୍ ଲାଗୁ ହେବ ।

ଅଧିକ ପଢ଼ନ୍ତୁ:-୫୦୦ ଟଙ୍କିଆ ନୋଟକୁ ନେଇ ଆସିଲା ବଡ଼ ଖବର, ଏହି ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କଲା RBI

ଆଜିଠାରୁ କର୍ଣ୍ଣାଟକରେ ଲକଡାଉନ୍ ପ୍ରତିବନ୍ଧକକୁ ଆହୁରି କୋହଳ କରାଯିବ

କର୍ଣ୍ଣାଟକର ବହୁ ସଂଖ୍ୟକ ଲୋକ କୋରୋନାରୁ ସୁସ୍ଥ ହେବା ପରେ ରାଜ୍ୟ ସରକାର ଆଜିଠାରୁ ବିବାହ ହଲ, ହୋଟେଲ, ରିସର୍ଟ ଏବଂ ଫଙ୍କସନ୍ ହଲରେ ବିବାହ ସମାରୋହକୁ ଅନୁମତି ଦେଇ COVID ପ୍ରତିବନ୍ଧକକୁ ଆହୁରି କୋହଳ କରିଛନ୍ତି । ଏହି ସମସ୍ତ କାର୍ଯ୍ୟ ପାଇଁ ତଥାପି ସର୍ବାଧିକ ସଂଖ୍ୟକ ଅତିଥି କେବଳ ୪୦ ସ୍ଥିର କରାଯାଇଛି ।

ସରକାର ଏହା ମଧ୍ୟ କହିଛନ୍ତି ଯେ ଯେଉଁମାନେ ବିବାହର ଆୟୋଜନ କରୁଛନ୍ତି ସେମାନଙ୍କୁ ସମ୍ପୃକ୍ତ ସ୍ଥାନୀୟ କର୍ତ୍ତୃପକ୍ଷଙ୍କଠାରୁ ଅନୁମତି ନେବାକୁ ପଡ଼ିବ । ସମ୍ପୃକ୍ତ ଅଧିକାରୀ ବିବାହ ସମାରୋହରେ ୪୦ ପାସ୍ ଜାରି କରିବେ । ପାସ୍ ଥିବା ଲୋକଙ୍କୁ କେବଳ ବିବାହ ସମାରୋହରେ ଯୋଗଦେବାକୁ ଅନୁମତି ଦିଆଯିବ ଏବଂ ପାସ୍ ସ୍ଥାନାନ୍ତର ହେବ ନାହିଁ ।

ଅଧିକ ପଢ଼ନ୍ତୁ:-୬୨ ଲକ୍ଷ ଲୋକଙ୍କ ପାଇଁ ଖୁସି ଖବର, ମୋଦି ସରକାର ନେଲେ ଏହି ବଡ଼ ନିଷ୍ପତ୍ତି

ତାମିଲନାଡୁରେ ଲକଡାଉନ୍ ହେବ କୋହଳ

ତାମିଲନାଡୁ ସରକାର ଶୁକ୍ରବାର ଲକଡାଉନ୍ ପ୍ରତିବନ୍ଧକକୁ ଆହୁରି କୋହଳ କରିବାକୁ ନିଷ୍ପତ୍ତି ନେଇଛନ୍ତି । ଯାହା ଆଜିଠାରୁ କାର୍ଯ୍ୟକାରୀ ହେବ । ପ୍ରତିବନ୍ଧକକୁ କୋହଳ କରିବାର ଏକ ଅଂଶ ଭାବରେ ଚାରୋଟି ଜିଲ୍ଲାରେ ପ୍ରାର୍ଥନା ସ୍ଥାନ ଖୋଲିବାକୁ ଅନୁମତି ଦିଆଯାଇଛି ଏବଂ ଅନ୍ୟ ୨୩ଟି ଜିଲ୍ଲାରେ ସାର୍ବଜନୀନ ପରିବହନ ପୁନଃ ଆରମ୍ଭ ହୋଇଛି । ୨୭ଟି ଜିଲ୍ଲାରେ ଜିମ୍, ଯୋଗ କେନ୍ଦ୍ର, ସଂଗ୍ରହାଳୟ ଏବଂ ସଂରକ୍ଷିତ ସ୍ମାରକୀ ସକାଳ ୧୦ଟାରୁ ୫ଟା ପର୍ଯ୍ୟନ୍ତ ଖୋଲିବାକୁ ଅନୁମତି ଦିଆଯାଇଛି ।

୫୦ ପ୍ରତିଶତ କ୍ଷମତା ସହିତ ଯୋଗ କେନ୍ଦ୍ର ଖୋଲାଯାଇପାରିବ । କୋଏମ୍ବାଟୁର ଏବଂ ତାଞ୍ଜୋର ସମେତ ଅନ୍ୟ ୧୧ଟି ଜିଲ୍ଲାରେ ଉପରୋକ୍ତ ପ୍ରତିଷ୍ଠାନ ଖୋଲିବାକୁ ଅନୁମତି ନାହିଁ । ଏହା ବ୍ୟତୀତ ରାଜ୍ୟର ଲୋକମାନେ ସକାଳ ୫ଟାରୁ ୯ଟା ପର୍ଯ୍ୟନ୍ତ ସମୁଦ୍ରକୂଳ ପରିଦର୍ଶନ କରିପାରିବେ ।