ଯେଉଁଠାରେ ଯାତ୍ରୀ ଦେଖାଇବେ ହାତ, ଡ୍ରାଇଭରଙ୍କୁ ସେଠାରେ ରୋକିବାକୁ ହେବ ବସ୍

ନୂଆଦିଲ୍ଲୀ: ଆର୍ଥିକ ସ୍ଥିତିରେ ଉନ୍ନତି ଆଣିବା ପାଇଁ ହିମାଚଳ ପଥ ପରିବହନ ନିଗମ (HRTC) ଏକ ପ୍ରୟାସ ଆରମ୍ଭ କରିଛି । ବେସରକାରୀ ଅପରେଟରମାନଙ୍କ ସହିତ ପ୍ରତିଦ୍ୱନ୍ଦ୍ୱିତା କରିବା ଏବଂ ସରକାରୀ ବସରେ ସ୍ଥାନ ବୃଦ୍ଧି ପାଇଁ ବ୍ୟାପକ ପରିବର୍ତ୍ତନ କରାଯାଉଛି । ବସ୍ ଡ୍ରାଇଭରମାନଙ୍କୁ ଫିକ୍ସ ଷ୍ଟପ୍ ସ୍ଥାନ ବ୍ୟତୀତ ଯେଉଁଠାରେ ଯାତ୍ରୀ ହାତ ଦେଖାଇବେ, ସେଠାରେ ବସ୍ ଅଟକାଇବାକୁ କୁହାଯାଇଛି ।

ଅଧିକ ପଢ଼ନ୍ତୁ:-ପୁଣି ଟେନସନ ବଢ଼ାଇଲା କୋରୋନା, ଦେଶରେ ଗତ ୨୪ ଘଣ୍ଟାରେ ସାମ୍ନାକୁ ଆସିଲା ଏତିକି ମାମଲା...

ଏହା ମଧ୍ୟ ଧ୍ୟାନ ରଖିବାକୁ କୁହାଯାଇଛି ଯେ ବସ୍ ରୋକିବାରେ ବିଶୃଙ୍ଖଳା ସୃଷ୍ଟି ନ ହେଉ । ଯଦି ଯାତ୍ରୀ ଫିକ୍ସ ଷ୍ଟପେଜ୍ ବ୍ୟତୀତ ଅନ୍ୟ କୌଣସି ସ୍ଥାନକୁ ଓହ୍ଲାଇବାକୁ ଚାହୁଁଛନ୍ତି, ତେବେ ତାଙ୍କୁ ଓହ୍ଲାଇବାକୁ ନିର୍ଦ୍ଦେଶ ଦିଆଯାଇଛି । ନିଗମ ମନେ କରେ ଯେ ଘରୋଇ ବସ୍ ବୋର୍ଡିଂ ଏବଂ ଅନଲୋଡିଂରେ ଫିକ୍ସ ଷ୍ଟପେଜର କୌଣସି ନିଷେଧ ରଖିନାହିଁ, ତେଣୁ ଲୋକମାନେ ଘରୋଇ ବସକୁ ପସନ୍ଦ କରୁଛନ୍ତି ।

ଅଧିକ ପଢ଼ନ୍ତୁ:-ଗତ ବର୍ଷ ପରି ହେବାକୁ ଲାଗିଛି ପରିସ୍ଥିତି, ଡରାଉଛି ଗତ ୨୪ ଘଣ୍ଟାର କୋରୋନା ରିପୋର୍ଟ

ଘରୋଇ ବସ୍ ପରି HRTC କଣ୍ଡକ୍ଟରମାନଙ୍କୁ ବସ୍ ଷ୍ଟାଣ୍ଡରେ ଡାକି ଡାକି ଯାତ୍ରାଙ୍କୁ ବସରେ ଚଢ଼ାଇବା ପାଇଁ ନିର୍ଦ୍ଦେଶ ଦିଆଯାଇଛି । ଅନେକ ଥର ଦୂରରେ ଥିବା ଯାତ୍ରୀ ରାଇଡ୍ ବୋର୍ଡ ଚିହ୍ନିବାରେ ସକ୍ଷମ ହୁଅନ୍ତି ନାହିଁ । ବେସରକାରୀ କଣ୍ଡକ୍ଟରମାନେ ଆୱାଜ ଲଗାଇ ଯାତ୍ରୀଙ୍କୁ ଡାକନ୍ତି । କର୍ମଚାରୀଙ୍କ ଆଚରଣରେ ଉନ୍ନତି ଆଣିବା ପାଇଁ ତାଲିମ ମଧ୍ୟ ଆରମ୍ଭ କରାଯାଉଛି । ଯଦି ଡ୍ରାଇଭର କିମ୍ବା କଣ୍ଡକ୍ଟର ମନଇଚ୍ଛା କାମ କରନ୍ତି ତେବେ ନିଗମର ହେଲ୍ପଲାଇନ ନମ୍ବର 94180-00529 ରେ ଅଭିଯୋଗ କରିପାରିବେ । ବସରେ ପ୍ରଦର୍ଶିତ RM କିମ୍ବା DM ର ମୋବାଇଲରେ ମଧ୍ୟ ଅଭିଯୋଗ କରାଯାଇପାରିବ ।