ଜରୁରୀ ଖବର! ଯଦି ଆପଣ ଏକରୁ ଅଧିକ ଆକାଉଣ୍ଟ ଖୋଲିଛନ୍ତି ତ ଆଜି ହିଁ ଏହାକୁ କରନ୍ତୁ ବନ୍ଦ, ନଚେତ୍...

ନୂଆଦିଲ୍ଲୀ: Multiple Bank Accounts: ଆଜିକାଲି ସମସ୍ତେ ବ୍ୟାଙ୍କ ଆକାଉଣ୍ଟ (Bank Accounts) ବ୍ୟବହାର କରନ୍ତି, କିନ୍ତୁ ଆଜି ଆମେ ଆପଣଙ୍କୁ ବ୍ୟାଙ୍କ ଆକାଉଣ୍ଟ ସହିତ ଜଡିତ ଏକ ଗୁରୁତ୍ୱପୂର୍ଣ୍ଣ ସୂଚନା ଦେଉଛୁ । ଯଦି ଆପଣ ମଧ୍ୟ ଏକରୁ ଅଧିକ ବ୍ୟାଙ୍କ ଆକାଉଣ୍ଟ ଖୋଲିଛନ୍ତି, ତେବେ ଏହା ଆପଣଙ୍କ ପାଇଁ କାମର ଖବର । ଏକରୁ ଅଧିକ ବ୍ୟାଙ୍କ ଖାତା ରଖିବା ଉପରେ ଲୋକଙ୍କୁ ଭାରି କ୍ଷତି ସହିବାକୁ ପଡ଼ିପାରେ । ତେଣୁ ଆପଣ ଅନ୍ୟ ବ୍ୟାଙ୍କରେ ଆକାଉଣ୍ଟ ଖୋଲିବା ପୂର୍ବରୁ କିଛି ଜରୁରୀ କଥା ଜାଣି ନିଅନ୍ତୁ ।

ଯଦି ଆପଣଙ୍କର ଏକରୁ ଅଧିକ ଆକାଉଣ୍ଟ ଅଛି, ତେବେ ଆପଣଙ୍କୁ ଅନେକ ପ୍ରକାରର ଆର୍ଥିକ କ୍ଷତିର ସାମ୍ନା କରିବାକୁ ପଡ଼ିବ । ବିଶେଷଜ୍ଞମାନେ ନିବେଶ ଓ ITR ପାଇଁ ଗୋଟିଏ ଖାତା ରଖିବାକୁ ମଧ୍ୟ ପରାମର୍ଶ ଦିଅନ୍ତି । ଯଦି ଆପଣଙ୍କର ଏକରୁ ଅଧିକ ଆକାଉଣ୍ଟ୍ ଅଛି, ତେବେ ଆପଣଙ୍କୁ ଟ୍ରାଞ୍ଜେକସନ୍ ଚାର୍ଜ, କ୍ରେଡିଟ୍ ଏବଂ ଡେବିଟ୍ କାର୍ଡ ଚାର୍ଜ, ସେବା ଚାର୍ଜ ସହିତ ଅନେକ ଚାର୍ଜ ଦେବାକୁ ପଡିବ । ତେଣୁ ଯଦି ଆପଣ କେବଳ ଗୋଟିଏ ବ୍ୟାଙ୍କରେ ଏକ ଆକାଉଣ୍ଟ ରଖନ୍ତି, ତେବେ ଆପଣଙ୍କୁ କେବଳ ଗୋଟିଏ ବ୍ୟାଙ୍କର ଚାର୍ଜ ଦେବାକୁ ପଡ଼ିବ ।

ଏହା ବ୍ୟତୀତ, ଆପଣଙ୍କ ସହିତ ଠକାମିର ସମ୍ଭାବନା ମଧ୍ୟ ବଢ଼ିଯାଏ । ଯଦି ଆପଣ ଆପଣଙ୍କର ଆକାଉଣ୍ଟରୁ ନେଣଦେଣ କରୁ ନାହାଁନ୍ତି ତେବେ ସେହି ଆକାଉଣ୍ଟ ନିଷ୍କ୍ରିୟ ହୋଇଯିବ । ଏହା ବ୍ୟତୀତ ପରେ ଏହି ଆକାଉଣ୍ଟ୍ ଇନଅପରେଟିଭରେ ପରିବର୍ତ୍ତିତ  ହୋଇଯାଏ ।

ଏହା ବ୍ୟତୀତ ସର୍ବନିମ୍ନ ବାଲାନ୍ସ ଚାର୍ଜ ମଧ୍ୟ ଦେବାକୁ ପଡିବ ଯାହା ବହୁତ ଅଧିକ ଅଟେ । ଅନେକ ବ୍ୟାଙ୍କରେ ସର୍ବନିମ୍ନ ବାଲାନ୍ସ ୫୦୦୦ ଓ ଅନେକ ବ୍ୟାଙ୍କରେ ଏହା ୧୦,୦୦୦ ଅଟେ । ଯଦି ଆପଣ ଏହାଠାରୁ କମ୍ ବାଲାନ୍ସ ରଖନ୍ତି, ତେବେ ଆପଣଙ୍କୁ ଜରିମାନା ଦେବାକୁ ପଡିବ, ଯାହା ସିଧାସଳଖ ଆପଣଙ୍କ CIBIL ସ୍କୋରକୁ ପ୍ରଭାବିତ କରେ ।

ଏହା ବି ପଢ଼ନ୍ତୁ:-ଅଶୋଧିତ ତୈଳ ମୂଲ୍ୟରେ ବୃଦ୍ଧି, ଜାଣନ୍ତୁ ଆପଣଙ୍କ ସହରରେ ଶସ୍ତା ନା ମହଙ୍ଗା ହେଲା ପେଟ୍ରୋଲ-ଡିଜେଲ

ଏହା ବି ପଢ଼ନ୍ତୁ:-ଆଶ୍ୱସ୍ତିକର ଖବର: ଗତକାଲି ତୁଳନାରେ ଆଜି କୋରୋନା ମାମଲାରେ ହ୍ରାସ, ଦିନକରେ ଚିହ୍ନଟ ହେଲେ ଏତିକି ସଂକ୍ରମିତ

ତେଣୁ ଆପଣ ଆପଣଙ୍କର ଅନାବଶ୍ୟକ ଖାତା ବନ୍ଦ କରି ଦିଅନ୍ତୁ, ଯାହାଫଳରେ ଆପଣଙ୍କୁ ଏପରି ଅସୁବିଧାର ସମ୍ମୁଖୀନ ହେବାକୁ ପଡିବ ନାହିଁ । ସୂଚନାଯୋଗ୍ୟ, ଖାତା ବନ୍ଦ କରିବାକୁ ଆପଣଙ୍କୁ ଏକ ଡି-ଲିଙ୍କ୍ ଫର୍ମ ପୂରଣ କରିବାକୁ ପଡିବ । ଆପଣଙ୍କୁ ବ୍ୟାଙ୍କର ଶାଖାରୁ ଆକାଉଣ୍ଟ କ୍ଲୋଜର ଫର୍ମ ମିଳିଯିବ, ଯାହାକୁ ପୂରଣ କରି ଜମା କରିବା ପରେ ଆପଣଙ୍କ ଆକାଉଣ୍ଟ ବନ୍ଦ ହୋଇଯିବ ।