ଋଷର କୋରୋନା ଭ୍ୟାକ୍ସିନର ମେଗା ଟ୍ରାୟଲ କରିବାକୁ ମନା କଲା ଭାରତ, ଜାଣନ୍ତୁ ଏହାର କାରଣ

ରଏଟର୍ସ ଅନୁଯାୟୀ, ଡ୍ରଗ୍ସ ଏଜେନ୍ସି ଡକ୍ଟର ରେଡ୍ଡୀକୁ ପ୍ରଥମେ ଅଳ୍ପ ପରିମାଣରେ ଟୀକା (Coronavirus Vaccine) ପରୀକ୍ଷା କରିବାକୁ କହିଛି । CDSCO ର ବିଶେଷଜ୍ଞ ପ୍ୟାନେଲରୁ ଜଣାପଡିଛି ଯେ ଏହି ଟୀକା ବିଷୟରେ ପ୍ରାରମ୍ଭିକ ତଥ୍ୟ ଏବଂ ଅଧ୍ୟୟନ ଦେଶ ବାହାରେ ଏକ ଛୋଟ ସ୍କେଲରେ ଚାଲିଛି ।

ନୂଆଦିଲ୍ଲୀ: ଭାରତ ଋଷର କୋରୋନ ଭ୍ୟାକ୍ସିନ (Coronavirus Vaccine) ସ୍ପୁଟନିକ୍-ଭି (Sputnik-V) ଦେଶରେ ଏକ ବୃହତ ସ୍ତରରେ ଅଧ୍ୟୟନ ପାଇଁ ଟ୍ରାୟଲ କରିବାକୁ ମନା କରିଦେଇଛି । ଡକ୍ଟର ରେଡ୍ଡୀ ଲାବୋରେଟୋରୀ ଲିମିଟେଡ୍ର ଦେଶରେ ଋଷର ଟୀକାର ପ୍ରଭାବ ଆକଳନ କରିବା ପାଇଁ ଏକ ବୃହତ ପରୀକ୍ଷଣ କରିବା ପାଇଁ ପ୍ରସ୍ତାବ ରଖିଥିଲା । ଯାହାକୁ ସେଣ୍ଟ୍ରାଲ୍ ଡ୍ରଗ୍ସ ଷ୍ଟାଣ୍ଡାର୍ଡ କଣ୍ଟ୍ରୋଲ୍ ଅର୍ଗାନାଇଜେସନ୍ (CDSCO) ପ୍ରତ୍ୟାଖ୍ୟାନ କରିଛି  ।

ରଏଟର୍ସ ଅନୁଯାୟୀ, ଡ୍ରଗ୍ସ ଏଜେନ୍ସି ଡକ୍ଟର ରେଡ୍ଡୀକୁ ପ୍ରଥମେ ଅଳ୍ପ ପରିମାଣରେ ଟୀକା ପରୀକ୍ଷା କରିବାକୁ କହିଛି । CDSCO ର ବିଶେଷଜ୍ଞ ପ୍ୟାନେଲରୁ ଜଣାପଡିଛି ଯେ ଏହି ଟୀକା ବିଷୟରେ ପ୍ରାରମ୍ଭିକ ତଥ୍ୟ ଏବଂ ଅଧ୍ୟୟନ ଦେଶ ବାହାରେ ଏକ ଛୋଟ ସ୍କେଲରେ ଚାଲିଛି । ଏଥିରେ ଭାରତୀୟ ଅଂଶଦାରଙ୍କର କୌଣସି ଇନପୁଟ୍ ନାହିଁ ।

ଅଧିକ ପଢ଼ନ୍ତୁ:-ଶୀତରେ ୪ ଗୁଣ ଅଧିକ ଶକ୍ତିଶାଳୀ ହେବ କୋରୋନା ଭୂତାଣୁ, କୋଭିଡ ବିଶେଷଜ୍ଞ ପ୍ୟାନେଲର ଚେତାବନୀ

ଭାରତର ନିଷ୍ପତ୍ତି ପରେ ଋଷର ସ୍ପୁଟ୍ନିକ୍-ଭି ଟୀକାର ପ୍ରସ୍ତୁତିକୁ ଝଟକା ଲାଗିଛି । ଋଷ ଏପରି ଏକ ଦେଶରେ ଏହି ଟୀକାକୁ ଅନୁମୋଦନ କରିବାକୁ ଚେଷ୍ଟା କରୁଥିଲା ଯେଉଁଠାରେ କୋରୋନାର ସର୍ବାଧିକ ସଂଖ୍ୟକ ମାମଲା ରହିଛି । କୋରୋନା ସଂକ୍ରମଣ ମାମଲାରେ ଆସନ୍ତା କିଛି ସପ୍ତାହ ମଧ୍ୟରେ ଭାରତ ଆମେରିକାକୁ ଅତିକ୍ରମ କରିପାରେ ବୋଲି ମନେ କରାଯାଉଛି ।