ରାଜଧାନୀ ଶତାବ୍ଦୀ ପରେ ଏହି ଟ୍ରେନଗୁଡ଼ିକ ବାତିଲ କଲା ରେଲୱେ, ଦେଖନ୍ତୁ ପୁରା ଲିଷ୍ଟ୍

ନୂଆଦିଲ୍ଲୀ: Indian Railways/IRCTC New Special Train List: ସାରା ଦେଶରେ କୋରୋନା ଭୂତାଣୁ (Coronavirus) ଦ୍ରୁତ ଗତିରେ ବ୍ୟାପିବାରେ ଲାଗିଛି । ଏହି ସମୟରେ ବିଭିନ୍ନ ରାଜ୍ୟ ଲକଡାଉନ ଲଗାଉଛନ୍ତି । ଏହି ଲକଡାଉନ୍ ରେଳ କାର୍ଯ୍ୟ ଉପରେ ମଧ୍ୟ ପ୍ରଭାବ ପକାଉଛି । ଯାତ୍ରୀଙ୍କ ଅଭାବ ଯୋଗୁଁ ଶତାବ୍ଦୀ ଏକ୍ସପ୍ରେସ (Shatabdi Express) ଓ ରାଜଧାନୀ ଏକ୍ସପ୍ରେସ (Rajdhani Express) ସମେତ ଅନେକ ଦୂରଗାମୀ ଟ୍ରେନ ବାତିଲ କରାଯାଇଛି । ଏହା ସହ ସ୍ଥାନୀୟ ଟ୍ରେନର ଚଳାଚଳ ମଧ୍ୟ ବ୍ୟାହତ ହେଉଛି । ଦିଲ୍ଲୀର ବିଭିନ୍ନ ସହର ମଧ୍ୟରେ ଉତ୍ତରପ୍ରଦେଶ ପର୍ଯ୍ୟନ୍ତ ଚାଲୁଥିବା ଅନେକ ଲୋକାଲ୍ ଟ୍ରେନ୍ ବାତିଲ ରହିବ । ଏହି ଟ୍ରେନରେ ଯାତ୍ରା କରୁଥିବା କର୍ମଚାରୀ ଓ ଅନ୍ୟମାନଙ୍କୁ ବିଭିନ୍ନ ସମସ୍ୟାର ସାମ୍ନା କରିବାକୁ ପଡ଼ିବ ।

ଅଧିକ ପଢ଼ନ୍ତୁ:-ହିମନ୍ତ ବିଶ୍ୱ ଶର୍ମାଙ୍କୁ ମୁଖ୍ୟମନ୍ତ୍ରୀ କରି ବିଜେପି ଆସାମରୁ ସିନ୍ଧିଆଙ୍କୁ ଦେଲା ଏହି ବାର୍ତ୍ତା

ଲୋକଙ୍କୁ ହେବ ଅସୁବିଧା

ପୁରୁଣା ଦିଲ୍ଲୀ-ତୁଣ୍ଡଲା MEMU ସ୍ପେଶାଲ୍ (04184/04183), ପୁରୁଣା ଦିଲ୍ଲୀ-ହାଥରସ୍ ଦୁର୍ଗ MEMU ସ୍ପେଶାଲ୍ (04418/04417), ନୂଆଦିଲ୍ଲୀ-ଆଲିଗଡ MEMU ସ୍ପେଶାଲ୍ (04414/04413) ଗାଜିଆବାଦ-ମଥୁରା EMU ସ୍ପେଶାଲ୍ (04420/04419) କୁ ମେ ୧୭ ପର୍ଯ୍ୟନ୍ତ ନ ଚଲାଇବାକୁ ନିଷ୍ପତ୍ତି ନିଆଯାଇଛି । ରେଳ ଅଧିକାରୀ କହିଛନ୍ତି ଯେ ଉତ୍ତରପ୍ରଦେଶରେ ଆସନ୍ତା ୧୭ ତାରିଖ ପର୍ଯ୍ୟନ୍ତ ତାଲା ପଡିଛି ତେଣୁ ଏହି ଟ୍ରେନଗୁଡିକ ବାତିଲ କରିବାକୁ ନିଷ୍ପତ୍ତି ନିଆଯାଇଛି । ଏହି ଟ୍ରେନରେ ଯାତ୍ରା କରୁଥିବା ସରକାରୀ କର୍ମଚାରୀଙ୍କ ସମସ୍ୟା ବୃଦ୍ଧି ପାଇଛି । ଏହା ସହିତ, ଯେଉଁମାନେ ଚିକିତ୍ସା ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ କାର୍ଯ୍ୟ ପାଇଁ ଯାତ୍ରା କରନ୍ତି, ସେମାନଙ୍କର ମଧ୍ୟ ଅସୁବିଧା ହେବ ।

ଅଧିକ ପଢ଼ନ୍ତୁ:-ସାଧାରଣ ଜନତାଙ୍କୁ ଝଟକା: ପୁଣି ମହଙ୍ଗା ହେଲା ତୈଳ ଦର, ଜାଣନ୍ତୁ ଆଜିର ରେଟ୍

କୋରୋନା ଯୋଗୁଁ ଯାତ୍ରୀ ସଂଖ୍ୟାରେ କମି

କୋରୋନା ସଂକ୍ରମଣ ଓ ଲକଡାଉନ୍ ଯୋଗୁଁ ଟ୍ରେନରେ ଯାତ୍ରୀଙ୍କ ଅଭାବ ଦେଖାଦେଇଛି । ନିକଟରେ ଉତ୍ତର ରେଳବାଇ ୨୮ଟି ଟ୍ରେନ୍ ବାତିଲ କରିବାକୁ ଘୋଷଣା କରିଛି । ଚାଲୁଥିବା ଟ୍ରେନରେ ଉପଲବ୍ଧ ସିଟ୍ ସତ୍ତ୍ୱେ ମୁମ୍ବାଇ ଯାଉଥିବା ଅନେକ ଟ୍ରେନ୍ ବାତିଲ କରାଯାଇଛି । ମଙ୍ଗଳବାର ଦିନ ମହାରାଜା ଛତ୍ରପତି ଶିବାଜୀ ଟର୍ମିନାଲକୁ ଯାଉଥିବା ରାଜଧାନୀ ବିଶେଷର ଥର୍ଡ ଏସିରେ ପ୍ରାୟ ସାଢ଼େ ତିନି ଶହ ସିଟ୍ ଖାଲି ଅଛି । 

ଅଧିକ ପଢ଼ନ୍ତୁ:-ଦେଶରେ କୋରୋନା ଟେଷ୍ଟିଂ ହ୍ରାସ: ଦିନକରେ ୩.୨୯ ଲକ୍ଷ ମାମଲା ଚିହ୍ନଟ, ୩୮୭୯ ସଂକ୍ରମିତଙ୍କ ମୃତ୍ୟୁ

କିଛି ଦିନ ପୂର୍ବରୁ ବେଙ୍ଗଲକୁ ଯାଉଥିବା ପ୍ରାୟ ସମସ୍ତ ଟ୍ରେନ୍ ଭର୍ତ୍ତି ଚାଲୁଥିଲା କିନ୍ତୁ ବର୍ତ୍ତମାନ ପରିସ୍ଥିତି ବଦଳି ଯାଇଛି । ସୋମବାର ସିଆଲଦା ଦୁରନ୍ତୋରେ ପ୍ରାୟ ଚାରି ଶହ ସିଟ୍ ଖାଲି ପଡିଛି । ଏଥି ସହିତ ମଙ୍ଗଳବାର ସିଆଲଦା ଏସି ସ୍ପେଶାଲରେ ସାଢ଼େ ତିନି ଶହ ସିଟ୍ ଖାଲି ଅଛି । ଏଠାରେ କହି ରଖୁଛୁ ଯେ ଦିଲ୍ଲୀ ତଥା ହରିୟାଣା ଏବଂ ୟୁପିରେ ମଧ୍ୟ ଏହି ଲକଡାଉନ୍ ଆଗକୁ ବଢ଼ାଯାଇଛି । ବର୍ତ୍ତମାନ ଏହି ରାଜ୍ୟଗୁଡିକରେ ମେ ୧୭ ପର୍ଯ୍ୟନ୍ତ ଲକଡାଉନ୍ ଲାଗୁ କରାଯାଇଛି । ଏହି କାରଣରୁ ଲୋକମାନେ ଘରେ ରହୁଛନ୍ତି ଓ ବାହାରକୁ  ଯାଉନାହାଁନ୍ତି । ଯେଉଁଥିପାଇଁ ଟ୍ରେନ୍ ଗୁଡିକରେ ଭିଡ଼ କମ୍ ହୋଇଛି ।