ଟ୍ରେନ ଯାତ୍ରୀଙ୍କୁ ବଡ଼ ଝଟକା, ବଢ଼ିଲା ରେଳ ଭଡ଼ା

ନୂଆଦିଲ୍ଲୀ: ଭାରତୀୟ ରେଲୱେ (Indian Railways) ଯାତ୍ରୀ ଓ ଅନ୍ୟାନ୍ୟ ସ୍ୱଳ୍ପ ଦୂରଗାମୀ ଟ୍ରେନର ଭଡ଼ା ବୃଦ୍ଧି (Train Ticket Price Hike) କରିଛି । ପ୍ରାୟ ୩୦ ଦିନ ଧରି ଚୁପଚାପ୍ ବୃଦ୍ଧି ପାଇଥିବା ଏହି ରେଳ ଭଡ଼ା  ଉପରେ ରେଳବାଇ ପ୍ରଥମ ଥର ସଫେଇ ଦେଇଛି । ସେ କହିଛି ଯେ, ଭଡ଼ା ବଢ଼ାଇବାର କାରଣ ହେଉଛି ଯେ କୋରୋନା ସଙ୍କଟ (Coronavirus Crisis) ସମୟରେ ଏପରି ଯାତ୍ରୀଙ୍କ ଯାତ୍ରାକୁ ରୋକା ଯାଇପାରି ହେବ, ଯେଉଁମାନଙ୍କ ପାଇଁ ଟ୍ରେନ ଯାତ୍ରା ଆବଶ୍ୟକ ନୁହେଁ । ଅର୍ଥାତ ରେଲୱେ ଭିଡ଼ କମାଇବାକୁ ଭଡ଼ା ବଢାଯାଇଛି । ପାସେଞ୍ଜର ଟ୍ରେନଗୁଡ଼ିକର ଭଡ଼ା ବଢ଼ାଇ ମେଲ ଓ ଏକ୍ସପ୍ରେସ ଟ୍ରେନଗୁଡ଼ିକର ଅଣସଂରକ୍ଷିତ କୋଚର ଭଡାର ବରାବର କରିଦିଆଯାଇଛି ।

ଅଧିକ ପଢ଼ନ୍ତୁ:-ରେଳ ଯାତ୍ରୀଙ୍କ ପାଇଁ ଗୁଡ୍ ନ୍ୟୁଜ୍! ରେଲୱେ ଘୋଷଣା କଲା ଅନେକ ସ୍ୱତନ୍ତ୍ର ଟ୍ରେନ୍, ଦେଖନ୍ତୁ ପୁରା ଲିଷ୍ଟ୍

ରେଲୱେ କୋଭିଡ ସଙ୍କଟରୁ ପୂର୍ବ ସମୟ ତୁଳନାରେ ୬୫ ପ୍ରତିଶତ ମେଲ ଏକ୍ସପ୍ରେସ ଟ୍ରେନଗୁଡ଼ିକ ସଞ୍ଚାଳନ ଆରମ୍ଭ କରିଛି । ଅନ୍ୟପକ୍ଷେ ୯୦ ପ୍ରତିଶତ ଉପାନ୍ତ ସହର ଟ୍ରେନ୍ ମଧ୍ୟ ସଞ୍ଚାଳନ କରାଯାଇଛି । ବର୍ତ୍ତମାନ ସମୟରେ ପ୍ରତିଦିନ ସମୁଦାୟ ୩୨୬ ପାସେଞ୍ଜର ଟ୍ରେନ୍ ଚାଲୁଛି । ଅନ୍ୟପଟେ ୧୨୫୦ ମେଲ୍ / ଏକ୍ସପ୍ରେସ ଟ୍ରେନ୍ ଓ ୫,୩୫୦ ସବଅର୍ବନ ଟ୍ରେନ୍ ଚାଲୁଛି । ରେଳବାଇ କହିଛି ଯେ ଏହି ସମୟରେ ଚାଲୁଥିବା ସ୍ୱଳ୍ପ ଦୂରତା ବିଶିଷ୍ଟ ଯାତ୍ରୀବାହୀ ଟ୍ରେନ୍ ସମୁଦାୟ ଯାତ୍ରୀବାହୀ ଟ୍ରେନର ମାତ୍ର ୩ ପ୍ରତିଶତ ଅଟେ । ତେଣୁ ବହୁତ କମ୍ ଯାତ୍ରୀ ଏହା ଦ୍ୱାରା ପ୍ରଭାବିତ ହେଉଛନ୍ତି ।

ଅଧିକ ପଢ଼ନ୍ତୁ:-ଏହି ରାଜ୍ୟରେ କଂଗ୍ରେସକୁ ଲାଗିଲା ବଡ଼ ଝଟକା, ବିଜେପିର ବୃହତ ବିଜୟ

ଭଡା ବୃଦ୍ଧି ସମ୍ପର୍କରେ ରେଳବାଇରୁ ସ୍ପଷ୍ଟୀକରଣ ଦେବାବେଳେ ଏହା ମଧ୍ୟ ମନେ ପକାଇ ଦିଆଯାଇଛି ଯେ, ଯାତ୍ରୀ ସେବା ଉପରେ ସର୍ବଦା ସବସିଡି ଦିଆଯାଏ ଓ ପ୍ରତ୍ୟେକ ରେଳ ଯାତ୍ରୀଙ୍କ ପ୍ରତ୍ୟେକ ଯାତ୍ରାରେ ରେଳବାଇକୁ କ୍ଷତି ସହିବାକୁ ପଡେ । ରେଳବାଇ ମଧ୍ୟ ଏହିପରି ଅନେକ ଟ୍ରେନ୍ ଚଳାଉଛି, ଯାହାର ସିଟ୍ ବହୁତ କମ୍ ଭରିଥାଏ ।

ରେଳ ଯାତ୍ରୀ ଏହାର ସାଧାରଣ ରେଳ ସେବା କାର୍ଯ୍ୟ ଆରମ୍ଭ କରିବା ପରେ ଟ୍ରେନରୁ ବର୍ଦ୍ଧିତ ଭଡା ହଟାଇବେ କି ନାହିଁ ପ୍ରଶ୍ନ ଉପରେ ରେଲୱେର ଜାତୀୟ ମୁଖପାତ୍ର ଡିଜେ ନାରାୟଣ କହିଛନ୍ତି ଯେ ସମୟ ସମୟରେ ଏଭଳି ସ୍ଥିତିର ସମୀକ୍ଷା କରାଯାଇଥାଏ ଏବଂ ତତ୍କାଳୀନ ପରିସ୍ଥିତି ଅନୁଯାୟୀ ଉପଯୁକ୍ତ ନିଷ୍ପତ୍ତି ନିଆଯିବ ।

ଅଧିକ ପଢ଼ନ୍ତୁ:-LPG ସବସିଡିର ଟଙ୍କା ଯଦି ଆପଣଙ୍କ ଆକାଉଣ୍ଟରେ ଆସୁନାହିଁ, ତେବେ କରନ୍ତୁ ଏହି କାମ

କେତେ ବଢ଼ିଛି ଭଡ଼ା

ରେଳବାଇର ଜାତୀୟ ମୁଖପାତ୍ର ବିସ୍ତୃତ ଭାବରେ ବ୍ୟାଖ୍ୟା କରି କହିଛନ୍ତି ଯେ, "ଯଦି ଆପଣ ସ୍ୱଳ୍ପ ଦୂରତା ପାଇଁ ବର୍ଦ୍ଧିତ ଭଡା ବିଷୟରେ କୁହନ୍ତି, ତେବେ ଏହି ପ୍ରତିଶତ ଅଧିକ ହେବ କାରଣ ୨୦ କିଲୋମିଟର ଦୂରରେ ଅବସ୍ଥିତ ଦୁଇଟି ଷ୍ଟେସନ ମଧ୍ୟରେ ଟିକେଟ୍ ୧୦ ଟଙ୍କା ଥିଲା । ବର୍ତ୍ତମାନ ଏହା ଆପଣଙ୍କୁ ୨୦ ଟଙ୍କାରେ ମିଳିବ । କିନ୍ତୁ ଯଦି ଆମେ ୧୫୦ କିଲୋମିଟର ଦୂରରେ ଅବସ୍ଥିତ ଦୁଇଟି ଷ୍ଟେସନ ମଧ୍ୟରେ ଭଡା ବିଷୟରେ ଆଲୋଚନା କରିବା, ତେବେ ଏହା କେବଳ ୧୦ ପ୍ରତିଶତ ପାଖାପାଖି ରହିବ ।"