LIC ସମସ୍ତ ପଲିସି ଧାରକଙ୍କ ପାଇଁ ଜାରି କରିଛି ଜରୁରୀ ସୂଚନା, ଜାଣି ନିଅନ୍ତୁ ନଚେତ ହୋଇପାରେ ବଡ଼ ଅସୁବିଧା

ନୂଆଦିଲ୍ଲୀ: ଯଦି ଆପଣ ମଧ୍ୟ ଭାରତୀୟ ଜୀବନ ବୀମା ନିଗମ ((Life Insurance Corporation of India-LIC) ରୁ ପଲିସି କରିଛନ୍ତି ତେବେ ଏହି ଖବର ଆପଣଙ୍କ ପାଇଁ ବହୁତ ଜରୁରୀ ଅଟେ । ନିଜର କୋଟି କୋଟି ପଲିସି ଧାରକଙ୍କୁ ମେସେଜ୍ କରି LIC ଆବଶ୍ୟକ ସୂଚନା ପ୍ରଦାନ କରିଛି । ବାସ୍ତବରେ, ପଲିସି ସହ ପାନ୍ କାର୍ଡ ଲିଙ୍କ୍ (PAN link with LIC policy) କରିବା ଆବଶ୍ୟକ । LIC ଏହାର ଅଫିସିଆଲ୍ ୱେବସାଇଟ୍ ରେ ମଧ୍ୟ ଏହି ସୂଚନା ପ୍ରଦାନ କରିଛି ।

LIC କହିଛି ଯେ PML ଅନୁଯାୟୀ, ୫୦ ହଜାରରୁ ଅଧିକ ନଗଦ ଦେୟ ପାଇଁ ପାନ୍ ଆବଶ୍ୟକ, ତେଣୁ ପଲିସିଧାରୀମାନେ ତୁରନ୍ତ ସେମାନଙ୍କର LIC ପଲିସିକୁ ପାନ୍ କାର୍ଡ ସହିତ ଲିଙ୍କ୍ କରିବା ଉଚିତ୍ । କମ୍ପାନୀ କହିଛି ଯେ PAN କୁ ପଲିସି ସହିତ ଯୋଡିବାର ଅନେକ ଲାଭ ଅଛି ଏବଂ PAN କୁ ପଲିସି ସହିତ ଯୋଡିବାର ପ୍ରକ୍ରିୟା ବହୁତ ସରଳ ।

ଯଦି ଆପଣ ଏପର୍ଯ୍ୟନ୍ତ ପାନ୍ ସହିତ ପଲିସି ଲିଙ୍କ୍ କରିନାହାଁନ୍ତି, ତେବେ ଆପଣ ଏହାକୁ ଘରେ ବସି ଅନଲାଇନରେ କରିପାରିବେ । ଚାଲନ୍ତୁ ଜାଣିବା ଏହାର ପ୍ରକ୍ରିୟା…

୧. LIC ର ୱେବସାଇଟ (www.licindia.in) ରେ ପଲିସି ତାଲିକା ସହିତ PAN ବିବରଣୀ ପ୍ରଦାନ କରନ୍ତୁ ।

୨. ବର୍ତ୍ତମାନ ଆପଣଙ୍କର ମୋବାଇଲ୍ ନମ୍ବର ଦାଖଲ କରନ୍ତୁ । ସେହି ମୋବାଇଲ୍ ନମ୍ବରରେ LIC ରୁ ଏକ OTP ଆସିବ, ଏହାକୁ ଦାଖଲ କରନ୍ତୁ ।

୩. ଫର୍ମ ଦାଖଲ ପରେ ଆପଣ ସଫଳ ପଞ୍ଜୀକରଣ ଅନୁରୋଧର ମେସେଜ ପାଇବେ ।

୪. ବର୍ତ୍ତମାନ ଆପଣ ଜାଣିବେ ଯେ ଆପଣଙ୍କର ପାନ୍ ପଲିସି ସହିତ ଲିଙ୍କ୍ ହୋଇଯାଇଛି ।

ଘରେ ବସି ପଲିସି ସ୍ଥିତି କରନ୍ତୁ ଯାଞ୍ଚ 

୧. LIC ପଲିସିର ଅନଲାଇନ୍ ସ୍ଥିତି ଜାଣିବା ପାଇଁ ଆପଣଙ୍କୁ ପ୍ରଥମେ ଅଫିସିଆଲ୍ ୱେବସାଇଟ୍ https://www.licindia.in/ କୁ ଯିବାକୁ ପଡିବ । ଏଠାରେ ସ୍ଥିତି ଜାଣିବା ପାଇଁ ଆପଣଙ୍କୁ ପଞ୍ଜିକରଣ କରିବାକୁ ପଡିବ ।

୨. ପଞ୍ଜୀକରଣ ପାଇଁ ଆପଣଙ୍କୁ କୌଣସି ପ୍ରକାରର ଦେୟ ଦେବାକୁ ପଡିବ ନାହିଁ ।
ଏଥିପାଇଁ ଆପଣଙ୍କୁ ଆପଣଙ୍କର ଜନ୍ମ ତାରିଖ, ନାମ, ପଲିସି ନମ୍ବର ଦାଖଲ କରିବାକୁ ପଡିବ । ଥରେ ପଞ୍ଜୀକୃତ ହୋଇଗଲେ, ଆପଣ ଯେକୌଣସି ସମୟରେ ଆପଣଙ୍କର ସ୍ଥିତି ଯାଞ୍ଚ କରିପାରିବେ ।

୩. ଯଦି ଆପଣ କୌଣସି ସୂଚନା ଚାହୁଁଛନ୍ତି ତେବେ ଆପଣ 022 6827 6827 ରେ ମଧ୍ୟ କଲ କରିପାରିବେ । ଏହା ବ୍ୟତୀତ ଆପଣ 9222492224 ନମ୍ବରକୁ LICHELP <ପଲିସି ସଂଖ୍ୟା> ଲେଖି ଏକ ମେସେଜ ମଧ୍ୟ ପଠାଇ ପାରିବେ ।
ଏଥିରେ ମେସେଜ ପଠାଇବା ପାଇଁ ଆପଣଙ୍କ ଟଙ୍କା କଟିବ ନାହିଁ ।