'ଯେକୌଣସି ସମୟରେ ହୋଇପାରେ ବିହାର ବିଧାନସଭା ନିର୍ବାଚନ, କର ପ୍ରସ୍ତୁତି'

ପାଟନା: ବିହାରରେ ଶେଷ ହୋଇଯାଇଛି ବିଧାନସଭା ନିର୍ବାଚନ (Bihar Assembly Election 2020) । ବର୍ତ୍ତମାନ ନୀତିଶ କୁମାର (Nitish Kumar) ଙ୍କ ନେତୃତ୍ୱାଧୀନ ଏନଡିଏ (NDA) ରାଜ୍ୟରେ ସରକାର ଗଠନ କରିଛି । କିନ୍ତୁ ଆଶଙ୍କା ଲାଗି ରହିଛି ଯେ ଏହି ସରକାର ୫ ବର୍ଷ କାର୍ଯ୍ୟକାଳ ପୂରଣ କରି ପାରବ ତ ? କାରଣ ଏନଡିଏରେ ବିଜେପି (BJP) ସର୍ବାଧିକ ଆସନ ଜିତିଥିଲେ ମଧ୍ୟ ଜେଡିୟୁ ପ୍ରମୁଖ (JDU Chief) ନୀତିଶ କୁମାରଙ୍କୁ ମୁଖ୍ୟମନ୍ତ୍ରୀ ଗାଦି ଦେବାକୁ ପଡ଼ିଛି । ଯାହା ପରେ ନୀତିଶ ସରକାର (Nitish Govt) ଙ୍କ ଭବିଷ୍ୟତକୁ ନେଇ ଚର୍ଚ୍ଚା ଲାଗି ରହିଛି । ଏହା ମଧ୍ୟରେ ଲୋକ ଜନତା ପାର୍ଟି (LJP) ର ପ୍ରତିଷ୍ଠା ଦିବସ ଅବସରରେ ଦଳର ରାଷ୍ଟ୍ରୀୟ ଅଧ୍ୟକ୍ଷ ଚିରାଗ ପାସୱାନ (Chirag Paswan) କହିଛନ୍ତି ଯେ ବିହାରରେ ବିଧାନସଭା ନିର୍ବାଚନ ୨୦୨୫ ପୂର୍ବରୁ ଯେକୌଣସି ସମୟରେ ଘୋଷଣା ହୋଇପାରେ । 

ଅଧିକ ପଢ଼ନ୍ତୁ:-ଏହି ଦିନ ଚାଷୀଙ୍କ ଆକାଉଣ୍ଟକୁ ଟଙ୍କା ପଠାଇବେ ସରକାର, ଏପରି ଚେକ୍ କରନ୍ତୁ ଲିଷ୍ଟରେ ନିଜର ନାଁ

ବିହାରର ଜମୁଇ ଲୋକସଭା ଆସନରୁ ସାଂସଦ ଚିରାଗ କହିଛନ୍ତି ଯେ ବର୍ତ୍ତମାନର ସରକାରଙ୍କ ଅବସ୍ଥାକୁ ଦୃଷ୍ଟିରେ ରଖି ମୁଁ ଦଳର କର୍ମୀଙ୍କୁ ସମସ୍ତ ଆସନରେ ପ୍ରସ୍ତୁତିକୁ ଦୃଢ଼ ଭାବରେ ରଖିବାକୁ ନିର୍ଦ୍ଦେଶ ଦେଇଛି । ତାଙ୍କ ପିତା ରାମ ବିଲାସ ପାସୱାନ (Ram Vilas Paswan) ଙ୍କ ଦେହାନ୍ତ ପରେ ଖାଲି ହୋଇଥିବା ରାଜ୍ୟସଭା ଆସନ ପାଇଁ ସୁଶୀଲ ମୋଦୀ (Sushil Modi) ଙ୍କୁ ପ୍ରାର୍ଥୀ କରିବାବେଳେ ଚିରାଗ କହିଛନ୍ତି ଯେ ଏହି ଆସନ ଭାରତୀୟ ଜନତା ଦଳ (BJP) ର ଅଟେ, ସେ ଯେକୌଣସି ବ୍ୟକ୍ତିଙ୍କୁ ପ୍ରାର୍ଥୀ କରିବା ପାଇଁ ସ୍ୱତନ୍ତ୍ର ।

ଏହି ଅବସରରେ ଚିରାଗ ପାସୱାନ ମଧ୍ୟ ଦଳୀୟ କାର୍ଯ୍ୟକର୍ତ୍ତାଙ୍କ ପାଇଁ ଏକ ଚିଠି ଜାରି କରିଛନ୍ତି । ତାଙ୍କ ପିତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ରାମ ବିଲାସ ପାସୱାନଙ୍କୁ ସ୍ମରଣ କରି ଚିରାଗ କହିଛନ୍ତି ଯେ ତାଙ୍କ ବିୟୋଗ (ରାମ ବିଲାସ ପାସୱାନ) ଆମ ପାଇଁ ଏକ ଅପୂରଣୀୟ କ୍ଷତି । ଏହି ସମୟରେ ସେ ବିନା ନାଁ ନେଇ ବିଜେପି ଉପରେ ଆକ୍ରମଣ କରିଛନ୍ତି । ଚିରାଗ କହିଛନ୍ତି ଯେ କୌଣସି ମେଣ୍ଟ ଓ ତାରକା ପ୍ରଚାରକ ବିନା ଆମେ ବିଧାନସଭାରେ ଗୋଟିଏ ଆସନ ଜିତିଛୁ ଏବଂ ୨୪ ଲକ୍ଷ ଭୋଟ୍ ହାସଲ କରିଛୁ ।

ଅଧିକ ପଢ଼ନ୍ତୁ:-ରେଳ କର୍ମଚାରୀଙ୍କ ପାଇଁ ଖୁସି ଖବର, ଏହି ଉପହାର ଦେବାକୁ ଯାଉଛନ୍ତି ମୋଦି ସରକାର

ଚିରାଗ କହିଛନ୍ତି ଯେ ଚଳିତ ବିଧାନସଭା ନିର୍ବାଚନରେ ​​ଆମେ ପ୍ରାୟ ୬ ପ୍ରତିଶତ ଭୋଟ୍ ପାଇଛୁ, ଯାହା ବିହାରରେ LJP ର ବିସ୍ତାରକୁ ସ୍ପଷ୍ଟ ଭାବରେ ଦର୍ଶାଉଛି । ଚିରାଗ ଚିଠି ମାଧ୍ୟମରେ କହିଛନ୍ତି ଯେ ବିହାରରେ ଦଳ 'ବିହାର ଫର୍ଷ୍ଟ, ବିହାରୀ ଫର୍ଷ୍ଟ' ସହିତ କୌଣସି ସାଲିସ କରିନାହିଁ । ନୂତନ ଲୋକଙ୍କୁ ଯୋଡିବାରେ ଦଳ ଆଗକୁ ଆସିଛି, ଆମେ ଆହୁରି ସମର୍ଥନ ପାଇବୁ । ଗୃହରେ ମୁଖ୍ୟମନ୍ତ୍ରୀ ନୀତୀଶ କୁମାର ଏବଂ ବିରୋଧୀ ଦଳର ନେତା ତେଜସ୍ୱୀ ଯାଦବ (Tejashwi Yadav) ଙ୍କ ମଧ୍ୟରେ ହୋଇଥିବା ମୁହାଁମୁହିଁକୁ ନେଇ ଚିରାଗ ନିନ୍ଦା କରି କହିଛନ୍ତି ଯେ ସେ କାହାର ପକ୍ଷ ନେବ ନାହିଁ । ଉଭୟ ପକ୍ଷ ତରଫରୁ ପରସ୍ପର ଉପରେ ବ୍ୟକ୍ତିଗତ ଟିପ୍ପଣୀ କରିଥିଲେ ।