LPG ଗ୍ରାହକଙ୍କୁ ଠିକଣା ପ୍ରୁଫ୍ ବିନା ମିଳିବ ଗ୍ୟାସ୍ ସିଲିଣ୍ଡର, ଜାଣନ୍ତୁ କେଉଁଠାରେ ଓ କିପରି କରିବେ ବୁକ୍

ନୂଆଦିଲ୍ଲୀ: LPG Latest News: ଯେଉଁମାନେ LPG କନେକଶନ୍ (LPG Gas Cylinder  Connection) ନେବାକୁ ଯୋଜନା କରୁଛନ୍ତି ସେମାନଙ୍କ ପାଇଁ ଏକ ଖୁସି ଖବର ଅଛି । ବର୍ତ୍ତମାନ ଯଦି ଆପଣଙ୍କ ପାଖରେ ଠିକଣା ପ୍ରୁଫ୍ (Address Proof) ନାହିଁ, ତେବେ ମଧ୍ୟ ଆପଣ LPG ସିଲିଣ୍ଡର କିଣି ପାରିବେ । ସରକାରୀ ତୈଳ କମ୍ପାନୀ ଇଣ୍ଡିଆନ୍ ଅଏଲ୍ କର୍ପୋରେସନ୍ (IOCL) ସାଧାରଣ ଲୋକଙ୍କୁ ରିହାତି ପ୍ରଦାନ କରି LPG ଉପରେ ଠିକଣାର ବାଧ୍ୟତାକୁ ରଦ୍ଦ କରିଦେଇଛି । ଏହାର ଅର୍ଥ ହେଉଛି, ଠିକଣା ପ୍ରୁଫ୍ (Address Proof) ବିନା ଆପଣ ଗ୍ୟାସ୍ ନେଇପାରିବେ । ଆସନ୍ତୁ ଜାଣିବା ଏହାର ସମ୍ପୂର୍ଣ୍ଣ ପ୍ରକ୍ରିୟା ବିଷୟରେ..

ବର୍ତ୍ତମାନ ଠିକଣା ପ୍ରମାଣ ବିନା ମିଳିବ ସିଲିଣ୍ଡର

ସୂଚନାଯୋଗ୍ୟ ଯେ ପୂର୍ବରୁ ଠିକଣା ପ୍ରମାଣ (Address Proof) ବିନା ଏଲପିଜି ସିଲିଣ୍ଡର (LPG Gas Cylinder) ମିଳୁ ନଥିଲା । କିନ୍ତୁ ବର୍ତ୍ତମାନ ଏହି ନିୟମକୁ ପରିବର୍ତ୍ତନ କରାଯାଇଛି । ବର୍ତ୍ତମାନ ଗ୍ରାହକମାନେ ନିଜ ସହର କିମ୍ବା ସେମାନଙ୍କ ଅଞ୍ଚଳ ନିକଟରେ ଥିବା ଇଣ୍ଡେନ୍ ଗ୍ୟାସ୍ ବିତରକ କିମ୍ବା ପଏଣ୍ଟ ଅଫ୍ ସେଲ୍ ପରିଦର୍ଶନ କରି ସହଜରେ ୫ କିଲୋଗ୍ରାମ LPG ସିଲିଣ୍ଡର (LPG Gas Cylinder) କିଣି ପାରିବେ । ଏଥିପାଇଁ କୌଣସି ଦଲିଲ ଆବଶ୍ୟକ ହେବ ନାହିଁ । ସେଠାରେ କେବଳ ଆପଣଙ୍କୁ ସିଲିଣ୍ଡରର ମୂଲ୍ୟ ଦେଇ ସିଲିଣ୍ଡର ମିଳିଯିବ । ଇଣ୍ଡେନ (Indane) ର ୫ କିଲୋଗ୍ରାମ ସିଲିଣ୍ଡର ଇଣ୍ଡେନ ର ବିକ୍ରୟ ସ୍ଥାନରୁ ଭରାଯାଇପାରିବ । ଆପଣଙ୍କୁ କହି ରଖୁଛୁ ଯେ ଏହି ସିଲିଣ୍ଡରଗୁଡିକ BIS ପ୍ରମାଣିତ ହୋଇଥାଏ ।

ଫେରସ୍ତ ମଧ୍ୟ କରାଯାଇପାରିବ ସିଲିଣ୍ଡର

ଯଦି ଆପଣ ଗ୍ୟାସର ଅନ୍ୟ କେଉଁଠି ବିକଳ୍ପ ବାଛିଛନ୍ତି କିମ୍ବା ଆପଣ ସହର ଛାଡି ଯାଉଛନ୍ତି ତେବେ ଆପଣ ଏହି ଗ୍ୟାସ ସିଲିଣ୍ଡରକୁ ଇଣ୍ଡେନର ବିକ୍ରୟ ସ୍ଥଳରେ ଫେରାଇ ପାରିବେ । ଯଦି ୫ ବର୍ଷରେ ଫେରସ୍ତ କରାଯାଏ, ସିଲିଣ୍ଡରର ମୂଲ୍ୟର 50% ମଧ୍ୟ ଫେରସ୍ତ ହେବ ଏବଂ 5 ବର୍ଷ ପରେ ଏହାକୁ ଫେରସ୍ତ କରିବା ଉପରେ ୧୦୦ ଟଙ୍କା ମିଳିବ ।

ଏହା ବି ପଢ଼ନ୍ତୁ:-ସକାଳେ ଉଠିବା ପରେ କରନ୍ତୁନି ଏହି ୭ଟି ଭୁଲ, ନଚେତ୍ ଭୋଗିବାକୁ ପଡ଼ିବ ଏସବୁ ସମସ୍ୟା

ଏହା ବି ପଢ଼ନ୍ତୁ:-ସରକାରୀ କର୍ମଚାରୀଙ୍କ ପାଇଁ ଡବଲ୍ ଖୁସି ଖବର! ମହଙ୍ଗା ଭତ୍ତାରେ ୧୪ ପ୍ରତିଶତ ବୃଦ୍ଧି, ମିଳିବ ୧୦ ମାସର ବକେୟା ରାଶି

ଏହା ବି ପଢ଼ନ୍ତୁ:-ମୋଦି ସରକାରଙ୍କ ନିଷ୍ପତ୍ତି ଯୋଗୁଁ ଆରମ୍ଭ ହେଲା ହଙ୍ଗାମା, ଇଜିପ୍ଟ କଲା ଏହି ବଡ଼ ଘୋଷଣା

ଘରେ ବସି ସହଜରେ କରନ୍ତୁ ବୁକ୍ 

ଏହା ବ୍ୟତୀତ, ଆପଣ ରିଫିଲ୍ ପାଇଁ ଗ୍ୟାସ୍ ବୁକ୍ କରିପାରିବେ । ଏଥିପାଇଁ କୌଣସି ସ୍ଥାନକୁ ଯିବାର ଆବଶ୍ୟକତା ନାହିଁ । ଏଥିପାଇଁ ଇଣ୍ଡେନ୍ ଏକ ସ୍ୱତନ୍ତ୍ର ନମ୍ବର 8454955555 ଜାରି କରିଛି । ଦେଶର ଯେକୌଣସି କୋଣରୁ ଏହି ନମ୍ବରରେ ଏକ ମିସ୍ କଲ କରି ଆପଣ ଏକ ଛୋଟ ସିଲିଣ୍ଡର ବୁକ୍ କରିପାରିବେ । ଆପଣ ହ୍ୱାଟସ୍ ଆପ୍ ମାଧ୍ୟମରେ ସିଲିଣ୍ଡର ବୁକ୍ କରିପାରିବେ । ରିଫିଲ୍ ଟାଇପ୍ କରି ଆପଣ 7588888824 ନମ୍ବରକୁ ମେସେଜ୍ କଲେ ଆପଣଙ୍କର ସିଲିଣ୍ଡର ବୁକ୍ ହୋଇଯିବ । ଆପଣ 7718955555 କୁ କଲ କରି ସିଲିଣ୍ଡର ବୁକ୍ କରିପାରିବେ ।