ଜାତିସଂଘରେ ତାଲିବାନକୁ ବସାଇବାର ଦାବି ପଛରେ ପାକିସ୍ତାନର ହାତ, ଭାରତ ଏପରି ପଣ୍ଡ କଲା ପ୍ଲାନ୍

ନୂଆଦିଲ୍ଲୀ: ଅନ୍ତର୍ଜାତୀୟ ମଞ୍ଚରେ ତାଲିବାନ (Taliban) ର ଏଣ୍ଟ୍ରିକୁ ନେଇ ପାକିସ୍ତାନ (Pakistan) ସମ୍ପୂର୍ଣ୍ଣ ଗୁରୁତ୍ୱ ଦେଉଛି । ପ୍ରଥମେ ଏସସିଓରେ ତାଲିବାନର ପ୍ରତିନିଧିତ୍ୱ ଆଣିବାକୁ ଚେଷ୍ଟା କରାଯାଇଥିଲା । ଏଠାରେ କିଛି କାମ ନହେବାରୁ ପାକିସ୍ତାନ ସାର୍କ (SAARC) ବୈଦେଶିକ ମନ୍ତ୍ରୀଙ୍କ ବୈଠକ ପାଇଁ ତାଲିବାନ ପ୍ରତିନିଧିତ୍ୱ ପାଇଁ ଦାବି କରିଥିଲା । ସାର୍କ ଦେଶମାନେ ମଧ୍ୟ ପାକିସ୍ତାନର ଦାବିକୁ ପ୍ରତ୍ୟାଖ୍ୟାନ କରିଛନ୍ତି । ଏହି କାରଣରୁ ବୈଠକ ବାତିଲ କରାଯାଇଥିଲା ।

ଜାତିସଂଘ (United Nations) ରେ ତାଲିବାନ (Taliban) ର ପ୍ରତିନିଧୀଙ୍କୁ ସ୍ୱୀକୃତି ଦେବା ଦାବି ପଛରେ ପାକିସ୍ତାନ (Pakistan) ର ହାତ ରହିଥାଏ କୁହାଯାଉଛି । ବିଶେଷଜ୍ଞମାନେ କହିଛନ୍ତି ଯେ ତାଲିବାନକୁ ନେଇ ଦୁନିଆର ଆଶଙ୍କା ମଧ୍ୟରେ ପାକିସ୍ତାନର ଓକିଲାତି ମଧ୍ୟ ଏହାର ଉଦ୍ଦେଶ୍ୟ ଉପରେ ପ୍ରଶ୍ନ ଉଠାଉଛି । ବର୍ତ୍ତମାନ ପାକିସ୍ତାନର ପ୍ରୟାସକୁ ଭାରତ (India) ଦୃଢ଼ ବିରୋଧ କରୁଛି । ଭାରତର ଦୃଢ଼ ତର୍କ ସାମ୍ନାରେ ପାକିସ୍ତାନର କୌଣସି ଚାଲ୍ ଏପର୍ଯ୍ୟନ୍ତ କାମ ଦେଉନାହିଁ ।

ISI ର ପ୍ରାଧାନ୍ୟ ପ୍ରତିଷ୍ଠା ପାଇଁ ରଣନୀତି

ବିଶେଷଜ୍ଞମାନେ କହିଛନ୍ତି ଯେ ପାକିସ୍ତାନର ଆଇଏସଆଇ ତାଲିବାନ ଶାସନ ଉପରେ ନିଜର ପ୍ରଭୁତ୍ୱ ପ୍ରତିଷ୍ଠା କରିବା ପାଇଁ ସଂପୂର୍ଣ୍ଣ ରଣନୀତି ପ୍ରସ୍ତୁତ କରୁଛି । ପାକିସ୍ତାନ ତାଲିବାନକୁ ଆଶ୍ୱାସନା ଦେଇଛି ଯେ ସେ ବିଶ୍ୱ ସ୍ତରରେ ସ୍ୱର ଉତ୍ତୋଳନ କରିବ । ପାକିସ୍ତାନୀ ଏଜେନ୍ସି ମଧ୍ୟ ଆରମ୍ଭରୁ ତାଲିବାନ ବ୍ୟବସ୍ଥାରେ ପାକିସ୍ତାନ ସମର୍ଥକ ଚେହେରାକୁ ଅଧିକ କ୍ଷମତା ଯୋଗାଇବା ପ୍ରୟାସ କରୁଛି ।

ଭାରତ ସ୍ୱୀକୃତି ସପକ୍ଷରେ ନୁହେଁ

ସୂତ୍ରରୁ ପ୍ରକାଶ ଯେ ଏସସିଓ ବୈଠକରେ ଭାରତ ନିଜର ଆଭିମୁଖ୍ୟ ସ୍ପଷ୍ଟ କରିଥିଲା । ଏବେବି ଭାରତର ସମାନ ସ୍ଥିତି ରହିଛି । ଭାରତ ତାଲିବାନର ବର୍ତ୍ତମାନର ବ୍ୟବସ୍ଥାକୁ କୌଣସି ସ୍ୱୀକୃତି ସପକ୍ଷରେ ନାହିଁ । ଆମେରିକା ଗସ୍ତ ସମୟରେ ମଧ୍ୟ ପ୍ରଧାନମନ୍ତ୍ରୀ ମୋଦି ପୁଣି ଥରେ ଭାରତର ସ୍ପଷ୍ଟ ଆଭିମୁଖ୍ୟ ପ୍ରକାଶ କରିବେ । ଭାରତ ବିଶ୍ୱାସ କରେ ଯେ ବିର୍ତ୍ତମାନର ତାଲିବାନ ଶାସନକୁ ମାନ୍ୟତା ଦେବା ପାଇଁ ଯେକୌଣସି ପ୍ରୟାସ ଦ୍ୱାରା ଆତଙ୍କବାଦ ବୃଦ୍ଧି ପାଇବ ।