'ଆଫଗାନିସ୍ତାନରେ ପାକିସ୍ତାନ ଯାହା କରିଛି ତାହାର ପରିଣାମ ଶୀଘ୍ର ହିଁ ଭୋଗିବ'

ନୂଆଦିଲ୍ଲୀ: ଆଫଗାନିସ୍ତାନ (Afghanistan) ରେ ପାକିସ୍ତାନ (Pakistan) ର ହସ୍ତକ୍ଷେପକୁ ନେଇ ଇରାନ (Iran) ପୂର୍ବରୁ ଇମ୍ରାନ ସରକାର (Imran Khan Government) ଙ୍କୁ ଚେତାବନୀ ଦେଇସାରିଛି । ଏହା ମଧ୍ୟରେ ଇରାନର ପୂର୍ବତନ ରାଷ୍ଟ୍ରପତି (ex-Iran president) ମଧ୍ୟ ପାକିସ୍ତାନକୁ କଡ଼ା ଚେତାବନୀ ଦେଇଛନ୍ତି । ଇରାନର ପୂର୍ବତନ ରାଷ୍ଟ୍ରପତି ମହମୁଦ ଅହମଦିନେଜାଦ (ex-Iran president Mahmoud Ahmadinejad) ତାଲିବାନ (Taliban), ଆଫଗାନିସ୍ତାନ ଏବଂ ପାକିସ୍ତାନକୁ ନେଇ ନିଜ ପକ୍ଷ ରଖିଛନ୍ତି । ସେ କହିଛନ୍ତି ଯେ ପାକିସ୍ତାନୀ ଅଧିକାରୀମାନେ ସିଧାସଳଖ ପଞ୍ଜଶୀର ଯୁଦ୍ଧ (Panjshir Battle) ରେ ଜଡିତ ଅଛନ୍ତି ।

ମହମୁଦ ଅହମଦିନେଜାଦ (Mahmoud Ahmadinejad) ପାକିସ୍ତାନ (Pakistan) କୁ ପରାମର୍ଶ ଦେଇଛି ଯେ ଆଫଗାନିସ୍ତାନ (Afghanistan) ରେ ଯାହା ଘଟିଛି ତାହା ପାକିସ୍ତାନ ଉପରେ ମଧ୍ୟ ପ୍ରଭାବ ପକାଇବ । ଏହା ପାକିସ୍ତାନ ପର୍ଯ୍ୟନ୍ତ ବିସ୍ତାର ହୋଇପାରେ ଓ ଯେଉଁ ଦେଶ ଏହାକୁ ଡିଜାଇନ୍ କରିଛନ୍ତି ଏବଂ ଏହାର ସମର୍ଥକ, ସେମାନଙ୍କୁ ଏହାର ପରିଣାମ ଭୋଗିବାକୁ ହେବ । ସେ ସ୍ପଷ୍ଟ ଭାବରେ କହିଛନ୍ତି ଯେ କେହି ଏହା ଭାବନ୍ତୁ ନାହିଁ ଯେ ମୁଁ କିଛି ଅଜଣା ଭବିଷ୍ୟତ ବିଷୟରେ କହୁଛି । ଏହା ବହୁତ ନିକଟତର ଓ ଶୀଘ୍ର ଘଟିବ ।

ଆଫଗାନିସ୍ତାନରେ ଯାହା ଘଟୁଛି ତାହା ସମଗ୍ର ବିଶ୍ୱ ଉପରେ ପ୍ରଭାବ ପକାଇବ ବୋଲି ମହମୁଦ ଅହମଦିନେଜାଦ କହିଛନ୍ତି । ଏହାର ସବୁଠାରୁ ବଡ ପ୍ରଭାବ ପାକିସ୍ତାନ, ଭାରତ, ଚୀନ୍ ଏବଂ ଇରାନ ଭଳି ଦେଶ ଉପରେ ପଡ଼ିବ । ସେ କହିଛନ୍ତି ଯେ ଆଫଗାନିସ୍ତାନର ପରିସ୍ଥିତିର ସମାଧାନ ପାଇଁ ଭାରତ ଓ ଇରାନ ଏକାଠି ହେବା ଆବଶ୍ୟକ । ରାଜନୈତିକ ଓ ମାନବିକ ପ୍ରସଙ୍ଗର ଢାଞ୍ଚାରେ ଏହାର ସମାଧାନ ହେବା ପାଇଁ ଯୋଜନା କରାଯିବା ଆବଶ୍ୟକ ।

ତାଲିବାନ ସରକାର (Taliban Govt) କୁ ସ୍ୱୀକୃତି ଦେବା ସମ୍ପର୍କରେ ସେ କହିଛନ୍ତି ଯେ ଏପରି ସରକାରକୁ ସ୍ୱୀକୃତି ଦେବା ଯିଏ ଅସ୍ତ୍ରଶସ୍ତ୍ର ଆଧାରରେ କ୍ଷମତା ଦଖଲ କରିଛି ଓ ଯାହାର କୌଣସି ନୀତି ନାହିଁ, ଏହା ଲଜ୍ଜାଜନକ ବିଷୟ । ଏହା ସମଗ୍ର ମାନବ ସମାଜକୁ କ୍ଷତି ପହଞ୍ଚାଇବ ।