ଭଲ ଖବର! କେନ୍ଦ୍ର ସରକାର ମହିଳା ଓ ପୁରୁଷଙ୍କୁ ପ୍ରତି ମାସରେ ଦେବେ ୩୦୦୦ ଟଙ୍କା, ଆପଣ ଆଜି ହିଁ କରନ୍ତୁ ଆବେଦନ

ନୂଆଦିଲ୍ଲୀ: PM Karam Yogi Mandhan Yojana: ଦେଶର ସମସ୍ତ ବର୍ଗ ପାଇଁ କେନ୍ଦ୍ର ସରକାର (Central Government) ଅନେକ ସ୍ୱତନ୍ତ୍ର ଯୋଜନା ଚଳାଉଛନ୍ତି । ଏଥିରେ ଅନେକ ପେନସନ୍ ସ୍କିମ୍ ଓ ଅନେକ ଆର୍ଥିକ ସହାୟତା ଯୋଜନା ମଧ୍ୟ ସାମିଲ ରହିଛି । ଆଜି ଆମେ ଆପଣଙ୍କୁ ଏପରି ଏକ ସରକାରୀ ଯୋଜନା ବିଷୟରେ କହିବୁ, ଯେଉଁଥିରେ ଆପଣଙ୍କୁ ସରକାରଙ୍କ ଠାରୁ ପ୍ରତିମାସରେ ୩୦୦୦ ଟଙ୍କା ମିଳିବ ଅର୍ଥାତ୍ ଆପଣ ବାର୍ଷିକ ୩୬,୦୦୦ ଟଙ୍କାର ଲାଭ ପାଇପାରିବେ । ଆଜି ଆମେ ଆପଣଙ୍କୁ କହିବୁ କିଏ ଏଥି ପାଇଁ ଆବେଦନ କରିପାରିବେ ।

ସୂଚନାଯୋଗ୍ୟ, ଏହି ସରକାରୀ ଯୋଜନାର ନାମ ହେଉଛି ପ୍ରଧାନମନ୍ତ୍ରୀ କର୍ମ ଯୋଗୀ ମାନଧନ ଯୋଜନା (Pradhan Mantri Karma Yogi Maandhan Yojana), ଯାହା ଅନ୍ତର୍ଗତ ଆପଣଙ୍କୁ ପ୍ରତି ମାସରେ ୩୦୦୦ ଟଙ୍କାର ସୁବିଧା ଦିଆଯିବ । ୨୦୧୯ରେ ଏହି ଯୋଜନା ଆରମ୍ଭ ହୋଇଥିଲା ।

ପିଏମ କର୍ମ ଯୋଗୀ ମାନଧନ ଯୋଜନା (PM Karam Yogi Mandhan Yojana) ଅନ୍ତର୍ଗତ ଦେଶର ଛୋଟ ଦୋକାନୀ ଓ ବ୍ୟବସାୟୀ ଯେଉଁମାନେ ଜିଏସଟି ଅଧୀନରେ ପଞ୍ଜୀକୃତ ହୋଇଛନ୍ତି ଏବଂ ଯାହାଙ୍କ ଟର୍ନଓଭର ୧.୫ କୋଟି ପର୍ଯ୍ୟନ୍ତ ରହିଛି । ଆପଣ ଏହି ଯୋଜନା ପାଇଁ CSC ଭିଜିଟ କରି ଆବେଦନ କରିପାରିବେ ।

ଆପଣଙ୍କୁ କହି ରଖୁଛୁ ଯେ, ଏହା ଏକ ପ୍ରକାର ପେନସନ୍ ଯୋଜନା, ଯାହାର ଲାଭ ଆପଣ ୧୮ ବର୍ଷରୁ ୪୦ ବର୍ଷ ମଧ୍ୟରେ ନେଇପାରିବେ । ଏଥିରେ ଛୋଟ ବ୍ୟବସାୟୀ ଓ ବଡ଼ ବ୍ୟବସାୟୀଙ୍କୁ ସାମିଲ କରାଯାଇଛି । ଏହି ଯୋଜନାରେ ହିତାଧିକାରୀଙ୍କୁ ୬୦ ବର୍ଷ ବୟସ ପରେ ମାସକୁ ୩୦୦୦ ଟଙ୍କା ଦିଆଯିବ ।

ଯଦି ଆପଣ ୧୮ ବର୍ଷ ବୟସରେ ଏହି ଯୋଜନାରେ ଅଂଶଗ୍ରହଣ କରନ୍ତି, ତେବେ ଆପଣଙ୍କୁ ପ୍ରତିମାସରେ କେବଳ ୫୫ ଟଙ୍କାର ପ୍ରିମିୟମ ଦେବାକୁ ପଡିବ । ଅନ୍ୟପଟେ ଯଦି ଆପଣ ୪୦ ବର୍ଷ ବୟସରେ ଏହି ଯୋଜନାରେ ଅଂଶଗ୍ରହଣ କରନ୍ତି, ତେବେ ଆପଣଙ୍କୁ ପ୍ରିମିୟମ ଭାବରେ ମାସକୁ ୨୦୦ ଟଙ୍କା ଦେବାକୁ ପଡିବ ।

ଏହା ବି ପଢ଼ନ୍ତୁ:-ଖୁସି ଖବର! ଏଣିକି ସପ୍ତାହରେ ୫ ଦିନ କାମ କରିବେ ଏହି ରାଜ୍ୟର ସରକାରୀ କର୍ମଚାରୀ

ଏହା ବି ପଢ଼ନ୍ତୁ:-ଗିଜର ଓ ହିଟର ଚଲାଇବା ପରେ ମଧ୍ୟ କମ୍ ଆସିବ ବିଜୁଳି ବିଲ୍, କେବଳ କରିବାକୁ ହେବ ଏହି ୨ଟି କାମ

ଏହା ବି ପଢ଼ନ୍ତୁ:-କୋରୋନା ସଙ୍କଟ: ଦିନକରେ ଚିହ୍ନଟ ହେଲା ଏତିକି ମାମଲା, ସଂକ୍ରମଣ ଦର ଛୁଇଁଲା ୧୯.୫ ପ୍ରତିଶତ

ଏହା ବି ପଢ଼ନ୍ତୁ:-ଟିମ୍ ଇଣ୍ଡିଆରୁ ବିଦା ହେଲେ ଏହି ୫ ଖେଳାଳି, ଦକ୍ଷିଣ ଆଫ୍ରିକାରେ ଖରାପ ପ୍ରଦର୍ଶନ ପାଇଁ ମିଳିଲା 'ଦଣ୍ଡ'

ପ୍ରଧାନମନ୍ତ୍ରୀ କର୍ମ ଯୋଗୀ ମାନଧନ ଯୋଜନା ଅଧୀନରେ ପେନସନ୍‌ ଭାବରେ ମିଳିବାକୁ ଥିବା ଅର୍ଥ ସିଧାସଳଖ ହିତାଧିକାରୀଙ୍କ ଆକାଉଣ୍ଟକୁ ଟ୍ରାନ୍ସଫର ହୁଏ । ଏହି ରାଶି କେବଳ ସେତେବେଳେ ଆକାଉଣ୍ଟରେ ପହଞ୍ଚିବ ଯେତେବେଳେ ହିତାଧିକାରୀଙ୍କ ବ୍ୟାଙ୍କ ଆକାଉଣ୍ଟ ଆଧାର ସହିତ ଲିଙ୍କ ହେବ । କହି ରଖୁଛୁ ଯେ, କେବଳ ସେହି ଲୋକମାନେ ଯେଉଁମାନେ ଭାରତରେ ବାଣିଜ୍ୟ ଓ ବ୍ୟବସାୟ କରନ୍ତି ସେମାନେ ଏହି ଯୋଜନାରେ ଆବେଦନ କରିପାରିବେ । ଭାରତ ବାହାରେ ବ୍ୟବସାୟ କରୁଥିବା ଛୋଟ ବ୍ୟବସାୟୀ ଏବଂ ଅନ୍ୟାନ୍ୟ ବ୍ୟବସାୟୀମାନେ ଏହି ଯୋଜନାର ଲାଭ ଉଠାଇ ପାରିବେ ନାହିଁ । ଏହି ଯୋଜନାର ଲାଭ ଉଠାଇବା ପାଇଁ ଆପଣଙ୍କୁ ଆଧାର କାର୍ଡ, ଆଧାର କାର୍ଡ ସହିତ ଜଡ଼ିତ ବ୍ୟାଙ୍କ ଆକାଉଣ୍ଟ, ଜିଏସଟି ରେଜିଷ୍ଟ୍ରେସନ ନମ୍ବର ଏବଂ ପାସପୋର୍ଟ ସାଇଜ୍ ଫଟୋର ଆବଶ୍ୟକତା ହେବ ।

ଆବେଦନକାରୀମାନେ ସମସ୍ତ ଆବଶ୍ୟକୀୟ ଡକ୍ୟୁମେଣ୍ଟ ସହିତ ନିକଟସ୍ଥ ସେବା କେନ୍ଦ୍ର ଭିଜିଟ କରିପାରିବେ । ସେଠାରେ ଆପଣଙ୍କୁ ଆପଣଙ୍କର ଅନଲାଇନ୍ ଫର୍ମ ପୂରଣ କରିବାକୁ ପଡିବ ଓ ସମସ୍ତ ଡକ୍ୟୁମେଣ୍ଟ୍ ଦେବାକୁ ପଡିବ । ଏହାକୁ ଦାଖଲ କରିବା ପରେ ଆପଣ ଏହି ଯୋଜନାର ହିତାଧିକାରୀ ହେବେ ।