ପୁଟିନଙ୍କ ଖାସ୍ ପରାମର୍ଶଦାତା କିଏ, କେଉଁମାନଙ୍କ ହାତରେ ରହିଛି ୟୁକ୍ରେନ ଦଖଲ କରିବାର ପୂରା ଦାୟିତ୍ୱ?

Russia Ukraine War: ଋଷ ୟୁକ୍ରେନ ଉପରେ ଆକ୍ରମଣ କରିବାର ଏକ ସପ୍ତାହ ପୂର୍ବରୁ ଋଷିଆ ଟିଭି ରାଷ୍ଟ୍ରପତି ପୁଟିନ (Baldimir Putin)) ଙ୍କ ୩୦ ସଦସ୍ୟ ବିଶିଷ୍ଟ ସୁରକ୍ଷା ପରିଷଦର ଏକ ଅଧିବେଶନ ପ୍ରସାରଣ କରିଥିଲା, ଯେଉଁଥିରେ ପୁଟିନ ତାଙ୍କର ନିକଟତମ ପରାମର୍ଶଦାତାମାନଙ୍କ ଠାରୁ ବହୁତ ଦୂରରେ ବସିଥିବାର ଦେଖାଯାଇଥିଲା । ଏହି ବୈଠକରେ ସେ ନିଜ ପରାମର୍ଶଦାତାଙ୍କ ଠାରୁ ଋଷ ସମର୍ଥିତ ଦୁଇ ବିଚ୍ଛିନ୍ନତାବାଦୀ ପ୍ରଦେଶ ଡୋନେଟସ୍କ ଓ ଲୁହାନସ୍କକୁ କଥିତ ଭାବରେ ସ୍ୱତନ୍ତ୍ର ଦେଶର ସ୍ୱୀକୃତି ଦେବା ପୂର୍ବରୁ ସେ ସେମାନଙ୍କ ମତ ନେଉଥିଲେ ।

ନୂଆଦିଲ୍ଲୀ: Russia Ukraine War: ଋଷ (Russia) ୟୁକ୍ରେନ (Ukraine) କୁ ଧ୍ୱଂସ କରିବାକୁ ଶପଥ ନେଇସାରିଛି । ଋଷର ସେନା (Russian Army) ୟୁକ୍ରେନ ଉପରେ ଜୋରଦାର ଆକ୍ରମଣ ଜାରି ରଖିଛି । ଋଷର ଆକ୍ରମଣ ଯୋଗୁଁ ୧୫ ଲକ୍ଷ ଜନସଂଖ୍ୟା ବିଶିଷ୍ଟ ଖାର୍କିଭ୍ (Kharkiv) ଧ୍ୱଂସ ହୋଇସାରିଛି । ୟୁକ୍ରେନ କହିଛି ଯେ, ଋଷର ଆକ୍ରମଣ ଯୋଗୁଁ ପ୍ରଥମ ସାତ ଦିନରେ ୨୦୦୦ରୁ ଅଧିକ ନିରୀହ ସାଧାରଣ ନାଗରିକଙ୍କ ମୃତ୍ୟୁ ଘଟିଛି । ତଥାପି, ଏପର୍ଯ୍ୟନ୍ତ ସଠିକ୍ ଆକଳନ ସାମ୍ନାକୁ ଆସିନାହିଁ ।

ଏକ ରିପୋର୍ଟ ଅନୁଯାୟୀ, ଏହି ଯୁଦ୍ଧ (Russia Ukraine War) ରେ ଋଷ ପ୍ରତିଦିନ ପ୍ରାୟ ୧ ଲକ୍ଷ କୋଟି ଟଙ୍କା ଖର୍ଚ୍ଚ କରୁଛି, ଯାହା ଋଷ (Russia) ର ଆର୍ଥିକ ଅବସ୍ଥା ଉପରେ ଖରାପ ପ୍ରଭାବ ପକାଇପାରେ । ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ (Russian President Baldimir Putin) ନିଜ ଦେଶର ଆର୍ଥିକ ଅବସ୍ଥା ପାଇଁ ବିପଦ ସୃଷ୍ଟି କରିଛନ୍ତି, ତଥାପି ସେ ଏହି ଯୁଦ୍ଧ ବନ୍ଦ କରିବାକୁ ପ୍ରସ୍ତୁତ ନୁହଁନ୍ତି । ଏପରି ପରିସ୍ଥିତିରେ ପ୍ରଶ୍ନ ଉଠୁଛି ଯେ ପୁଟିନଙ୍କ ପରାମର୍ଶଦାତା କିଏ ଓ ଏହି ସମଗ୍ର ଯୁଦ୍ଧର ରଣନୀତି କିଏ ପ୍ରସ୍ତୁତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଛନ୍ତି ?

ଋଷ ୟୁକ୍ରେନ ଉପରେ ଆକ୍ରମଣ କରିବାର ଏକ ସପ୍ତାହ ପୂର୍ବରୁ ଋଷିଆ ଟିଭି ରାଷ୍ଟ୍ରପତି ପୁଟିନ (Baldimir Putin)) ଙ୍କ ୩୦ ସଦସ୍ୟ ବିଶିଷ୍ଟ ସୁରକ୍ଷା ପରିଷଦର ଏକ ଅଧିବେଶନ ପ୍ରସାରଣ କରିଥିଲା, ଯେଉଁଥିରେ ପୁଟିନ ତାଙ୍କର ନିକଟତମ ପରାମର୍ଶଦାତାମାନଙ୍କ ଠାରୁ ବହୁତ ଦୂରରେ ବସିଥିବାର ଦେଖାଯାଇଥିଲା । ଏହି ବୈଠକରେ ସେ ନିଜ ପରାମର୍ଶଦାତାଙ୍କ ଠାରୁ ଋଷ ସମର୍ଥିତ ଦୁଇ ବିଚ୍ଛିନ୍ନତାବାଦୀ ପ୍ରଦେଶ ଡୋନେଟସ୍କ ଓ ଲୁହାନସ୍କକୁ କଥିତ ଭାବରେ ସ୍ୱତନ୍ତ୍ର ଦେଶର ସ୍ୱୀକୃତି ଦେବା ପୂର୍ବରୁ ସେ ସେମାନଙ୍କ ମତ ନେଉଥିଲେ ।

ସର୍ଗେଇ ଶୋଏଗୁ, ଋଷର ପ୍ରତିରକ୍ଷା ମନ୍ତ୍ରୀ

ସର୍ଗେଇ ଶୋଏଗୁ (Sergei Shoigu) ଦୀର୍ଘ ଦିନ ଧରି ପୁଟିନଙ୍କ ନିକଟତମ ବ୍ୟକ୍ତିମାନଙ୍କ ମଧ୍ୟରେ ଅନ୍ୟତମ । ଋଷର ସୁରକ୍ଷା ବିଶେଷଜ୍ଞ ତଥା ଲେଖକ ଆନ୍ଦ୍ରେଇ ସୋଲାତୋଭ ମନେ କରନ୍ତି ଯେ, ଏବେବି ପ୍ରତିରକ୍ଷା ମନ୍ତ୍ରୀ ସବୁଠାରୁ ପ୍ରଭାବଶାଳୀ ସ୍ୱର, ଯାହାଙ୍କ କଥା ରାଷ୍ଟରପତି ଶୁଣନ୍ତି । ଗଣମାଧ୍ୟମର ରିପୋର୍ଟ ଅନୁଯାୟୀ, ଋଷ (Russia) କୁ ପାଶ୍ଚାତ୍ୟର ତଥାକଥିତ ସାମରିକ ବିପଦରୁ ରକ୍ଷା କରିବା ପାଇଁ ସେ ପୁଟିନଙ୍କୁ ପରାମର୍ଶ ଦିଅନ୍ତି ।

୨୦୧୪ରେ କ୍ରିମିଆ ଉପରେ ଋଷର ଦଖଲର ଶ୍ରେୟ ତାଙ୍କୁ ଦିଆଯାଇଥାଏ । ସେ GRU ସୈନ୍ୟ ଗୁଇନ୍ଦା ସଂସ୍ଥାର ପ୍ରଭାରୀ ଥିଲେ, ଯାହା ଉପରେ ଦୁଇ ଏଜେଣ୍ଟଙ୍କୁ ବିଷ ଦେଇ ହତ୍ୟା କରିବା, ୨୦୦୮ରେ ବ୍ରିଟେନର ସାଲିସବୋରୀରେ ହୋଇଥିବା ମାରାତ୍ମକ ଆକ୍ରମଣ ଓ ୨୦୨୦ରେ ସାଇବରିଆର ବିରୋଧୀଦଳ ନେତା ଆଲେକ୍ସାଇ ନାଭାଲ୍ନିଙ୍କ ଉପରେ ହୋଇଥିବା ମାରାତ୍ମକ ଆକ୍ରମଣ କରିବାର ଅଭିଯୋଗ ରହିଛି । 

ଭାଲେରୀ ଗେରାସିମୋଭ, ଋଷର ଉପ ପ୍ରତିରକ୍ଷା ମନ୍ତ୍ରୀ

ଋଷର ଉପ ପ୍ରତିରକ୍ଷା ମନ୍ତ୍ରୀ ତଥା ଋଷର ସଶସ୍ତ୍ର ବାହିନୀର ଜେନରାଲ ଷ୍ଟାପ୍ ମୁଖ୍ୟ ଭାଲେରୀ ଗେରାସିମୋଭ (Valery Gerasimo) ଙ୍କ କାର୍ଯ୍ୟ ହେଉଛି ୟୁକ୍ରେନ ଉପରେ ଆକ୍ରମଣ କରିବା ଓ ଏହି କାର୍ଯ୍ୟକୁ ଶୀଘ୍ର ସମାପ୍ତ କରିବା । ୧୯୯୯ ଚେଚେନ ଯୁଦ୍ଧରେ ସେନା କମାଣ୍ଡର ହେବା ପରଠାରୁ ସେ ଭ୍ଲାଦିମିର ପୁଟିନ (Putin) ଙ୍କ ସାମରିକ ଅଭିଯାନର ଏକ ପ୍ରମୁଖ ଚେହେରା ରହିଆସିଛନ୍ତି । ସେ ଗତ ମାସରେ ବେଲାଋଷ (Belarus) ରେ ସାମରିକ ଅଭ୍ୟାସର ତଦାରଖ କରି ୟୁକ୍ରେନ (Ukraine) ପାଇଁ ସାମରିକ ଯୋଜନା ପ୍ରସ୍ତୁତ କରିବାରେ ମଧ୍ୟ ଆଗରେ ଥିଲେ । ଜେନେରାଲ ଗେରାସିମୋଭ ମଧ୍ୟ କ୍ରିମିଆକୁ ଦଖଲ କରିବା ପାଇଁ ସାମରିକ ଅଭିଯାନରେ ଏକ ପ୍ରମୁଖ ଭୂମିକା ଗ୍ରହଣ କରିଛନ୍ତି ।

ସର୍ଗେଇ ନରିଶକିନ୍, ବୈଦେଶିକ ଗୁଇନ୍ଦା ସେବାର ପ୍ରମୁଖ

ସର୍ଗେଇ ନରିଶକିନ୍ (Sergei Naryshkin) ନିଜ କ୍ୟାରିୟରର ଅଧିକାଂଶ ସମୟ ରାଷ୍ଟ୍ରପତିଙ୍କ ସହ ରହିଛନ୍ତି । ସେ ୧୯୯୦ ଦଶକରେ ସେଣ୍ଟ ପିଟର୍ସବର୍ଗରେ ପୁଟିନଙ୍କ ସହ ଥିଲେ । ତା’ପରେ ୨୦୦୪ରେ ସେ ପୁଟିନଙ୍କ କାର୍ଯ୍ୟାଳୟ ଓ ଶେଷରେ ସଂସଦର ଅଧ୍ୟକ୍ଷ ହୋଇଥିଲେ । ସେ ଋଷର ଐତିହାସିକ ସମାଜର ମୁଖ୍ୟ ମଧ୍ୟ ଅଟନ୍ତି ଓ ରାଷ୍ଟ୍ରପତିଙ୍କୁ ବୈଚାରିକ ପରାମର୍ଶ ଦେବା ଜାରି ରଖିଛନ୍ତି ।

ଜେନେରାଲ ନିକୋଲାଇ ପେତ୍ରୁଶେଭ, ସୁରକ୍ଷା ପରିଷଦର ସଚିବ

ଜେନେରାଲ ନିକୋଲାଇ ପେତ୍ରୁଶେଭ (Sergei Naryshkin) ପୁଟିନଙ୍କ ଜଣେ ବିଶ୍ୱସ୍ତ ଅଟନ୍ତି । ସେ ପୁଟିନ (Putin) ଙ୍କ ସହ ୧୯୭୦ ଦଶକରୁ ସେଣ୍ଟ ପିଟର୍ସବର୍ଗରେ କାମ କରିଥିଲେ । ରାଷ୍ଟ୍ରପତିଙ୍କ ଉପଦେଷ୍ଟାମାନଙ୍କ ମଧ୍ୟରେ ତାଙ୍କୁ ମଧ୍ୟ ଗଣାଯାଏ । ୟୁନିଭର୍ସିଟି କଲେଜ ଲଣ୍ଡନର ଋଷ ରାଜନୀତିର ସହଯୋଗୀ ପ୍ରଫେସର ବେନ ନୋବେଲ କହିଛନ୍ତି ଯେ, ପାତ୍ରୁଶେଭ ଦ୍ରୁତତମ ଇଗଲ ପରି ଓ ପାଶ୍ଚାତ୍ୟ ଦେଶକୁ ଋଷର ଶତ୍ରୁ ବୋଲି ମନେ କରନ୍ତି।

ଆଲେକ୍ସଜାଣ୍ଡାର୍ ବୋର୍ତନିକୋଭ୍, ନିର୍ଦ୍ଦେଶକ ଫେଡେରାଲ୍ ସୁରକ୍ଷା ସେବା 

ପୁଟିନଙ୍କ ବିଶ୍ୱସ୍ତବାଦୀଙ୍କ ମଧ୍ୟରୁ ବର୍ତନିକୋଭ (Alexander Bortnikov) ଅନ୍ୟତମ । ତାଙ୍କୁ ରାଷ୍ଟ୍ରପତିଙ୍କ ଅତି ନିକଟତର ମନେ କରାଯାଏ । ଅନେକ ରିପୋର୍ଟରେ କୁହାଯାଇଛି ଯେ ପୁଟିନ (Putin) ଅନ୍ୟ ଉତ୍ସ ଅପେକ୍ଷା ସୁରକ୍ଷା ସେବା ଠାରୁ ମିଳୁଥିବା ସୂଚନା ଉପରେ ବିଶ୍ୱାସ କରନ୍ତି ଓ ସେଥିପାଇଁ ଆଲେକ୍ସଜାଣ୍ଡାର୍ ବୋର୍ତନିକୋଭଙ୍କୁ ପୁଟିନଙ୍କ ଖାସ୍ ମନେ କରାଯାଏ । ନିକୋଲାଇ ପେତ୍ରୁଶେଭ ହଟିବା ପରେ ସେ FSB ର ନେତୃତ୍ୱ ଗ୍ରହଣ କରିଥିଲେ । ଅନ୍ୟାନ୍ୟ ଆଇନ ଶୃଙ୍ଖଳା ସେବା ଉପରେ FSB ର ଯଥେଷ୍ଟ ପ୍ରଭାବ ଅଛି ଓ ଏହାର ନିଜସ୍ୱ ବିଶେଷ ବଳ ମଧ୍ୟ ଅଛି ।

ଭାଲେଣ୍ଟିନା ମ୍ୟାଟଭିଏନକୋ, ସିନେଟର ମୁଖ୍ୟ 

ଭାଲେଣ୍ଟିନା ମ୍ୟାଟଭିଏନକୋ  (Valentina Matvienko) ପୁଟିନଙ୍କ ଦଳର ଏକମାତ୍ର ମହିଳା । ସେ ପିଟର୍ସବର୍ଗରୁ ପୁଟିନ ବିଶ୍ୱସ୍ତ ଅଟନ୍ତି । ସେ ୨୦୧୪ରେ କ୍ରିମିଆର ଦଖଳରେ ମଧ୍ୟ ଭୂମିକା ଗ୍ରହଣ କରିଥିବା ଜଣାପଡିଛି । ଯଦିଓ ସେ ପ୍ରାଥମିକ ନିଷ୍ପତ୍ତି ନିଅନ୍ତି ନାହିଁ, ଋଷର ସୁରକ୍ଷା ପରିଷଦର ଅନ୍ୟ ସଦସ୍ୟଙ୍କ ପରି ତାଙ୍କର ଭୂମିକା ହେଉଛି ସାମୂହିକ ଆଲୋଚନାରେ ଅଂଶଗ୍ରହଣ କରିବା ଏବଂ ତାଙ୍କ ମତାମତ ଦେବା । ନିକଟ ଅତୀତରେ ସେ କହିଛନ୍ତି ଯେ, ୟୁକ୍ରେନରେ ଋଷର ସାମରିକ ଅପରେସନ ଉପରେ ଆମେରିକା ଓ ଏହାର ସହଯୋଗୀମାନେ ଲଗାଇଥିବା ପ୍ରତିବନ୍ଧକକୁ ମସ୍କୋ ଜବାବ ଦେବ ।

ଭିକ୍ଟର ଜୋଲୋଟୋଭ, ନ୍ୟାସନାଲ ଗାର୍ଡ ସର୍ଭିସର ନିର୍ଦ୍ଦେଶକ

ଭିକ୍ଟର ଜୋଲୋଟୋଭ (Viktor Zolotov) ରାଷ୍ଟ୍ରପତିଙ୍କ ପୂର୍ବତନ ଅଙ୍ଗରକ୍ଷୀ ଓ ବର୍ତ୍ତମାନ ଋଷର ନ୍ୟାସନାଲ ଗାର୍ଡ ରୋସଗର୍ଡିଆ ଚଳାନ୍ତି । ଯାହାକୁ ୬ ବର୍ଷ ପୂର୍ବେ ରାଷ୍ଟ୍ରପତି ପୁଟିନ ରୋମାନ ସାମ୍ରାଜ୍ୟ ପରି ପ୍ରିଟୋରିଆନ୍ ଗାର୍ଡର ଶୈଳୀରେ ବ୍ୟକ୍ତିଗତ ସେନା ଭାବରେ ୬ ବର୍ଷ ପୂର୍ବେ ଗଠନ କରିଥିଲେ । ବ୍ୟକ୍ତିଗତ ସୁରକ୍ଷାକର୍ମୀ ଚୟନ କରି ସେମାନଙ୍କର ବିଶ୍ୱସ୍ତତା ସୁନିଶ୍ଚିତ କରାଯାଏ । ଭିକ୍ଟର ଏହାର ସଂଖ୍ୟା ୪,୦୦,୦୦୦କୁ ବୃଦ୍ଧି କରିଛନ୍ତି ।

ଏହା ବି ପଢ଼ନ୍ତୁ:-ରେଲୱେ ବାତିଲ କଲା ୨୪୪ ଟ୍ରେନ୍, ଯାତ୍ରା କରିବା ପୂର୍ବରୁ ଦେଖନ୍ତୁ ସମ୍ପୂର୍ଣ୍ଣ ତାଲିକା

ଏହା ବି ପଢ଼ନ୍ତୁ:-ଯୁଦ୍ଧ କ୍ଷେତ୍ର କୀଭରୁ ଆସୁଥିବା ସମୟରେ ଜଣେ ଭାରତୀୟ ଛାତ୍ରଙ୍କୁ ଲାଗିଲା ଗୁଳି

ଏହା ବି ପଢ଼ନ୍ତୁ:-ପୁଟିନଙ୍କ ଚିନ୍ତା ବଢ଼ାଇଲା ଆମେରିକା! ଋଷକୁ ଆଉ ଏକ ବଡ଼ ଝଟକା ଦେଲେ ବାଇଡେନ

ପୁଟିନ କାହା କଥା ଶୁଣନ୍ତି?

ଦେଶର ଅର୍ଥ ବ୍ୟବସ୍ଥାକୁ ବଞ୍ଚାଇବା ପ୍ରଧାନମନ୍ତ୍ରୀ ମିଖାଇଲ ମିଶୁଷ୍ଟିନ (Russian Prime Minister Mikhail Mishustin) ଙ୍କ ମୁଖ୍ୟ କାର୍ଯ୍ୟ, କିନ୍ତୁ ଯୁଦ୍ଧ ପ୍ରସଙ୍ଗରେ ତାଙ୍କର ପ୍ରତ୍ୟକ୍ଷ ଦଖଲ ବହୁତ କମ୍ । ରାଜନୈତିକ ବିଶ୍ଳେଷକ ୟେଭେଗେନି ମିଚେଙ୍କୋଙ୍କ ଅନୁସାରେ, ମସ୍କୋର ମେୟର ସର୍ଗେଇ ସୋବିୟାନିନ (Moscow Mayor Sergei Sobyanin) ଓ ରୋଜନେଫ୍ଟ (Rosneft) ରାଜ୍ୟର ମୁଖ୍ୟ ତୈଳ ଦିଗଜ ଇଗୋର ସେଚିନ୍ (Igor Sechin) ମଧ୍ୟ ରାଷ୍ଟ୍ରପତିଙ୍କ ନିକଟତର । ବିଲିୟନେୟାର ଭାଇ ବୋରିସ୍ ଓ ଆରକେଡି ରୋଟେନବର୍ଗ, ଯେଉଁମାନେ ରାଷ୍ଟ୍ରପତିଙ୍କ ପିଲାଦିନର ବନ୍ଧୁ ଓ ପୁଟିନଙ୍କ ଦୀର୍ଘ ଦିନର ବିଶ୍ୱାସୀ ବ୍ୟକ୍ତି ।