କୋରୋନାର ଦ୍ୱିତୀୟ ଲହରରେ ଏପର୍ଯ୍ୟନ୍ତ ୫୧୩ ଡାକ୍ତରଙ୍କ ମୃତ୍ୟୁ, ଏହି ରାଜ୍ୟରେ ସର୍ବାଧିକ ମୃତ୍ୟୁ

ନୂଆଦିଲ୍ଲୀ: ସାରା ଦେଶରେ କୋରୋନାର ଦ୍ୱିତୀୟ ଲହର (Second Wave of Coronavirus) ର ପ୍ରକୋପ ଜାରି ରହିଛି । କୋରୋନା ମହାମାରୀର ଏହି ବିପଦରୁ ଲୋକଙ୍କୁ ରକ୍ଷା କରିବା ପାଇଁ ଡାକ୍ତରମାନେ (Doctors) ଦିନରାତି ପରିଶ୍ରମ କରୁଛନ୍ତି । କିନ୍ତୁ ଏହି ଲୋକମାନଙ୍କୁ ବଞ୍ଚାଇବାକୁ ଯାଇ ଡାକ୍ତରଙ୍କୁ ମଧ୍ୟ ବହୁ ମୂଲ୍ୟ ଦେବାକୁ ପଡୁଛି । ଡାକ୍ତରମାନେ ନିଜେ କୋରୋନାରେ ସଂକ୍ରମିତ (COVID-19 Infected) ହେଉଛନ୍ତି ଏବଂ ସେମାନଙ୍କ ଜୀବନ ମଧ୍ୟ ଯାଉଛି । ଦେଶର ସର୍ବବୃହତ ଡାକ୍ତରଙ୍କ ପ୍ରତିଷ୍ଠାନ ଇଣ୍ଡିଆନ୍ ମେଡିକାଲ୍ ଆସୋସିଏସନ୍ (IMA) କହିଛି ଯେ, କୋରୋନାର ଦ୍ୱିତୀୟ ଲହରରେ ଏପର୍ଯ୍ୟନ୍ତ ୫୧୩ ଡାକ୍ତର କୋରୋନାର ଶିକାର ହୋଇଛନ୍ତି ।

ଅଧିକ ପଢ଼ନ୍ତୁ:-କୋହଲି ଓ ଅନୁଷ୍କା ରକ୍ଷା କଲେ ଏକ ଶିଶୁର ଜୀବନ, ଦୁନିଆର ସବୁଠାରୁ ମହଙ୍ଗା ଔଷଧର ଥିଲା ଆବଶ୍ୟକ

ଡାକ୍ତରଙ୍କ ମୃତ୍ୟୁ ସହ ଜଡିତ ସର୍ବଶେଷ ତଥ୍ୟ ପ୍ରକାଶ କରି ଆଇଏମଏ (IMA) କହିଛି ଯେ ରାଜଧାନୀ ଦିଲ୍ଲୀରେ ଡାକ୍ତରଙ୍କ ସର୍ବାଧିକ ମୃତ୍ୟୁ ଘଟିଛି । ଦିଲ୍ଲୀରେ କୋରୋନାର ଦ୍ୱିତୀୟ ଲହରରେ ୧୦୩ ଡାକ୍ତର ପ୍ରାଣ ହରାଇଛନ୍ତି । ଏଥିସହିତ ବିହାରର ୯୬ ଡାକ୍ତର ଏବଂ ଉତ୍ତରପ୍ରଦେଶର ୪୧ ଜଣ ଡାକ୍ତର କୋରୋନା କାରଣରୁ ମୃତ୍ୟୁ ବରଣ କରିଛନ୍ତି । ଏହା ସହ ରାଜସ୍ଥାନରେ ୩୯ ଏବଂ ଆନ୍ଧ୍ରପ୍ରଦେଶ, ତେଲେଙ୍ଗାନା ଏବଂ ଝାଡଖଣ୍ଡରେ ୨୯-୨୯ ଜଣ ଡାକ୍ତରଙ୍କ ମୃତ୍ୟୁ ଘଟିଛି ।

ଅଧିକ ପଢ଼ନ୍ତୁ:-ବାତ୍ୟା 'ୟାସ'ର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ

ଏଠାରେ କହି ରଖୁଛୁ ଯେ କୋରୋନା ମାମଲାରେ ଦିନକୁ ଦିନ ହ୍ରାସ ଦେଖାଯାଇଥିଲେ ମଧ୍ୟ ବିଶ୍ୱରେ ସର୍ବାଧିକ କୋରୋନା ସଂକ୍ରମଣ ଥିବା ଦେଶ ମଧ୍ୟରେ ଭାରତ ଦ୍ୱିତୀୟ ସ୍ଥାନରେ ରହିଛି । ତଥ୍ୟ ଅନୁଯାୟୀ, ଦେଶରେ ମୋଟ ୨,୭୧,୫୬,୩୮୨ କୋରୋନା ମାମଲା ଚିହ୍ନଟ ହୋଇସାରିଛି । ସେଥିମଧ୍ୟରୁ ସକ୍ରିୟ ସଂକ୍ରମିତଙ୍କ ସଂଖ୍ୟା ୨୪,୯୦,୮୭୬ ରହିଛି । ଏହା ଏକ ଆଶ୍ୱସ୍ତିକର ବିଷୟ ଯେ କୋରୋନାରୁ ସୁସ୍ଥ ହେଉଥିବା ରୋଗୀଙ୍କ ବେଗରେ କ୍ରମାଗତ ବୃଦ୍ଧି ଘଟିଛି । ବର୍ତ୍ତମାନ ପର୍ଯ୍ୟନ୍ତ ଦେଶରେ ୨,୪୩,୪୩,୨୯୯  କୋରୋନା ସଂକ୍ରମିତ ଆରୋଗ୍ୟ ଲାଭ କରିଛନ୍ତି । ଗତ ୨୪ ଘଣ୍ଟା ମଧ୍ୟରେ ଦେଶରେ ୨,୯୫,୦୮୫ ଜଣ ସଂକ୍ରମିତ ସୁସ୍ଥ ହୋଇଛନ୍ତି । କିନ୍ତୁ ଦେଶରେ ମୃତ୍ୟୁସଂଖ୍ୟା ୩ ଲକ୍ଷ ଅତିକ୍ରମ କରିଛି । ବର୍ତ୍ତମାନ ପର୍ଯ୍ୟନ୍ତ କୋରୋନା ଯୋଗୁଁ ଦେଶରେ ୩,୧୧,୪୨୧ ଲୋକ ପ୍ରାଣ ହରାଇଛନ୍ତି ।