ଆଧାର କାର୍ଡର ଏହି ସେବା ହେଲା ବନ୍ଦ, ଜାଣନ୍ତୁ କାହିଁକି ଏପରି କଲା UIDAI

ନୂଆଦିଲ୍ଲୀ: Aadhaar Card News Update: ଆଧାର କାର୍ଡ ହେଉଛି ଏପରି ଏକ ଡକ୍ୟୁମେଣ୍ଟ ଯାହା ଆମର ପ୍ରତ୍ୟେକ ଆବଶ୍ୟକତାରେ ବ୍ୟବହୃତ ହୁଏ । ଏହା ବିନା ଆପଣ କୌଣସି ସରକାରୀ ଯୋଜନାର ଲାଭ ଉଠାଇ ପାରିବେ ନାହିଁ । ସମୟ ସହିତ ଆଧାର କାର୍ଡ (Aadhaar Card) ରେ ଅନେକ ପରିବର୍ତ୍ତନ ଆସିଛି । ୟୁନିକ୍ ଆଇଡେଣ୍ଟିଫିକେସନ୍ ଅଥରିଟି ଅଫ୍ ଇଣ୍ଡିଆ (UIDAI) ଚଳିତ ବର୍ଷ PVC ଆଧାର କାର୍ଡ ଆଣିଛି । ଯାହା ରଖିବା ସହଜ ଓ ଦୀର୍ଘ ସମୟ ପର୍ଯ୍ୟନ୍ତ ରହିଥାଏ ।

ଅଧିକ ପଢ଼ନ୍ତୁ:-୪୪ ଦିନ ପରେ ଦେଶରେ କୋରୋନାର ସବୁଠାରୁ କମ୍ ମାମଲା ଚିହ୍ନଟ, ଆଖି ବୁଜିଲେ ଏତିକି ସଂକ୍ରମିତ

Aadhaar Card ର ଏହି ସେବା ହେଲା ବନ୍ଦ

UIDAI ଆଧାର କାର୍ଡ ସହିତ ଜଡିତ ଅନେକ ସେବାକୁ ବହୁତ ଭଲ ଓ ସହଜ କରିଛି, ଯେପରିକି ଯଦି ଆପଣଙ୍କର ଫଟୋ, ଠିକଣା କିମ୍ବା ମୋବାଇଲ୍ ନମ୍ବର ଆଧାର କାର୍ଡରେ ପରିବର୍ତ୍ତନ କରିବାକୁ ଚାହୁଁଛନ୍ତି, ତେବେ ଆପଣ ଏହାକୁ ଅତି ସହଜରେ ଘରେ ବସି କରିପାରିବେ । UIDAI ବର୍ତ୍ତମାନ ଆଧାର ସହିତ ଜଡ଼ିତ ଏକ ସେବାକୁ ବନ୍ଦ କରିଦେଇଛି । ବାସ୍ତବରେ, ପ୍ରଥମେ ଆଧାର କାର୍ଡ (Aadhaar Card) ହଜିଯିବା କିମ୍ୱା କଟି ବା ଫାଟି ଗଲେ ଆପଣ ଆପଣ UIDIA ୱେବସାଇଟକୁ ଯାଇ ନୂତନ ଆଧାର କାର୍ଡ ପାଇଁ ପୁନ Reprint ର ଅର୍ଡର ଦେଇ ଆପଣଙ୍କର ପଞ୍ଜୀକୃତ ଠିକଣାକୁ ମଗାଇ ପାରିବେ, ଯାହା ପାଇଁ ଆପଣଙ୍କୁ ୫୦ ଟଙ୍କାର ଶୁଳ୍କ ଦେବାକୁ ପଡିବ । କିନ୍ତୁ ବର୍ତ୍ତମାନ ଏହି ସମ୍ଭବ ହେବ ନାହିଁ, କାରଣ ଏହି ସେବା ବର୍ତ୍ତମାନ UIDAI ବନ୍ଦ କରିଦେଇଛି ।

ଅଧିକ ପଢ଼ନ୍ତୁ:-ଫାଇଜର ଚଳିତ ବର୍ଷ ଭାରତକୁ ୫ କୋଟି ଭ୍ୟାକ୍ସିନ ଦେବାକୁ ପ୍ରସ୍ତୁତ, କିନ୍ତୁ ରଖିଲା ଏହି ସର୍ତ୍ତ

ଲମ୍ୱା ଚଉଡ଼ା ଆଧାର କାର୍ଡ ପରିବର୍ତ୍ତେ ଏବେ PVC ଆଧାର କାର୍ଡ 

ପ୍ରକୃତରେ, UIDAI ବର୍ତ୍ତମାନ PVC ଫର୍ମାଟରେ ଆଧାର କାର୍ଡ ତିଆରି କରୁଛି, ଯାହାର ଆକାର ଡେବିଟ୍ କାର୍ଡ ପରି ଛୋଟ, ଯାହା ପୂର୍ବ କାର୍ଡ ତୁଳନାରେ ଆପଣଙ୍କ ପକେଟ କିମ୍ବା ୱାଲେଟରେ ସହଜରେ ରଖାଯାଇପାରିବ । ଯେଉଁ ଆଧାର କାର୍ଡ (Aadhaar Card) ର ପ୍ରିଣ୍ଟ କରିବା UIDAI ବନ୍ଦ କରିଥିଲା ତାହା ଆକାରରେ ବହୁତ ବଡ ଥିଲା । ବର୍ତ୍ତମାନ ଏହାର ସ୍ଥାନ ପିଭିସି ଆଧାର କାର୍ଡ (PVC Aadhaar Card) ନେଇଛି । ତେଣୁ ଯଦି ଆପଣ ଏକ ନୂତନ ଆଧାର କାର୍ଡ ପାଇବାକୁ ଚାହୁଁଛନ୍ତି, ତେବେ ଆପଣ PVC ଆଧାର କାର୍ଡ ପାଇଁ  ଅର୍ଡର ଦେଇପାରିବେ । ଯଦି କିଛି କାମ ପାଇଁ ଫିଜିକାଲ କପି ଦାଖଲ କରିବାକୁ ପଡିବ, ତେବେ ଏହାର ପ୍ରିଣ୍ଟ ନିଆଯାଇପାରେ ।

ଅଧିକ ପଢ଼ନ୍ତୁ:-ପୁରୁଷଙ୍କୁ କୋରୋନା ହେବାର ଆଶଙ୍କା ଅଧିକ! ଏହା ହେଉଛି କାରଣ...

କ'ଣ କହିଛି UIDAI?

ବାସ୍ତବରେ, ଜଣେ ବ୍ୟକ୍ତି ଟ୍ୱିଟରରେ ଆଧାର କାର୍ଡ ସହାୟତା କେନ୍ଦ୍ର (Aadhaar Help Centre) କୁ ଏକ ପ୍ରଶ୍ନ ପଚାରିଥିଲେ ଯେ କ'ଣ ମୁଁ ମୋର ଆଧାର କାର୍ଡକୁ ପୁନଃ ମୁଦ୍ରଣ କରିପାରିବି କି? ୱେବସାଇଟରେ ମୋତେ କୌଣସି ବିକଳ୍ପ ମିଳୁନାହିଁ । ଏହା ଉପରେ ଆଧାର ସହାୟତା କେନ୍ଦ୍ର ଉତ୍ତର ଦେଇଛି ଯେ ଏହି ସେବା ବର୍ତ୍ତମାନ ବନ୍ଦ ହୋଇଯାଇଛି । ଆପଣ ଅନଲାଇନ୍ ମାଧ୍ୟମରେ ଆଧାର PVC କାର୍ଡକୁ ଅର୍ଡର କରିପାରିବେ । ଯଦି ଆପଣ ଏହାକୁ ନମନୀୟ କାଗଜ ଫର୍ମାଟରେ ରଖିବାକୁ ଚାହାଁନ୍ତି ତେବେ ଆପଣ ଇ-ଆଧାରରୁ ପ୍ରିଣ୍ଟ ବାହାର କରିପାରିବେ ।

PVC ଆଧାର କାର୍ଡ କିପରି ପାଇବେ 

ବର୍ତ୍ତମାନ ପର୍ଯ୍ୟନ୍ତ ଆଧାର କାର୍ଡ କାଗଜରେ ଛପା ହେଉଥିଲା, କିନ୍ତୁ UIDAI ଆଧାର କାର୍ଡର ଡିଜିଟାଲ୍ ଫର୍ମକୁ ମଧ୍ୟ ଅନୁମୋଦନ କରିଛି । ତାହା ହେଉଛି, ଆପଣ ଏହାକୁ ମୋବାଇଲରେ ଡାଉନଲୋଡ୍ ଏବଂ ସେଭ୍ କରିପାରିବେ, ଆବଶ୍ୟକ ସମୟରେ ଏହାକୁ ବ୍ୟବହାର କରିପାରିବେ । ଡିଜିଟାଲ୍ ଆଧାର କାର୍ଡର ସେତିକି ମାନ୍ୟତା ରହିଛି ଯେତିକି ଫିଜିକାଲ କାର୍ଡର ରହିଛି ।

୫୦ ଟଙ୍କାରେ ହୋଇଯିବ ପିଭିସି ଆଧାର କାର୍ଡ

ସବୁଠାରୁ ଭଲ କଥା ହେଉଛି ବର୍ତ୍ତମାନ ଏକ ମୋବାଇଲ୍ ନମ୍ବରରୁ ଆପଣ ପୁରା ପରିବାରର ପାଇଁ PVC ଆଧାର କାର୍ଡ ତିଆରି କରିପାରିବେ । PVC ଆଧାର କାର୍ଡ ରକ୍ଷଣାବେକ୍ଷଣ କରିବା ଅତି ସହଜ । ଏହା ପ୍ଲାଷ୍ଟିକ୍ ଫର୍ମରେ ଅଛି, ଏହାର ଆକାର ଏକ ଏଟିଏମ୍ ଡେବିଟ୍ କାର୍ଡ ପରି ରହିଥାଏ । ଆପଣ ଏହାକୁ ସହଜରେ ନିଜ ପକେଟ କିମ୍ବା ୱାଲେଟରେ ରଖିପାରିବେ । ଯଦି ଆପଣ ଏକ PVC ଆଧାର କାର୍ଡ କରିବାକୁ ଚାହୁଁଛନ୍ତି, ତେବେ ଆପଣଙ୍କୁ କେବଳ ୫୦ ଟଙ୍କାର ସ୍ୱଳ୍ପ ଶୁଳ୍କ ଦେବାକୁ ପଡିବ ।

ଅଧିକ ପଢ଼ନ୍ତୁ:-କେନ୍ଦ୍ର କର୍ମଚାରୀ ଓ ପେନସନଭୋଗୀଙ୍କୁ ଜୁନରେ ମିଳିବ ଖୁସି ଖବର! ଦରମାରେ ହେବ ବୃଦ୍ଧି

ପିଭିସି ଆଧାର କାର୍ଡ ପାଇଁ କିପରି କରିବେ ଆବେଦନ 

୧. ଯଦି ଆପଣ PVC ଆଧାର କାର୍ଡ ପାଇଁ ଆବେଦନ କରିବାକୁ ଚାହାଁନ୍ତି, ତେବେ ଆପଣ UIDAI ୱେବସାଇଟ୍ uidai.gov.in କିମ୍ବା resident.uidai.gov.in ଭିଜିଟ୍ କରିପାରିବେ ।

୨. ୱେବସାଇଟରେ ଆପଣଙ୍କୁ ଆଧାର କାର୍ଡ ନମ୍ବର, ଭର୍ଚୁଆଲ୍ ଆଇଡି ନମ୍ବର କିମ୍ବା ପଞ୍ଜୀକରଣ ନମ୍ବର ପ୍ରବେଶ କରିବାକୁ ପଡିବ ।

୩. ଆପଣ ୫୦ ଟଙ୍କା ଫି ଦେଇ ଅର୍ଡର କରିବେ, କିଛି ଦିନ ପରେ ଏହା ଆପଣଙ୍କର ପଞ୍ଜୀକୃତ ଠିକଣାରେ ପହଞ୍ଚିବ ।