ଭାରତର ଏସବୁ ଗାଁରେ ଗୋଟିଏ କିଲୋ ଲୁଣ ୧୩୦ ଟଙ୍କା, ଚିନି ୧୫୦ ଟଙ୍କା, ସୋରିଷ ତେଲ ୨୭୫ ଟଙ୍କା, ଅଟା ୧୫୦ ଟଙ୍କା ଏବଂ ପିଆଜ କିଲୋ ୧୨୫ ଟଙ୍କା ଦରରେ ହେଉଛି ବିକ୍ରି

ନୂଆଦିଲ୍ଲୀ: ଭାରତ-ଚୀନ୍ ସୀମା (India-China border) ରେ ଅବସ୍ଥିତ ଗ୍ରାମଗୁଡିକରେ ମୁଦ୍ରାସ୍ଫୀତି (Inflation) ସମସ୍ତ ରେକର୍ଡ ଭାଙ୍ଗିଛି । ବୁର୍ଫୁ, ଲାସ୍ପା ଏବଂ ରଲାମ ଗ୍ରାମସଭାରେ ଅତ୍ୟାବଶ୍ୟକ ସାମଗ୍ରୀ ଛଅରୁ ଆଠ ଗୁଣ ଅଧିକ ମୂଲ୍ୟରେ ବିକ୍ରି ହେଉଛି । ମୁନ୍ସିୟାରିରେ ୨୦ ଟଙ୍କା କିଲୋଗ୍ରାମରେ ମିଳୁଥିବା ଲୁଣ (Salt) ସୀମାବର୍ତ୍ତୀ ଗ୍ରାମରେ ଥିବା ଲୋକମାନେ କିଲୋଗ୍ରାମ ପିଛା ୧୩୦ ଟଙ୍କା ମୂଲ୍ୟରେ ଲୁଣ କିଣିବାକୁ ବାଧ୍ୟ ହେଉଛନ୍ତି । ପ୍ରତିଦିନ ବ୍ୟବହୃତ ଅନ୍ୟାନ୍ୟ ଜରୁରୀ ଜିନିଷଗୁଡ଼ିକରେ ମଧ୍ୟ ସମାନ ଅବସ୍ଥା । ପିଆଜ (Onion) ୧୨୫ ଟଙ୍କା ତ ସୋରିଷ ତେଲ (Mustard Oil) କିଲୋଗ୍ରାମ ୨୭୫ ଟଙ୍କାରେ ପହଞ୍ଚିଛି । ଚିନି (Sugar Price) ୧୫୦ ଟଙ୍କା ତ ଡାଲି (pulses) କିଲୋଗ୍ରାମ ୨୦୦ ଟଙ୍କାରେ ବିକ୍ରି ହେଉଛି ।

ଭାରତ-ଚୀନ ସୀମାରେ ପ୍ରତିବର୍ଷ ମାର୍ଚ୍ଚରୁ ନଭେମ୍ବର ପର୍ଯ୍ୟନ୍ତ ତିନି ଗ୍ରାମସଭାର ୧୩ରୁ ଅଧିକ ଟୋକ (ଛୋଟ ଗ୍ରାମ) ର ଲୋକମାନେ ସ୍ଥାନାନ୍ତର ହୁଅନ୍ତି । ଏହି ସମୟରେ ସେନାର ପୋଷ୍ଟରୁ ସୈନିକମାନେ ମଧ୍ୟ ତଳକୁ ଓହ୍ଲାଇ ଆସନ୍ତି । ଖରାପ ରାସ୍ତା ଓ କୋରୋନା ଯୋଗୁଁ ଏଥର ସ୍ଥାନାନ୍ତରଣକୁ ଆସୁଥିବା ଗ୍ରାମବାସୀ ମୁଦ୍ରାସ୍ଫୀତିର ଶିକାର ହେଉଛନ୍ତି । ରାସ୍ତା ଠାରୁ ୫୨ରୁ ୭୩ କିଲୋମିଟର ଦୂରରେ ରହୁଥିବା ଗ୍ରାମବାସୀ କହିଛନ୍ତି ଯେ ଯଦି ସରକାର ସେମାନଙ୍କ ପାଇଁ ଉପଯୁକ୍ତ ବ୍ୟବସ୍ଥା କରିପାରିବେ ନାହିଁ ତେବେ ଆଗାମୀ ସ୍ଥାନାନ୍ତରଣ କଷ୍ଟକର ହେବ ।

ତିନି ବର୍ଷ ଧରି ବଢୁଛି ମୂଲ୍ୟ (ଦାମ୍: ଟଙ୍କା ପ୍ରତି କିଲୋଗ୍ରାମରେ)

ସାମଗ୍ରୀ  ବର୍ଷ 2019  2020   2021

 ଲୁଣ             60       70     130

ଡାଲ୍ ମାଲ୍କା     80        90      200

ମୋଟା ଚାଉଳ  50       80     150

 ଚିନି              70      90     150

ସୋରିଷ  ତେଲ 90       110    275

 ମଇଦା             50     70     150

  ପିଆଜ            60      90   125

(ଉତ୍ସ: ଏହି ମୂଲ୍ୟ ସ୍ଥାନୀୟ ଲୋକ ଓ ଗ୍ରାମ ମୁଖିଆଙ୍କ ଦ୍ୱାରା ଉଦ୍ଧୃତ ହୋଇଛି।)

ମୁଦ୍ରାସ୍ଫୀତି ବୃଦ୍ଧି ହେବାର ତିନୋଟି ମୁଖ୍ୟ କାରଣ

୧: ପଥଚାରୀଙ୍କ ରାସ୍ତା ଭାଙ୍ଗିଯାଇଛି । ଏହି କାରଣରୁ ସମସ୍ତ ସାମଗ୍ରୀ ଘୋଡା ଓ ଖଚର ପିଠିରେ ସାମାନ ନେଇ ଆସୁଥିବା ବ୍ୟକ୍ତିଙ୍କ ଠାରୁ କିଣିବାକୁ ପଡିଥାଏ । ପୂର୍ବରୁ ଲୋକମାନେ ନିଜେ ପାଦରେ ଚାଲି ସାମଗ୍ରୀ ଆଣୁଥିଲେ ।

୨: କୋରୋନା ପରେ ଶ୍ରମିକମାନେ ମାଲ ପରିବହନ ଚାର୍ଜକୁ ଦ୍ୱିଗୁଣିତ କରିଛନ୍ତି । ୨୦୧୯ରେ ପ୍ରତି କିଲୋଗ୍ରାମ ମାଲ ପରିବହନ ୪୦ରୁ ୫୦ ଟଙ୍କା ଥିଲା । ବର୍ତ୍ତମାନ ଏହା ୮୦ରୁ ୧୨୦ ଟଙ୍କା ପର୍ଯ୍ୟନ୍ତ ରହିଛି ।

୩: କୋରୋନା ଯୋଗୁଁ ନେପାଳରୁ ଆସୁଥିବା ଶ୍ରମିକଙ୍କ ସଂଖ୍ୟା ଯଥେଷ୍ଟ ହ୍ରାସ ପାଇଛି । ନେପାଳର ମୂଳ ଶ୍ରମିକମାନେ ଶସ୍ତା ଭାବରେ ଉପଲବ୍ଧ ଥିଲେ ।