ବହୁତ ବଡ଼ ଖୁସି ଖବର ଦେଲା WHO

ଜେନେଭା: ଆଶା କରାଯାଉଛି ଯେ ୨ ବର୍ଷରୁ କମ୍ ସମୟ ମଧ୍ୟରେ ଦୁନିଆରୁ କୋରୋନା ଭାଇରସ(Coronavirus)ର ବିଲୋପ ହେବ ବୋଲି କହିଛି ବିଶ୍ୱ ସ୍ୱାସ୍ଥ୍ୟ ସଂଗଠନ(WHO) ।  କୋଭିଡ-19(COVID-19) ସ୍ପାନିଶ ଫ୍ଲୁ(Spanish Flu) ଅପେକ୍ଷା କମ୍ ସମୟ ମଧ୍ୟରେ ସମାପ୍ତ ହେବ । ଦୁଇ ବର୍ଷରୁ କମ୍ ସମୟ ମଧ୍ୟରେ କୋରୋନା ମହାମାରୀ ସମାପ୍ତ ହେବ ବୋଲି ଆମେ ଆଶା କରୁଛୁ ବୋଲି WHO ମୁଖ୍ୟ ଟେଡ୍ରୋସ୍ ଆଡାନୋମ୍ ଘେବ୍ରେସସ୍(Tedros Adhanom Ghebres) ଶୁକ୍ରବାର ଜେନେଭା ସ୍ଥିତ ସଂଗଠନର ମୁଖ୍ୟାଳୟରେ ଗଣମାଧ୍ୟମକୁ କହିଛନ୍ତି । ସେ ଏହି କଥା ଉପରେ ଜୋର ଦେଇ କହିଛନ୍ତି ଯେ ୧୯୧୮ ମସିହାରେ ବ୍ୟାପି ଥିବା ମହାମାରୀ ଅପେକ୍ଷା କୋରୋନା କମ୍ ସମୟ ମଧ୍ୟରେ ଶେଷ ହେବ ।

ଅଧିକ ପଢ଼ନ୍ତୁ:-ଚୀନରେ ଶେଷ ହୋଇଯାଇଛି କୋରୋନା !

ସଂଗଠନର ମୁଖ୍ୟ ଆହୁରି କହିଛନ୍ତି ଯେ, ଆଜି ସମସ୍ତ ଦେଶ ସେହି ସମୟ ଅପେକ୍ଷା ଦ୍ରୁତ ଗତିରେ ବିକାଶ କରୁଛନ୍ତି ଏବଂ ଏହି କାରଣରୁ କୋରୋନା ମହାମାରୀ ମଧ୍ୟ ଦ୍ରୁତ ଗତିରେ ବ୍ୟାପିଛି । ଏଠାରେ ଏହା ମଧ୍ୟ କହିବା ଆବଶ୍ୟକ ଯେ ସେହି ସମୟ ତୁଳନାରେ ଆମେ ଟେକ୍ନୋଲୋଜି କ୍ଷେତ୍ରରେ ମଧ୍ୟ ଅଗ୍ରଗତି କରିଛୁ । ଆଉ ଏହା ଆମ ପାଇଁ ଲାଭଦାୟକ ଅଟେ ।

ଅଧିକ ପଢ଼ନ୍ତୁ:-ଏଥର ବାପା ନୁହେଁ, ପୁଅ ଯୋଗୁଁ ଭାଙ୍ଗିଯିବ ଉଦ୍ଧବ ସରକାର !

ସେ କହିଛନ୍ତି ଯେ, ସମ୍ବଳର ଅଧିକ ଉପଯୋଗ କରନ୍ତୁ । ଆଉ ଆଶା କରନ୍ତୁ ଯେ ଆମ ପାଖରେ ଅତିରିକ୍ତ ସମ୍ୱଳ ଯେପରି ଟୀକା ମିଳି ଯାଉ, ତେବେ ମୁଁ ଭାବୁଛି ଯେ ଆମେ ଏହି କୋରୋନା ଭାଇରସ ୧୯୧୮ ମସିହାରେ ବ୍ୟାପିଥିବା ସ୍ପାନିଶ ଫ୍ଲୁ ଅପେକ୍ଷା କମ୍ ସମୟ ମଧ୍ୟରେ ଶେଷ କରିପାରିବା ।

ଅଧିକ ପଢ଼ନ୍ତୁ:-ଗେହଲଟ୍ ହେବେ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ତ ପାଇଲଟଙ୍କୁ ମିଳିବ ମୁଖ୍ୟମନ୍ତ୍ରୀ ପଦ !

ଉଲ୍ଲେଖନୀୟ କଥା ହେଉଛି,  ଭରତ ସମେତ ସମଗ୍ର ବିଶ୍ୱରେ ଏହି ମହାମାରୀର ଆତଙ୍କ ଜାରି ରହିଛି । ଏପର୍ଯ୍ୟନ୍ତ ୨.୨୬ କୋଟିରୁ ଅଧିକ ଲୋକ ଏହି ସଂକ୍ରମଣ ଦ୍ୱାରା ପ୍ରଭାବିତ ହୋଇଛନ୍ତି । ଏହି ଭୂତାଣୁ ୭.୯୩ ଲକ୍ଷ ରୋଗୀଙ୍କ ଜୀବନ ନେଇଛନ୍ତି । ଭାରତରେ ମଧ୍ୟ କୋରୋନା ମାମଲା ଦିନକୁ ଦିନ ବୃଦ୍ଧି ପାଉଛି । ଦେଶରେ ସଂକ୍ରମିତଙ୍କ ସଂଖ୍ୟା ୨୯ ଲକ୍ଷ ଅତିକ୍ରମ କରିଛି । ୫୪ ହଜାରରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ଭାରତରେ ପ୍ରାୟ ୭ ଲକ୍ଷ ସକ୍ରିୟ ମାମଲା ରହିଛି ।