ଜାଣନ୍ତୁ କିପରି କେବଳ ଗୋଟିଏ ଚାମଚ କୋରୋନା ଭୂତାଣୁ ସାରା ଦୁନିଆକୁ କରିଦେଲା ବର୍ବାଦ

ନୂଆଦିଲ୍ଲୀ: ସମଗ୍ର ବିଶ୍ୱରେ କୋରୋନା ଭୂତାଣୁ (Coronavirus) ର ପ୍ରକୋପ ଜାରି ରହିଛି । ଏହି ସମୟରେ ଆଜି ଆପଣ ଜାଣି ଆଶ୍ଚର୍ଯ୍ୟ ହେବେ ଯେ କେବଳ ଗୋଟିଏ ଚାମଚ କୋରୋନା ଭୂତାଣୁ  (One spoon Coronavirus)ସମଗ୍ର ବିଶ୍ୱକୁ ସଂକ୍ରମିତ କରିଛି । ଏକ ଆକଳନ ଅନୁଯାୟୀ, ସମଗ୍ର ବିଶ୍ୱରେ ସମୁଦାୟ କେରୋନା ଭୂତାଣୁର ମୋଟ ମାତ୍ରା ପ୍ରାୟ ୮ ମିଲିଲିଟର ଅର୍ଥାତ୍ ହାରାହାରି ଗୋଟିଏ ଚାମଚ ହେବ । ଏହି ଚାମଚର କ୍ଷମତା ପ୍ରାୟ ୬ ML ହୋଇଥାଏ । ଏହି ପରିପ୍ରେକ୍ଷୀରେ, ବର୍ତ୍ତମାନ ପର୍ଯ୍ୟନ୍ତ କେବଳ ଗୋଟିଏ ଚାମଚ କୋରୋନା ଭୂତାଣୁ ଦୁନିଆରେ ୫ କୋଟିରୁ ଅଧିକ ଲୋକଙ୍କୁ ସଂକ୍ରମିତ କରିଛନ୍ତି ।

ଅଷ୍ଟ୍ରେଲିଆର ଗଣିତଜ୍ଞ ମ୍ୟାଟ ପାର୍କ (Matt Parker) ନିଜେ ସୃଷ୍ଟି କରିଥିବା ଏକ ସୂତ୍ର ଉପରେ ଆଧାର କରି ଏହି ଆକଳନ କରିଥିଲେ । ସେ ପ୍ରଥମେ ଜାଣିବାକୁ ପାଇଲେ ଯେ କେତେ ଲୋକ କୋରୋନା ଭୂତାଣୁ ସଂକ୍ରମିତ ହେଉଛନ୍ତି । ଏହା ପରେ ସେ ସାରା ବିଶ୍ୱରେ ପ୍ରତିଦିନ ଅତି କମରେ ୩ ଲକ୍ଷ ଲୋକ ସଂକ୍ରମିତ ହୋଇଥିବାର ଆକଳନ କରିଥିଲେ ।

ଅଧିକ ପଢ଼ନ୍ତୁ:-'ଦିଦି'ଙ୍କୁ ଟକ୍କର ଦେଇ ପାରିବ ତ ବିଜେପି?

ଏହି ସୂତ୍ରକୁ ଆଧାର କରି ମ୍ୟାଟ ପାର୍କର ଦୁନିଆରେ କୋଭିଡ-19 ସଂକ୍ରମିତ ଲୋକଙ୍କ ଶରୀରରେ କୋରୋନା ଭୂତାଣୁ ପରିମାଣ ଗଣନା କରିଛନ୍ତି । କୋରୋନା ଭୂତାଣୁ ଆକାର ଏତେ ଛୋଟ ଯେ ଆପଣ ଏହାକୁ ନିଜ ଆଖିରେ ଦେଖିପାରିବେ ନାହିଁ । ମାନବ କୋଷର ଆକାର ପ୍ରାୟ ୧୦୦ ମାଇକ୍ରୋମିଟର ହୋଇଥାଏ । ଏଗୁଡ଼ିକ ଆମ ମୁଣ୍ଡରେ ମିଳୁଥିବା କେଶର ମୋଟେଇ ସହିତ ସମାନ । ମାନବ କୋଷଗୁଡ଼ିକର ଆକାର କୋଭିଡ-19 ଭୂତାଣୁର ଆକାରର ପ୍ରାୟ ୧୦ ଲକ୍ଷ ଗୁଣ ଅଧିକ ହୋଇଥାଏ ।

ଅଧିକ ପଢ଼ନ୍ତୁ:-କୋରୋନା ଭୂତାଣୁକୁ ନେଇ ଭୟଙ୍କର ଚେତାବନୀ ଜାରି କଲା WHO

ମ୍ୟାଟ ପାର୍କରଙ୍କ ଅନୁଯାୟୀ, କୋରୋନା ଭୂତାଣୁ ପ୍ରକୃତରେ ଏକ ପ୍ରକାର କମ୍ପ୍ୟୁଟର କୋଡ୍ ହୋଇଥାଏ, ଯାହା ମାନବ କୋଷର ସିଷ୍ଟମରେ ବ୍ୟାଘାତ ସୃଷ୍ଟି କରିଥାଏ । ଏହି ଭୂତାଣୁ ମଣିଷ ସହିତ ସମଗ୍ର ବିଶ୍ୱର ପ୍ରଣାଳୀକୁ ମଧ୍ୟ ସଂକ୍ରମିତ କରିଛି ।