ବିହାର ନିର୍ବାଚନ ପୂର୍ବରୁ ଲାଲୁଙ୍କ ପାର୍ଟି ଆରଜେଡିକୁ ବଡ଼ ଝଟକା, ମହାସଚିବ ପଦରୁ ଇସ୍ତଫା ଦେଲେ ଏହି ନେତା

ନୂଆଦିଲ୍ଲୀ: Bihar Election 2020: ବିହାର ବିଧାନସଭା ନିର୍ବାଚନ ପୂର୍ବରୁ ରାଷ୍ଟ୍ରୀୟ ଜନତା ଦଳ (RJD) କୁ ବଡ଼ ଝଟକା ଲାଗିଛି । ଆରଜେଡି ରାଜ୍ୟ ସାଧାରଣ ସମ୍ପାଦକ ମହମ୍ମଦ ଫିରୋଜ ହୁସେନ୍ ଶନିବାର ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି ।

ହୁସେନ୍ ବିରୋଧୀ ଦଳର ନେତା ତେଜସ୍ୱୀ ଯାଦବଙ୍କୁ ଟାର୍ଗେଟ କରି କହିଛନ୍ତି ଯେ, ଆରଜେଡି ପାର୍ଟି ନୀତିରୁ ବିଚ୍ୟୁତ ହେବାରେ ଲାଗିଛି । ସେ ତାଙ୍କ ଚିଠିରେ ଲେଖିଛନ୍ତି ଯେ, ମୁଁ କାର୍ଯ୍ୟକର୍ତ୍ତାଙ୍କୁ ଅଣଦେଖା ଓ ବାହୁବଲୀ ଧନୀମାନଙ୍କୁ ପ୍ରଶଂସା କରୁଥିବା ଏହି ଦଳର ଆଚରଣ ପାଇଁ ଦୁଃଖିତ ଅଛି । ଏଭଳି ପରିସ୍ଥିତିରେ ଦଳରେ ରହିବା ମୋ ପକ୍ଷେ ସମ୍ଭବ ନୁହେଁ ।

ଅଧିକ ପଢ଼ନ୍ତୁ:-କଂଗ୍ରେସକୁ ୪ ଦିନରେ ଲାଗିଲା ୩ଟି ଝଟକା, ବିଜେପିରେ ସାମିଲ ହେଲେ ଆଉ ୨ ବଡ଼ ନେତା

ବିହାର ବିଧାନସଭା ନିର୍ବାଚନ ପାଇଁ ମତଦାନ ତାରିଖ ଘୋଷଣା କରିଛି ନିର୍ବାଚନ ଆୟୋଗ । ରାଜ୍ୟରେ ତିନୋଟି ପର୍ଯ୍ୟାୟରେ ମତଦାନ ହେବ । ପ୍ରଥମ ପର୍ଯ୍ୟାୟ ପାଇଁ ମତଦାନ ଅକ୍ଟୋବର ୨୮ରେ, ଦ୍ୱିତୀୟ ପର୍ଯ୍ୟାୟ ମତଦାନ ନଭେମ୍ବର ୩ରେ ଏବଂ ତୃତୀୟ ପର୍ଯ୍ୟାୟ ମତଦାନ ନଭେମ୍ବର ୭ରେ ଅନୁଷ୍ଠିତ ହେବ । ଭୋଟ୍ ଗଣନା ନଭେମ୍ବର ୧୦ରେ ହେବ । ଏଠାରେ କହି ରଖୁଛୁ ଯେ, ବିହାରରେ ମୋଟ ୨୪୩ଟି ଆସନରେ ନିର୍ବାଚନ ଅନୁଷ୍ଠିତ ହେବ । ରାଜ୍ୟରେ ବିଧାନସଭାର କାର୍ଯ୍ୟକାଳ ନଭେମ୍ବର ୨୯ରେ ଶେଷ ହେବ ।