ରାହୁଲଙ୍କ ଉପରେ ବର୍ଷିଲା ଆରଜେଡି, କହିଲା ନିର୍ବାଚନ ସମୟରେ ପ୍ରିୟଙ୍କାଙ୍କ ଘରେ କରୁଥିଲେ ପିକନିକ୍

ନୂଆଦିଲ୍ଲୀ: ବିହାରରେ ସରିଯାଇଛି ବିଧାନସଭା ନିର୍ବାଚନ (Bihar Assembly Election 2020) । ବର୍ତ୍ତମାନ ସରକାର ଗଢ଼ିବ ନୀତିଶ କୁମାର (Nitish Kumar) ଙ୍କ ନେତୃତ୍ୱାଧୀନ ଏନଡିଏ (NDA) । ଅନ୍ୟପକ୍ଷେ ଆଶାନୁରୂପକ ସଫଳତା ନ ମିଳିବାରୁ ମହାମେଣ୍ଟ (Grand Alliance) ରେ ଦେଖାଦେଇଛି ନିରାଶ । ଏଥିପାଇଁ ମହାମେଣ୍ଟର ସବୁଠାରୁ ବଡ଼ ଦଳ ଆରଜେଡି (RJD) କଂଗ୍ରେସ (Congress) କୁ ଟାର୍ଗେଟ କରିଛି । ବିହାରରେ ମହାମେଣ୍ଟର ପରାଜୟ ପାଇଁ ବରିଷ୍ଠ ରାଷ୍ଟ୍ରୀୟ ଜନତା ଦଳର ନେତା ଶିବାନନ୍ଦ ତିୱାରୀ (RJD Leader Shivanand Tiwari) ସହଯୋଗୀ କଂଗ୍ରେସ ଏବଂ ଏହାର ନେତା ରାହୁଲ ଗାନ୍ଧୀଙ୍କୁ କଡ଼ା ସମାଲୋଚନା କରିଛନ୍ତି ।

#WATCH: RJD leader Shivanand Tiwari speaks on #BiharResults, says "...elections were in full swing & Rahul Gandhi was on picnic at Priyanka ji's place in Shimla. Is party run like that? Allegations can be levelled that manner in which Congress is being run, it's benefitting BJP." pic.twitter.com/ZZXmndMJFh

— ANI (@ANI) November 15, 2020

ଶିବାନନ୍ଦ ତିୱାରୀ ନ୍ୟୁଜ୍ ଏଜେନ୍ସି ANI କୁ କହିଛନ୍ତି, "କଂଗ୍ରେସ ମହାମେଣ୍ଟ ପାଇଁ  ପାଦର ଶିକୁଳି ପାଲଟିଛି । ସେମାନେ ୭୦ ଜଣ ପ୍ରାର୍ଥୀ ଦେଇଥିଲେ କିନ୍ତୁ ୭୦ଟି ରାଲି ମଧ୍ୟ କରିନଥିଲେ । ପ୍ରଚାର ପାଇଁ ରାହୁଲ ଗାନ୍ଧୀ ତିନି ଦିନ ପାଇଁ ଆସିଥିଲେ କିନ୍ତୁ ପ୍ରିୟଙ୍କା ଗାନ୍ଧୀ ଆସି ନଥିଲେ ।"

ଅଧିକ ପଢ଼ନ୍ତୁ:-କେନ୍ଦ୍ର ସରକାର ଏହି ସମୟରେ ଦେବେ ମହଙ୍ଗା ଭତ୍ତା (DA), ଜାଣନ୍ତୁ କେବେ ମିଳିବ ଲାଭ

ସେ କହିଛନ୍ତି, "ଏଠାରେ ନିର୍ବାଚନ ଜୋରସୋରରେ ଚାଲିଥିଲା ​​କିନ୍ତୁ ରାହୁଲ ଗାନ୍ଧୀ ଶିମଲାର ପ୍ରିୟଙ୍କା ଗାନ୍ଧୀଙ୍କ ଘରେ ପିକନିକ୍ କରୁଥିଲେ । କ'ଣ ଏପରି ଭାବେ ପାର୍ଟି ଚାଲିଥାଏ ? ଏହି ଅଭିଯୋଗ ହୋଇପାରେ ଯେ କଂଗ୍ରେସ ଯେପରି ନିଜର ବ୍ୟବସାୟ ଚଳାଉଛି, ସେଥିରୁ ବିଜେପି ଉପକୃତ ହେଉଛି ।" 

ଅଧିକ ପଢ଼ନ୍ତୁ:-ପ୍ରଥମ ଥର ପାଇଁ ପରାଜୟ ସ୍ୱୀକାର କଲେ ଟ୍ରମ୍ପ କିନ୍ତୁ...

ସେ କହିଛନ୍ତି ଯେ ଏହି ପରିସ୍ଥିତି କେବଳ ବିହାରରେ ନୁହେଁ । ଅନ୍ୟାନ୍ୟ ରାଜ୍ୟରେ ମଧ୍ୟ କଂଗ୍ରେସ ସର୍ବାଧିକ ସଂଖ୍ୟକ ଆସନ ପ୍ରତିଦ୍ୱନ୍ଦ୍ୱିତା କରିବାକୁ ଜିଦ୍ ଧରିଛି, କିନ୍ତୁ ସେମାନେ ସେତିକି ଆସନ ଜିତିବାକୁ ସକ୍ଷମ ନୁହଁନ୍ତି । କଂଗ୍ରେସ ଏ ବିଷୟରେ ଚିନ୍ତା କରିବା ଉଚିତ । ସେ କଂଗ୍ରେସର ବରିଷ୍ଠ ନେତାଙ୍କ ଚିଠିକୁ ମଧ୍ୟ ଉଲ୍ଲେଖ କରିଛନ୍ତି ଯାହା ଦଳର ନେତା ସୋନିଆ ଗାନ୍ଧୀଙ୍କୁ ଦଳର ଆଭିମୁଖ୍ୟ ସମ୍ପର୍କରେ ଲେଖିଥିଲେ ।