ବିଜେପି ଓ ଏକନାଥ ସିନ୍ଦେ ଗୋଷ୍ଠୀରେ ଫାଟ, ପୁଣି ଭାଙ୍ଗିବ ସରକାର!

Maharashtra Politics: ଏହି ମେଣ୍ଟରେ ଏକନାଥ ସିନ୍ଦେଙ୍କୁ ମୁଖ୍ୟମନ୍ତ୍ରୀ କରାଯାଇଥିଲେ ମଧ୍ୟ ବିଜେପି ହିଁ ଫ୍ରଣ୍ଟ ଫୁଟରେ ଖେଳୁଥିବାର ନଜରକୁ ଆସୁଛି । ମହାରାଷ୍ଟ୍ର ବିଜେପି ଅଧ୍ୟକ୍ଷ ଚନ୍ଦ୍ରଶେଖର ବାୱାନକୁଲେ କହିଛନ୍ତି ଯେ, ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ (Devendra Fadnavis) ହେବେ ।

ମୁମ୍ୱାଇ: Maharashtra Politics: ମହାରାଷ୍ଟ୍ରରେ ଗତ କିଛି ଦିନ ହେବ ଭାରତୀୟ ଜନତା ପାର୍ଟି (BJP) ଓ ଏକନାଥ ସିନ୍ଦେ ଗୋଷ୍ଠୀ (Eknath Shinde Camp) ମଧ୍ୟରେ କଳହ ଲାଗି ରହିଛି । କ'ଣ କୌଣସି ନୂତନ ମେଣ୍ଟ ପାଇଁ ଏହି ଲଢ଼େଇ ସ୍ୱାଭାବିକ କଥା ଓ  ଆଗାମୀ ଦିନରେ ଦୁଇ ଦଳ ମଧ୍ୟରେ କଥା ଆହୁରି ବିଗିଡି଼ପାରେ । ଏହା ଏପରି ଏକ ପ୍ରଶ୍ନ ଯେ, ମହାରାଷ୍ଟ୍ରର ରାଜନୈତିକ ବିଶେଷଜ୍ଞଙ୍କ ପାଇଁ ମଧ୍ୟ ଉତ୍ତର ଦେବା ସମ୍ଭବ ହୋଇପାରୁ ନାହିଁ । ଏହି ମେଣ୍ଟରେ ଏକନାଥ ସିନ୍ଦେଙ୍କୁ ମୁଖ୍ୟମନ୍ତ୍ରୀ କରାଯାଇଥିଲେ ମଧ୍ୟ ବିଜେପି ହିଁ ଫ୍ରଣ୍ଟ ଫୁଟରେ ଖେଳୁଥିବାର ନଜରକୁ ଆସୁଛି । 

ମହାରାଷ୍ଟ୍ର ବିଜେପି ଅଧ୍ୟକ୍ଷ ଚନ୍ଦ୍ରଶେଖର ବାୱାନକୁଲେ କହିଛନ୍ତି ଯେ, ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ (Devendra Fadnavis) ହେବେ । ଏହି ବୟାନର ଗୋଟିଏ ଦିନ ପରେ ବିଜେପିର ବୁଲଢାନା ଲୋକସଭା ଆସନରୁ ପ୍ରତିଦ୍ୱନ୍ଦ୍ୱିତା କରିବାକୁ ଘୋଷଣା କରିଛି । ପ୍ରତାପ ଯାଦବ ବର୍ତ୍ତମାନ ଏଠାରୁ ସାଂସଦ ଅଛନ୍ତି ଓ ସିନ୍ଦେ ଗୋଷ୍ଠୀରେ ଥିବା ୧୨ ଶିବସେନା ସାଂସଦଙ୍କ ମଧ୍ୟରୁ ସେ ହେଉଛନ୍ତି ଜଣେ । କେନ୍ଦ୍ର ଶ୍ରମ ମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ସାଧାରଣ ସମ୍ପାଦକ ଭୁପେନ୍ଦ୍ର ଯାଦବ ଖୁବ ଶୀଘ୍ର ବୁଲଢାନା ନିର୍ବାଚନମଣ୍ଡଳୀ ଗସ୍ତ କରିପାରନ୍ତି । ବିଜେପିର ୧୬ଟି ନିର୍ବାଚନମଣ୍ଡଳୀ ମଧ୍ୟରୁ ଗୋଟିଏ ହେଉଛି ବୁଲଢାନା । ଆସନ୍ତା ଲୋକସଭା ନିର୍ବାଚନରେ ​୪୫ଟି ଆସନର ଲକ୍ଷ୍ୟ ହାସଲ କରିବାକୁ ବିଜେପି ଏଠାରୁ ଜିତିବା ଆବଶ୍ୟକ ବୋଲି ମନେ କରୁଛି । ଏଥି ସହିତ, ସିନ୍ଦେ ଶିବିରର ନେତାମାନେ ମନେ କରନ୍ତି ଯେ, ବାୱାନକୁଲେ ସେମାନଙ୍କ ସହ କଥାବାର୍ତ୍ତା ନକରି ବୁଲଢାନା ବିଷୟରେ ଏତେ ବଡ ଘୋଷଣା କରିଛନ୍ତି । ଏଭଳି ପରିସ୍ଥିତିରେ ମେଣ୍ଟ ମଧ୍ୟରେ କଥା ମଧ୍ୟ ବିଗିଡ଼ି ପାରେ ।

ରାଜ୍ୟରେ ବିଧାନ ପରିଷଦରେ ଆସନ ବଣ୍ଟନ ନେଇ ବିଜେପି ଓ ସିନ୍ଦ ଗୋଷ୍ଠୀ ମଧ୍ୟରେ ବିବାଦ ମଧ୍ୟ ଜାରି ରହିଛି । ବିଧାନ ପରିଷଦର ୧୨ଟି ଆସନରେ ଯେଉଁଠାରେ ମୁକାବିଲା ହେବାକୁ ଯାଉଛି, ବିଜେପି ସିନ୍ଦେ କ୍ୟାମ୍ପକୁ ମାତ୍ର ୨ଟି ଆସନ ପ୍ରଦାନ କରୁଛି । ଏହିପରି ଭାବେ ଉଭୟ ପକ୍ଷ ମଧ୍ୟରେ ଏପର୍ଯ୍ୟନ୍ତ କୌଣସି ସହମତ ହୋଇପାରିନାହିଁ । ସେହିଭଳି ଆଗାମୀ ମ୍ୟୁନିସିପାଲିଟି ନିର୍ବାଚନରେ ​​ଆସନ ବଣ୍ଟନ ପ୍ରସଙ୍ଗ ମଧ୍ୟ ଅଟକି ରହିଛି । ମ୍ୟୁନିସିପାଲିଟି ନିର୍ବାଚନରେ ଯଦି ଅଧିକ ନୁହେଁ ତ ​​ବିଜେପି ଭଳି ଅତିକମରେ ସମାନ ସଂଖ୍ୟକ ଆସନ ମିଳିବା ଉଚିତ ବୋଲି ସିନ୍ଦେ ଦାବି କରୁଛନ୍ତି । କିନ୍ତୁ ଏପରି ଘଟୁଥିବାର ମନେ ହେଉନାହିଁ ।

ଏହା ବି ପଢ଼ନ୍ତୁ:-ଆଫଗାନିସ୍ତାନରେ ପୁଣି ଦେଖାଦେବ ସଙ୍କଟ! ଜାତିସଂଘର ସୁରକ୍ଷା ପରିଷଦକୁ ଧମକ ଦେଲା ତାଲିବାନ, ଜାଣନ୍ତୁ କ'ଣ ରହିଛି କାରଣ

ଏହା ବି ପଢ଼ନ୍ତୁ:-'ପିଏମ ମୋଦିଙ୍କ ପାଇଁ ୨୦୨୪ର ଖେଳ ହେବନାହିଁ ସହଜ', ଅଶୋକ ଗେହଲୋଟ୍ କହିଲେ ସବୁଠୁ ବଡ଼ ଚ୍ୟାଲେଞ୍ଜ ବିଷୟରେ...

ଏହା ବି ପଢ଼ନ୍ତୁ:-କିଏ ହେବେ ବିଜେପିର ପରବର୍ତ୍ତୀ ରାଷ୍ଟ୍ରୀୟ ଅଧ୍ୟକ୍ଷ, ନଡ୍ଡାଙ୍କ କ’ଣ ହେବ? ଜାଣନ୍ତୁ କ'ଣ ରହିଛି ରାଜନୈତିକ ସମୀକରଣ

ମ୍ୟୁନିସିପାଲିଟି ନିର୍ବାଚନରେ ​​ଆସନ ବଣ୍ଟନ ନେଇ ବିଜେପିର ମୁମ୍ବାଇ ମୁଖ୍ୟ ଆଶିଷ ଶେଲାର କିଛି ଦିନ ପୂର୍ବରୁ ଏକ ବଡ଼ ବୟାନ ଦେଇଥିଲେ । ମୁମ୍ବାଇର ପରବର୍ତ୍ତୀ ମେୟର ବିଜେପିରୁ ଆସିବେ ବୋଲି ସେ ଦାବି କରିଛନ୍ତି । ନିଶ୍ଚିତ ଭାବରେ ଏହି ବୟାନ ମଧ୍ୟ ସିନ୍ଦେ ଗୋଷ୍ଠୀକୁ କ୍ଷତି ପହଞ୍ଚାଇବାକୁ ଯାଉଛି । ତେବେ ସିଏମ ସିନ୍ଦେଙ୍କ ନେତୃତ୍ୱରେ ଅନ୍ୟ ନେତାମାନେ ଏହାର ପ୍ରତିକ୍ରିୟା ନଦେବାକୁ ନିଷ୍ପତ୍ତି ନେଇଥିଲେ । ଏଥିରୁ ସ୍ପଷ୍ଟ ଯେ ବିଜେପି ଓ ସିନ୍ଦେ କ୍ୟାମ୍ପର ନେତାମାନେ ଯେଉଁ ପ୍ରକାରର ବୟାନ ଦେଉଛନ୍ତି ଓ ଯେଉଁଭଳି ଭାବେ ମେଣ୍ଟ ମଧ୍ୟରେ କଥା ବିଗିଡ଼ିବାରେ ଲାଗୁଥିବାର ନଜରକୁ ଆସୁଛି । ଏହା ମହାରାଷ୍ଟ୍ରରେ ଖୁବ୍ ଶୀଘ୍ର କିଛି ବଡ଼ ଘଟିବାର ସଙ୍କେତ ମଧ୍ୟ ହୋଇପାରେ ।