ପିଏମ ମୋଦିଙ୍କ ସଂସଦୀୟ କ୍ଷେତ୍ରରେ ABVP କୁ ବଡ଼ ଝଟକା, କଂଗ୍ରେସର ଛାତ୍ର ସଂଗଠନ ଜିତିଲା ୮ରୁ ୬ଟି ଆସନ

ନୂଆଦଲ୍ଲୀ: ବାରାଣାସୀର କାଶୀ ବିଦ୍ୟାପୀଠରେ ଅନୁଷ୍ଠିତ ଛାତ୍ର ସଂଗଠନ ନିର୍ବାଚନରେ ​​କଂଗ୍ରେସ (Congress) ର ଛାତ୍ର ସଂଗଠନ ଏନଏସୟୁଇ (NSUI) ର ପ୍ୟାନେଲ ଅଧିକାଂଶ ଆସନ ଜିତିଛି । NSUI ର ପ୍ରାର୍ଥୀମାନେ ଉପାଧ୍ୟକ୍ଷ ଓ ମହାସଚିବ ପଦରେ ବିଜୟ ହାସଲ କରିଛନ୍ତି । ଏହି ନିର୍ବାଚନରେ ବିଜେପି (BJP) ର ଛାତ୍ର ସଙ୍ଗଠନ ଏବିଭିପି (ABVP) କୁ ବଡ଼ ଝଟକା ଲାଗିଛି । NSUI ପ୍ରାର୍ଥୀମାନେ ଅଧ୍ୟାପକ ପ୍ରତିନିଧୀ ଭାବରେ ୮ରୁ ୬ଟି ଆସନ ଜିତିଛନ୍ତି ।

ଅଧିକ ପଢ଼ନ୍ତୁ:-ବିଜେପି ଜାଲରେ ଫସିଲେ ଚିରାଗ! ବିଧାନ ପରିଷଦରେ ଦଳର ଅସ୍ତିତ୍ୱ ଶେଷ

NSUI କାଶୀ ବିଦ୍ୟାପୀଠରେ ଉପାଧ୍ୟକ୍ଷ, ମହାସଚିବ ସମେତ ୬ଟି ପଦ ଜିତିଛି । ଅନ୍ୟପଟେ ସମାଜବାଦୀ ପାର୍ଟି (Samajwadi Party) ର ବିମଲେଶ ଯାଦବ ଅଧ୍ୟକ୍ଷ ପଦ ଜିତିଛନ୍ତି । ସ୍ୱାଧୀନ ପ୍ରାର୍ଥୀ ଗୋଟିଏ ପଦ ଜିତିଛନ୍ତି ।

NSUI ର ବିଜୟ ଓ ABVP ର ପରାଜୟ ଗୁରୁତ୍ୱପୂର୍ଣ୍ଣ । କାରଣ ବାରାଣାସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସଂସଦୀୟ କ୍ଷେତ୍ର ହେଉଛି ବାରାଣାସୀ । ଏବିଭିପି ୨୦୧୭ରେ ଛାତ୍ର ସଂଗଠନ ନିର୍ବାଚନରେ ​​ମଧ୍ୟ ହାରିଥିଲା । NSUI ଏହି ବିଜୟକୁ 'ଯୁବକମାନଙ୍କ ପରିବର୍ତ୍ତିତ ମନୋଭାବର ସଙ୍କେତ' ଭାବରେ ଦେଖୁଛି ଏବଂ ଉତ୍ତରପ୍ରଦେଶରେ ହେବାକୁ ଥିବା ୨୦୨୨ ବିଧାନସଭା ନିର୍ବାଚନରେ ​​ଦଳ ବଡ଼ ଲାଭ ଆଶା କରୁଛି ।

महात्मा गांधी काशी विद्यापीठ छात्रसंघ चुनावों में NSUI की धमाकेदार जीत पर सभी साथियों को बधाई और जीते प्रत्याशियों को शुभकामनाएं।#आई_रे_आई_NSUI pic.twitter.com/dpkJK5PDSl

— UP Congress (@INCUttarPradesh) February 25, 2021

ଅଧିକ ପଢ଼ନ୍ତୁ:-ଏହି ରାଜ୍ୟରେ ନିୟନ୍ତ୍ରଣ ବାହାରେ କୋରୋନା, ସ୍କୁଲ ହଷ୍ଟେଲରୁ ମିଳିଲେ ୧୯୦ ସଂକ୍ରମିତ ଛାତ୍ର

ଏହି ବିଜୟକୁ ନେଇ ୟୁପି କଂଗ୍ରେସ (UP Congress) ଉତ୍ସାହିତ ଥିବା ଜଣାପଡିଛି । ଦଳର ଟ୍ୱିଟର ହ୍ୟାଣ୍ଡେଲ କାର୍ଯ୍ୟକର୍ତ୍ତାଙ୍କୁ ବିଜୟ ପାଇଁ ଅଭିନନ୍ଦନ ଜଣାଇଛି ।