ମଧ୍ୟପ୍ରଦେଶ ଉପନିର୍ବାଚନ ପୂର୍ବରୁ କଂଗ୍ରେସକୁ ଝଟକା, ବିଜେପିରେ ସାମିଲ ହେଲେ ଆଉ ଜଣେ ବିଧାୟକ

ଭୋପାଳ: MP Bypolls 2020: ମଧ୍ୟପ୍ରଦେଶରେ କଂଗ୍ରେସ (Congress) ର ସମସ୍ୟା କମ୍ ହେବାର ନାଁ ନେଉନାହିଁ । ମଧ୍ୟପ୍ରଦେଶ କଂଗ୍ରେସ ଏବଂ ବରିଷ୍ଠ ନେତାମାନେ ସଂପୂର୍ଣ୍ଣ ପ୍ରସ୍ତୁତି ସହ ଉପନିର୍ବାଚନ ପାଇଁ ମୈଦାନରେ ଓହ୍ଲାଇଛନ୍ତି । ଏହା ମଧ୍ୟରେ ଦଳକୁ ଆଉ ଏକ ଝଟକା ଲାଗିଛି । ଦମୋହରୁ କଂଗ୍ରେସ ବିଧାୟକ ରାହୁଲ ଲୋଧି (Rahul Lodhi) ବିଧାନସଭାରୁ ଇସ୍ତଫା ଦେଇଛନ୍ତି । ପ୍ରୋଟେମ୍ ସ୍ପିକର ରାମେଶ୍ୱର ଶର୍ମା ରାହୁଲ ଲୋଧିଙ୍କ ଇସ୍ତଫା ସ୍ୱୀକାର କରିଛନ୍ତି । ସେ କଂଗ୍ରେସରୁ ଇସ୍ତଫା ଦେଇଥିବା ଚତୁର୍ଥ ବିଧାୟକ । ବର୍ତ୍ତମାନ ବିଧାନସଭାରେ କଂଗ୍ରେସ ପାଖରେ ୮୭ ଜଣ ବିଧାୟକ ରହିଛି ।

ଅଧିକ ପଢ଼ନ୍ତୁ:-ଗୋଟିଏ ଦିନର କୋରୋନା ମାମଲାରେ ନୂଆ ବିଶ୍ୱ ରେକର୍ଡ କଲେ ଆମେରିକା-ଫ୍ରାନ୍ସ, ବ୍ରିଟେନରେ ପୁଣି ଲାଗିଲା ଲକଡାଉନ୍

ବିଧାନସଭାରୁ ଇସ୍ତଫା ଦେବା ପରେ ବିଧାୟକ ରାହୁଲ ଲୋଧି ମଧ୍ୟପ୍ରଦେଶ ବିଜେପି ଅଧ୍ୟକ୍ଷ ଭି.ଡି ଶର୍ମା ଓ ରାଜ୍ୟ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ଉପସ୍ଥିତିରେ ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି । ଏହାପୂର୍ବରୁ ଜୁଲାଇ ମାସରେ ମନ୍ଧାତାରୁ ନାରାୟଣ ପଟେଲ, ବଡା ମଲହରାରୁ ପ୍ରଦ୍ୟୁମାନ ସିଂ ଲୋଧି ଏବଂ ନେପାନଗର ବିଧାୟକ ସୁମିତ୍ରା ଦେବୀ କାସଡେକର ବିଧାନସଭାରୁ ଇସ୍ତଫା ଦେଇଥିଲେ । ପରେ ସେମାନେ ବିଜେପିରେ ଯୋଗ ଦେଇଥିଲେ ।

ଅଧିକ ପଢ଼ନ୍ତୁ:-ପୁଣି କୋରୋନା ଭୂତାଣୁକୁ ନେଇ ବହୁତ ବଡ଼ ଖରାପ ଖବର ଦେଲା WHO

ଚଳିତ ବର୍ଷ ମାର୍ଚ୍ଚରେ ପୂର୍ବତନ କେନ୍ଦ୍ର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ (Jyotiraditya Scindia) ଙ୍କ ସମର୍ଥକ ୨୨ ଜଣ କଂଗ୍ରେସ ବିଧାୟକ ଦଳରୁ ଇସ୍ତଫା ଦେଇଥିଲେ । ଏହା ପରେ  ୧୫ ମାସର କମଲ ନାଥ (Kamal Nath) ଙ୍କ ନେତୃତ୍ୱାଧୀନ ସରକାର ଭାଙ୍ଗି ଯାଇଥିଲା । ଏହା ପରେ ଶିବରାଜ ସିଂ ଚୌହାନ ପୁଣିଥରେ ମୁଖ୍ୟମନ୍ତ୍ରୀ ପଦରେ ବିରାଜମାନ ହୋଇଥିଲେ । ଅନ୍ୟପକ୍ଷେ ମଧ୍ୟପ୍ରଦେଶର ୨୮ଟି ବିଧାନସଭା ଆସନରେ ଉପନିର୍ବାଚନ ଅନୁଷ୍ଠିତ ହେଉଛି ।