ରାଷ୍ଟ୍ରପତି ନିର୍ବାଚନକୁ ନେଇ ମମତା କଲେ ବଡ଼ ଦାବି, କହିଲେ-ଖେଳ ଏଯାଏଁ ଶେଷ ହୋଇନି

Mamata Banerjee on Presidential Election 2022: ୨୦୨୪ ଲୋକସଭା ନିର୍ବାଚନ (Lok Sabha Elections 2024) ରେ ​​ବିଜେପି (BJP) କୁ ଟକ୍କର ଦେବା ପାଇଁ ବିରୋଧୀ ଦଳଗୁଡ଼ିକର ଏକ ମୋର୍ଚ୍ଚା ଗଠନ କରିବାକୁ ଚେଷ୍ଟା କରୁଥିବା ମମତା ବାନାର୍ଜୀ କହିଛନ୍ତି ଯେ ଦେଶ କେନ୍ଦ୍ରର ଶାସକ ଦଳ ସହ ଲଢ଼ିବାକୁ ପ୍ରସ୍ତୁତ ହେଉଛି ।

ନୂଆଦିଲ୍ଲୀ: Mamata Banerjee on Presidential Election 2022: ରାଷ୍ଟ୍ରପତି ନିର୍ବାଚନକୁ ନେଇ ଏକ ବଡ଼ ଦାବି କରି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ  (West Bengal Chief Minister Mamata Banerjee) ଅନେକ ନୂତନ ରାଜନୈତିକ କଳ୍ପନାଜଳ୍ପନା ସୃଷ୍ଟି କରିଛନ୍ତି । ୪ଟି ରାଜ୍ୟରେ ବିଧାନସଭା ନିର୍ବାଚନରେ ​​ବିଜୟ ସତ୍ତ୍ୱେ ଭାରତୀୟ ଜନତା ପାର୍ଟି (BJP) ପାଇଁ ଆଗାମୀ ରାଷ୍ଟ୍ରପତି ନିର୍ବାଚନରେ ​​ଜିତିବା ସହଜ ହୋଇନପାରେ ବୋଲି ମୁଖ୍ୟମନ୍ତ୍ରୀ ମମତା ବାନାର୍ଜୀ ବୁଧବାର କହିଛନ୍ତି । 

ସିଏମ ମମତା ବାନାର୍ଜୀ (Mamata Banerjee) କହିଛନ୍ତି ଯେ ସେମାନଙ୍କ ପାଖରେ ମୋଟ ବିଧାୟକଙ୍କ ଅଧା ମଧ୍ୟ ନାହିଁ । ସମଗ୍ର ଦେଶରେ ବିରୋଧୀ ଦଳର ଏକାଠି ଅଧିକ ବିଧାୟକ ଅଛନ୍ତି । ମମତା ବାନାର୍ଜୀ କହିଛନ୍ତି ଯେ ଆମର ସମର୍ଥନ ବିନା ଆପଣ (BJP) ଆଗକୁ ବଢ଼ିବ ପାରିବେ ନାହିଁ । ଆପଣଙ୍କୁ ଏହା ଭୁଲିବା ଉଚିତ୍ ନୁହେଁ ।

ମମତା ବାନାର୍ଜୀ (Mamata Banerjee) କହିଛନ୍ତି ଯେ, ଖେଳ ଏପର୍ଯ୍ୟନ୍ତ ଶେଷ ହୋଇନାହିଁ, ସେମାନଙ୍କୁ ବଡ଼ କଥା କହିବା ଉଚିତ୍ ନୁହେଁ । ଶେଷ ଥର ତୁଳନାରେ ପରାଜୟ ସତ୍ତ୍ୱେ ସମାଜବାଦୀ ପାର୍ଟି (Samajwadi party:SP) ଭଳି ଦଳ ଏକ ମଜଭୁତ ସ୍ଥିତିରେ ଅଛନ୍ତି । ଏଠାରେ କହି ରଖୁଛୁ ଯେ, ରାଷ୍ଟ୍ରପତି ନିର୍ବାଚନ ପରୋକ୍ଷ ରୂପରେ ସଂସଦର ନିର୍ବାଚିତ ସଦସ୍ୟ ତଥା ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ନିର୍ବାଚିତ ସଦସ୍ୟଙ୍କୁ ନେଇ କରାଯାଇଥାଏ ।

ଏହା ବି ପଢ଼ନ୍ତୁ:-କୋରୋନାକୁ ନେଇ ପୁଣି ବଡ଼ ଚେତାବନୀ ଜାରି କଲା WHO

ଏହା ବି ପଢ଼ନ୍ତୁ:-ଶେଷ ହେଲା କୋରୋନାର ତୃତୀୟ ଲହର! ଦିନକରେ ଚିହ୍ନଟ ହେଲା ଏତିକି ମାମଲା, ଆଖି ବୁଜିଲେ ୬୦ ସଂକ୍ରମିତ

ଏହା ବି ପଢ଼ନ୍ତୁ:-ସାମ୍ନାକୁ ଆସିଲା କୋରୋନାର ନୂଆ ଭାରିଆଣ୍ଟ, ଜାଣନ୍ତୁ ଏହା କେତେ ବିପଜ୍ଜନକ?

ଏହା ବି ପଢ଼ନ୍ତୁ:-ପୁଟିନଙ୍କ ଚିନ୍ତା ବଢ଼ାଇଲେ ବାଇଡେନ, ୟୁକ୍ରେନକୁ ନେଇ ଏହି ବଡ଼ ପଦକ୍ଷେପ ନେଲା ଆମେରିକା

୨୦୨୪ ଲୋକସଭା ନିର୍ବାଚନ (Lok Sabha Elections 2024) ରେ ​​ବିଜେପି (BJP) କୁ ଟକ୍କର ଦେବା ପାଇଁ ବିରୋଧୀ ଦଳଗୁଡ଼ିକର ଏକ ମୋର୍ଚ୍ଚା ଗଠନ କରିବାକୁ ଚେଷ୍ଟା କରୁଥିବା ମମତା ବାନାର୍ଜୀ କହିଛନ୍ତି ଯେ ଦେଶ କେନ୍ଦ୍ରର ଶାସକ ଦଳ ସହ ଲଢ଼ିବାକୁ ପ୍ରସ୍ତୁତ ହେଉଛି ।