କଂଗ୍ରେସ ଛାଡିବାକୁ ନେଇ ପ୍ରଦୀପଙ୍କ ଉପରେ ବର୍ଷିଲେ ସୁରେଶ ରାଉତରାୟ, କହିଲେ ଏପରି କିଛି

ଭୁବନେଶ୍ୱର: ନବରଙ୍ଗପୁରର ପୂର୍ବତନ ସାଂସଦ ତଥା କଂଗ୍ରେସର ରାଜ୍ୟ କାର୍ଯ୍ୟକାରିଣୀ ସଭାପତି ପ୍ରଦୀପ ମାଝୀ (Pradeep Majhi) ଶୁକ୍ରବାର ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି । କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ (Congress president Sonia Gandhi) ଙ୍କୁ ଲେଖାଯାଇଥିବା ଚିଠିରେ ପୂର୍ବତନ ସାଂସଦ ପୁରୁଣା ଦଳ ଛାଡିବା ପଛର କାରଣ ଭାବରେ ଦଳର ହଜିଯାଇଥିବା ବିଶ୍ୱସନୀୟତା କଥା ଉଲ୍ଲେଖ କରିଛନ୍ତି । ସେପଟେ ପ୍ରଦୀପ ବିଜେଡି (BJD) ରେ ଯୋଗ ଦେଇପାରନ୍ତି ବୋଲି ଚର୍ଚ୍ଚା ଜୋର ଧରିଛି । 

ଅନ୍ୟପଟେ ପ୍ରଦୀପ ମାଝୀ (Pradeep Majhi) କଂଗ୍ରେସ (Congress ) ଛାଡିବାକୁ ନେଇ ତାଙ୍କ ଉପରେ ବର୍ଷିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ (Sura Routray) । ଯାହାର ମନ ସ୍ଥିର ନାହିଁ ଯାହାର ପାୱାର ଦରକାର ଯାହାର ମନୀ ଦରକାର ସେମାନେ ଗୋଟିଏ ଦଳରେ ସ୍ଥିର ହୋଇ ରହିପାରିବେ ନାହିଁ । କଂଗ୍ରେସ ତାଙ୍କୁ ସାଂସଦ କରିଛି ବିଭିନ୍ନ କମିଟିରେ ତାଙ୍କୁ ସ୍ଥାନ ଦେଇଛି । ଏଭଳି କାଯ୍ୟ ନିଶ୍ଟିନ୍ତ ରୂପରେ ଧୋକାବାଜ କାମ। ସ୍ୱାର୍ଥ ପାଇଁ ପ୍ରଦୀପ ମାଝୀ ଦଳ ଛାଡିଛନ୍ତି । ନିଜର ସ୍ୱାର୍ଥ ପାଇଁ ଯେଉଁମାନେ ଦଳ ଛାଡିବାକୁ ଚାହୁଁଛନ୍ତି ସେମାନେ ଦଳ ଛାଡିଦିଅନ୍ତୁ ବୋଲି ଗଣମାଧ୍ୟମ ଜରିଆରେ ସୁର କହିଛନ୍ତି । 

ସେ ଆଗକୁ କହିଛନ୍ତି ଯେ, ପୂର୍ବରୁ ମଧ୍ୟ ବହୁ ନେତା ଦଳ ଛାଡିଛନ୍ତି ଦଳ ଉପରେ କିଛି ବି ପ୍ରଭାବ ପଡ଼ିନାହିଁ କି ଆଗକୁ ଆସୁଥିବା ପଞ୍ଚାୟତ ନିର୍ବାଚନ ଉପରେ ମଧ୍ୟ ଏହାର କିଛି ପ୍ରଭାବ ପଡିବ ନାହିଁ ବୋଲି କହିଲେ ସୁର ।