ଭଉଣୀ ପରେ କଂଗ୍ରେସରେ ସାମିଲ ହେବେ ସୋନୁ ସୁଦ! ଟ୍ୱିଟ୍ କରି ଦଳର ଏହି ବଡ଼ ନେତା ଦେଲେ ସୂଚନା

ନୂଆଦିଲ୍ଲୀ: Punjab Assembly Election 2022 Sonu Sood Sister Joins Congress: ବଲିଉଡ ଅଭିନେତା ସୋନୁ ସୁଦ (Bollywood Actor Sonu Sood) କୋରୋନା ସମୟରେ ସେ କିପରି ଭାବରେ ଲୋକଙ୍କୁ ସାହାଯ୍ୟ କରିଥିଲେ ତାହା କେବେ ଭୁଲିପାରିବେ ନାହିଁ । ଦେଶବାସୀଙ୍କ ହୃଦୟରେ ସୋନୁ ଏକ ସ୍ୱତନ୍ତ୍ର ସ୍ଥାନ ଅଧିକାର କରିବା ସହ ବହୁ ସମ୍ମାନ ହାସଲ କରିଛନ୍ତି । ବର୍ତ୍ତମାନ ସୋନୁ ସୁଦ (Sonu Sood) ଙ୍କ ଭଉଣୀ ମଧ୍ୟ ଗୋଟିଏ ମୁଖ୍ୟ କାରଣ ପାଇଁ ହେଡଲାଇନରେ ଅଛନ୍ତି । ସୋନୁ ସୁଦ ନିଜକୁ କୌଣସି ନିର୍ଦ୍ଦିଷ୍ଟ ଦଳର ବୋଲି ଭାବନ୍ତି ନାହିଁ, କିନ୍ତୁ ତାଙ୍କ ଭଉଣୀ କଂଗ୍ରେସରେ ଯୋଗଦେବାକୁ ନିଷ୍ପତ୍ତି ନେଇଛନ୍ତି । ସୋନୁ ସୁଦଙ୍କ ଭଉଣୀ ମାଲଭିକା ସୁଦ ସଚ୍ଚର (Malvika Sood Sachar) ସୋମବାର କଂଗ୍ରେସରେ ଯୋଗ ଦେଇଛନ୍ତି ।

ଏହି ଅବସରରେ ସୋନୁ ସୁଦ ମଧ୍ୟ ଉପସ୍ଥିତ ଥିଲେ । ପଞ୍ଜାବ କଂଗ୍ରେସ ଅଧ୍ୟକ୍ଷ ନବଜୋତ ସିଂ ସିଦ୍ଧୁ (Navjot Singh Sidhu) ସୋନୁଙ୍କ ଘରେ ପହଞ୍ଚି ଥିଲେ ଓ ତାଙ୍କ ଉପସ୍ଥିତିରେ ମାଲଭିକା କଂଗ୍ରେସରେ ଯୋଗ ଦେଇଛନ୍ତି । ଏହି ସମୟରେ ପଞ୍ଜାବର ସିଏମ ଚରଣଜିତ ସିଂ ଚାନ୍ନି (Punjab CM Charanjit Singh Channi) ମଧ୍ୟ ଉପସ୍ଥିତ ଥିଲେ । ମାଲଭିକାଙ୍କୁ ପ୍ରତ୍ୟେକ ରାଜନୈତିକ ଦଳରୁ ଟିକେଟ ଅଫର ମିଳିଥିଲା ​​କିନ୍ତୁ ସେ କଂଗ୍ରେସରେ ଯୋଗଦେବାକୁ ନିଷ୍ପତ୍ତି ନେଇଥିଲେ । ଏହା ହେଉଛି ମାଲଭିକାଙ୍କ ରାଜନୈତିକ କ୍ୟାରିୟରର ଆରମ୍ଭ ଓ କଂଗ୍ରେସ ହେଉଛି ତାଙ୍କର ପ୍ରଥମ ଦଳ । 

ସେପଟେ କଂଗ୍ରେସ ନେତ୍ରୀ ଅଳକା ଲାମ୍ୱା ଟ୍ୱିଟ୍ କରି ସୋନୁ ସୁଦଙ୍କୁ କଂଗ୍ରେସ ପରିବାରରେ ସ୍ୱାଗତ କରିଛନ୍ତି । ଯାହା ପରେ ଚର୍ଚ୍ଚା ଜୋର ଧରିଛି ଯେ କ'ଣ ଭବିଷ୍ୟତରେ ସୋନୁ ସୁଦ୍ କଂଗ୍ରେସରେ ଯୋଗ ଦେବେ କି? ସେହିପରି ଦଳର ଅନ୍ୟାନ୍ୟ ନେତାମାନନେ ମଧ୍ୟ ସୋନୁ ସୁଦଙ୍କୁ କଂଗ୍ରେସରେ ସ୍ୱାଗତ କରି ଟ୍ୱିଟ୍ କରିଛନ୍ତି ।  

Welcome to Congress family.. @SonuSood @INCIndia @RahulGandhi @INCPunjab #SonuSoodWithCongress pic.twitter.com/Fnq6dotPAE

— Alka Lamba (@LambaAlka) January 10, 2022

ସୂଚନାଯୋଗ୍ୟ, ନିକଟ ଅତୀତରେ ପଞ୍ଜାବର ଷ୍ଟେଟ୍ ଆଇକନ୍ ପଦରୁ ସୋନୁ ସୁଦଙ୍କୁ ହଟାଇ ଦିଆଯାଇଛି । ତାଙ୍କୁ ୨୦୨୦ ମସିହାରେ ଏହି ସମ୍ମାନ ପ୍ରଦାନ କରାଯାଇଥିଲା । ସେବେଠାରୁ ଅନେକ କଳ୍ପନାଜଳ୍ପନା ଆରମ୍ଭ ହୋଇଥିଲା । ହଠାତ୍ କାହିଁକି ଏପରି ହେଲା ଲୋକମାନେ ବୁଝିପାରି ନଥିଲେ । କିନ୍ତୁ ପରେ ଏହାର କାରଣ ବାହାରିଲା ଯେ ସୋନୁ ସୁଦଙ୍କ ଭଉଣୀ କଂଗ୍ରେସରୁ ନିର୍ବାଚନ ଲଢ଼ିବେ । ଏହି କାରଣରୁ ସୋନୁ ସୁଦ ନିଜେ ଏହି ପଦବୀରୁ ନିଜକୁ ହଟାଇବା ପାଇଁ ଆବେଦନ କରିଥିଲେ ଯାହା ଦ୍ୱାରା ଜନସାଧାରଣଙ୍କ ସହ ପାରଦର୍ଶିତା ରହୁ ।

Welcoming Malvika Sood Sachar, sister of Social Worker & Actor, @SonuSood , into the party-fold. I am sure Malvika will serve the people with full honesty and integrity and help spread the message of the Congress party at the grass-root level.#SonuSoodWithCongress pic.twitter.com/yqxXV8hHCP

— Charanjit S Channi (@CHARANJITCHANNI) January 10, 2022

ଏହା ବି ପଢ଼ନ୍ତୁ:-ପିଏମ ମୋଦିଙ୍କ ସୁରକ୍ଷା ତ୍ରୁଟିକୁ ନେଇ ASL ରିପୋର୍ଟରେ ବଡ଼ ଖୁଲାସା, ଜାଣନ୍ତୁ କେଉଁଠାରେ ହୋଇଛି ବଡ଼ ଭୁଲ

ଏହା ବି ପଢ଼ନ୍ତୁ:-ୟୁପି ନିର୍ବାଚନ ପୂର୍ବରୁ ବିଜେପିକୁ ବଡ଼ ଝଟକା, ସମାଜବାଦୀ ପାର୍ଟିରେ ସାମିଲ ହେଲେ ଆଉ ଏକ ବିଧାୟକ

ଏହା ବି ପଢ଼ନ୍ତୁ:-ଭାରତୀୟ ରେଲୱେ କଲା ବଡ଼ ଘୋଷଣା, ଏହି ଲୋକମାନେ କରିପାରିବେନି ଟ୍ରେନରେ ଯାତ୍ରା

ଦେଶର ଅସହାୟ ଲୋକଙ୍କୁ ସାହାଯ୍ୟ କରିବାକୁ ସୋନୁ ସୁଦ ନିରନ୍ତର ପ୍ରସ୍ତୁତ ରୁହନ୍ତି । କୋରୋନାର ତୃତୀୟ ଲହରରେ ମଧ୍ୟ ଲୋକଙ୍କୁ ସାହାଯ୍ୟ କରିବାକୁ ପ୍ରତିଶୃତି ଦେଇଛନ୍ତି । ସେ ବିପର୍ଯ୍ୟୟ ସମୟରେ ଅନେକ ଅଭାବୀ ବ୍ୟକ୍ତିଙ୍କ ସାହାଯ୍ୟ କରିଆସୁଛନ୍ତି । କେତେବେଳେ ସେ ଲକଡାଉନରେ ଲୋକଙ୍କ ପଳାୟନ ସମୟରେ ସାହାଯ୍ୟ କରିଛନ୍ତି ତ କେତେବେଳେ ସେ ଅକ୍ସିଜେନ୍ ସିଲିଣ୍ଡର ଯୋଗାଇବାରେ ଆଗେଇ ଆସିଛନ୍ତି । ଏହା ବ୍ୟତୀତ ସେ ସୋସିଆଲ ମିଡିଆ ମାଧ୍ୟମରେ ପ୍ରଶଂସକଙ୍କ ସହ ଯୋଡ଼ି ରୁହନ୍ତି ଓ ପ୍ରତ୍ୟେକ ଛୋଟ ଏବଂ ବଡ ଉପାୟରେ ଲୋକଙ୍କୁ ସାହାଯ୍ୟ କରିବାକୁ ଚେଷ୍ଟା କରନ୍ତି । ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ସେ ପ୍ରୀତିରାଜ ଫିଲ୍ମରେ ନଜର ଆସିବେ ।