ପଞ୍ଜାବ ମୁଖ୍ୟମନ୍ତ୍ରୀ ଚନ୍ନିଙ୍କ ବଢ଼ିଲା ଅସୁବିଧା, ନିର୍ବାଚନ ଆୟୋଗ ପହଞ୍ଚିଲା କଂଗ୍ରେସ

ନୂଆଦିଲ୍ଲୀ: Punjab Sand Mining Case: ବେଆଇନ ବାଲି ଖନନ ମାମଲାରେ ପଞ୍ଜାବର ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନି (Punjab CM Charanjit Singh Channi) ଙ୍କ ଭଣଜା ଭୁପିନ୍ଦର ସିଂ ହନି (Bhupinder Singh Honey) ଙ୍କ ଉପରେ ଗିରଫର ଖଣ୍ଡା ଝୁଲୁଛି । ଏ ସମ୍ପର୍କରେ କଂଗ୍ରେସ (Congress) ନିର୍ବାଚନ ଆୟୋଗ ନିକଟରେ ଅଭିଯୋଗ କରିଛି । ଦଳ କହିଛି ଯେ ପ୍ରବର୍ତ୍ତନ ନିର୍ଦ୍ଦେଶାଳୟ (Enforcement Directorate-ED) ର ଚଢ଼ାଉ ରାଜନୀତିରେ ପ୍ରେରିତ ।

ବିଗତ ଦିନରେ ବେଆଇନ ବାଲି ଖନନକୁ ନେଇ ପଞ୍ଜାବରେ ଇଡି ଦଳ ଦ୍ୱାରା କରାଯାଇଥିବା ଚଢ଼ାଉରେ ୧୦ କୋଟିରୁ ଅଧିକ ନଗଦ ଟଙ୍କା, ୨୧ ଲକ୍ଷ ମୂଲ୍ୟର ସୁନା ଏବଂ ୧୨ ଲକ୍ଷ ଟଙ୍କା ମୂଲ୍ୟର ରୋଲକ୍ସ ଘଣ୍ଟା ଉଦ୍ଧାର କରାଯାଇଛି । ଏହା ସହିତ ଅନେକ ଗୁରୁତ୍ୱପୂର୍ଣ୍ଣ ଦଲିଲ ମଧ୍ୟ ଜବତ କରାଯାଇଛି । କୁହାଯାଉଛି ଯେ ଏହି ଚଢ଼ାଉରେ ଅଧିକାଂଶ ନଗଦ ହନିଙ୍କ ଠିକଣାରୁ ମିଳିଛି । ଏହି ପରିମାଣ ପ୍ରାୟ ୭ରୁ ୮ କୋଟି କୁହାଯାଉଛି ।

ଇଡି ସୂତ୍ର ଅନୁଯାୟୀ, ଚଢ଼ାଉ ସମୟରେ ଉପେନ୍ଦ୍ର ସିଂ ଓରଫ ହନି ତାଙ୍କ ମୋହାଲି ଘରେ ଉପସ୍ଥିତ ଥିଲେ । ଯେତେବେଳେ ଇଡିର ଯାଞ୍ଚ ଅଧିକାରୀମାନେ ତାଙ୍କଠାରୁ ଉଦ୍ଧାର ହୋଇଥିବା କୋଟି କୋଟି ଟଙ୍କା ବିଷୟରେ ତାଙ୍କୁ ପ୍ରଶ୍ନ କରିଥିଲେ ସେତେବେଳେ ସେ ନିଜେ କୌଣସି ବ୍ୟାଙ୍କ ସ୍ଲିପ୍ ଦେଖାଇ ପାରିନଥିଲେ କିମ୍ବା  ଟଙ୍କା କାହାର ଓ କେଉଁଠୁ ଆସିଛି ତାହା କହି ପାରି ନାହିଁ । ଏହି ମାମଲାରେ ପଚରାଉଚରା ପାଇଁ ଇଡି ବର୍ତ୍ତମାନ ହନିଙ୍କ ସମେତ ତାଙ୍କ କମ୍ପାନୀର ଆଉ ଦୁଇଜଣ ନିର୍ଦ୍ଦେଶକଙ୍କୁ ଡାକିବାକୁ ଯାଉଛି ଓ ଯଦି ସେମାନେ ସନ୍ତୋଷଜନକ ଉତ୍ତର ନ ପାଆନ୍ତି ତେବେ ସେମାନଙ୍କୁ ଗିରଫ କରାଯାଇପାରେ ।

ଇଡି ସୂତ୍ର ଅନୁଯାୟୀ, ବେଆଇନ ବାଲି ଖନନ ମାମଲାରେ ମୁଖ୍ୟ ଅଭିଯୁକ୍ତ କୁଦ୍ରତଦୀପ ସିଂ ଏବଂ ଭୁପିନ୍ଦର ସିଂ ହନି ଅନ୍ୟ ଜଣେ ସନ୍ଦୀପଙ୍କ ସହ ପ୍ରୋଭିଡର୍ସ ଓଭରସିଜ୍ କମ୍ପାନୀରେ ନିର୍ଦ୍ଦେଶକ ଅଛନ୍ତି । ଏହି କମ୍ପାନୀ ସେହି ବର୍ଷ ୨୫ ଅକ୍ଟୋବର ୨୦୧୮ରେ ଗଠିତ ହୋଇଥିଲା ଯେତେବେଳେ ପଞ୍ଜାବ ପୋଲିସ ବେଆଇନ ଖଣି ମାମଲାରେ ଏଫଆଇଆର ପଞ୍ଜୀକୃତ କରିଥିଲା । ଏହି କମ୍ପାନୀର ମାତ୍ର ୬୦ ହଜାର ଟଙ୍କାର ପ୍ୟାଡ୍ ଅପ୍ କ୍ୟାପିଟାଲ ଥିଲା ଓ ମୋଟ ପ୍ରାଧିକୃତ ପରିମାଣ ୫ ଲକ୍ଷ ଟଙ୍କା ଥିଲା ।

ଏହା ବି ପଢ଼ନ୍ତୁ:-ପୁଣି ବର୍ଷିବ ଅଦିନଆ ବର୍ଷା! ଚାଷୀଙ୍କ ପାଇଁ ଜାରି ହେଲା ଆଲର୍ଟ

ଏହା ବି ପଢ଼ନ୍ତୁ:-ଦୁନିଆର ପ୍ରଳୟକୁ ନେଇ ଆଜି ଟାଇମ୍ ସେଟ୍ କରିବେ ବୈଜ୍ଞାନିକ, ସ୍ଥିର ହେବ ମଣିଷର ବିନାଶର ସମୟ

ଏହା ବି ପଢ଼ନ୍ତୁ:-ଗୋଆରେ ବିଜେପିକୁ ଝଟକା, ଦଳ ଛାଡ଼ିଲେ ଆଉ ଜଣେ ବିଧାୟକ

ଏହା ବି ପଢ଼ନ୍ତୁ:-ଦେଶରେ କୋରୋନା ଭାଙ୍ଗିଲା ୮ ମାସର ରେକର୍ଡ, ଦିନକରେ ଚିହ୍ନଟ ହେଲା ୩ ଲକ୍ଷରୁ ଉର୍ଦ୍ଧ୍ୱ ମାମଲା

ଇଡି ସନ୍ଦେହ କରୁଛି ଯେ, ଏହି କମ୍ପାନୀ ମାଧ୍ୟମରେ କଳା ଟଙ୍କା ମଧ୍ୟ ଧଳା କରାଯାଇଛି । ଏହି କମ୍ପାନୀ ସହ ଜଡିତ ସମସ୍ତ ଡକ୍ୟୁମେଣ୍ଟ ଉପସ୍ଥାପନ କରିବାକୁ ଇଡି ହନିଙ୍କୁ କହିଛି ଓ ଯଦି ହନି ତାହା କରିବାରେ ଅସମର୍ଥ ତେବେ ତାଙ୍କ ଗିରଫ ସୁନିଶ୍ଚିତ । ଏସବୁ ମଧ୍ୟରେ ବେଆଇନ ବାଲି ଖନନ ଓ ଇଡି ଚଢ଼ାଉକୁ ନେଇ ରାଜନୈତିକ ଝଡ଼ ଜାରି ରହିଛି । ଏହି ଚଢ଼ାଉକୁ ନେଇ ବ୍ୟାକଫୁଟରେ ଥିବା କଂଗ୍ରେସ ଅଭିଯୋଗ ନେଇ ନିର୍ବାଚନ ଆୟୋଗରେ ପହଞ୍ଚିଛି ।