ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ କଂଗ୍ରେସକୁ ଦେଲେ ଝଟକା! ନେଲେ ଏହି ବଡ଼ ପଦକ୍ଷେପ

Rajya Sabha Election 2022: ଝାଡଖଣ୍ଡରେ ଦୁଇଟି ରାଜ୍ୟସଭା ଆସନ ପାଇଁ ଜୁନ ୧୦ରେ ମତଦାନ ଅନୁଷ୍ଠିତ ହେବ । କେନ୍ଦ୍ର ମନ୍ତ୍ରୀ ମୁଖ୍ତାର ଅବ୍ବାସ ନକଭୀ ଓ ଭାରତୀୟ ଜନତା ପାର୍ଟି (BJP) ସାଂସଦ ମହେଶ ପୋଦ୍ଦାରଙ୍କ କାର୍ଯ୍ୟକାଳ ଶେଷ ହେବାରୁ ଏହି ଆସନଗୁଡିକ ପାଇଁ ନିର୍ବାଚନ ଅନୁଷ୍ଠିତ ହେବାକୁ ଯାଉଛି ।

ନୂଆଦିଲ୍ଲୀ: Rajya Sabha Election 2022: ରାଜ୍ୟ ସଭା ନିର୍ବାଚନକୁ ନେଇ ଦେଶର ରାଜନୈତିକ ପାରା ବଢ଼ିବାରେ ଲାଗିଛି । ବିଜେପି (BJP), କଂଗ୍ରେସ (Congress) ସମେତ ଅନେକ ଦଳ ନିଜ ନିଜ ପ୍ରାର୍ଥୀଙ୍କ ବିଜୟକୁ ସୁନିଶ୍ଚିତ କରିବା ପାଇଁ ମାନସ ମନ୍ଥନ କରୁଛନ୍ତି । ଏହି କ୍ରମରେ ଝାରଖଣ୍ଡ ମୁକ୍ତି ମୋର୍ଚ୍ଚା (Jharkhand Mukti Morcha) କଂଗ୍ରେସକୁ ଝଟକା ଦେଇ ନିଜର ରାଜ୍ୟ ସଭା ପ୍ରାର୍ଥୀ ଘୋଷଣା କରିଛି । ଝାଡ଼ଖଣ୍ଡ ମୁଖ୍ୟମନ୍ତ୍ରୀ ତଥା ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (JMM) ନେତା ହେମନ୍ତ ସୋରେନ  (Hemant Soren) ମହୁଆ ମାଜି (Mahua Maji) ଙ୍କୁ ରାଜ୍ୟସଭା ପ୍ରାର୍ଥୀ କରିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି ଯେ, "ଆମେ ଗୁରୁଜୀ (ଶିବୁ ସୋରେନ) ଙ୍କ ସହମତିରେ ଆମର ଦଳ ମହୁଆ ମାଜିଙ୍କୁ ରାଜ୍ୟସଭା ନିର୍ବାଚନରେ ​​ପ୍ରାର୍ଥୀ ଭାବରେ ଚୟନ କରିଛି ।"

ଆପଣଙ୍କୁ କହିରଖୁଛୁ ଯେ, କଂଗ୍ରେସ (Congress) କ୍ରମାଗତ ଭାବରେ ଝାରଖଣ୍ଡରୁ ଗୋଟିଏ ରାଜ୍ୟସଭା ଆସନ ଦାବି କରୁଛି । ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀ ଶନିବାର କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ (Sonia Gandhi) ଙ୍କ ସହ ଏକ ଘଣ୍ଟାରୁ ଅଧିକ ସମୟ ଧରି ସାକ୍ଷାତ କରିଥିଲେ । ଏହା ପରେ ଯେତେବେଳେ କଂଗ୍ରେସ ସହ କଳହର ଖବର ବିଷୟରେ ପଚରାଗଲା, ସୋରେନ କହିଛନ୍ତି ଯେ, "ସେପରି କିଛି କଥା ନାହିଁ । ଯଦି ଏହା ହୋଇଥାନ୍ତା ତ କ'ଣ ଗତକାଲି ସୋନିଆଜୀଙ୍କ ସହ ଗୋଟିଏ ଘଣ୍ଟା ସାକ୍ଷାତ ହୋଇପାରିଥାନ୍ତା? ଯେତେବେଳେ ଘରେ ବାସନକୁସନ ରହିଥାଏ, ସେତେବେଳେ ତ ସେଥିରୁ ଶବ୍ଦ ଆସିବ ।"

ଝାଡଖଣ୍ଡରେ ଦୁଇଟି ରାଜ୍ୟସଭା ଆସନ ପାଇଁ ଜୁନ ୧୦ରେ ମତଦାନ ଅନୁଷ୍ଠିତ ହେବ । କେନ୍ଦ୍ର ମନ୍ତ୍ରୀ ମୁଖ୍ତାର ଅବ୍ବାସ ନକଭୀ ଓ ଭାରତୀୟ ଜନତା ପାର୍ଟି (BJP) ସାଂସଦ ମହେଶ ପୋଦ୍ଦାରଙ୍କ କାର୍ଯ୍ୟକାଳ ଶେଷ ହେବାରୁ ଏହି ଆସନଗୁଡିକ ପାଇଁ ନିର୍ବାଚନ ଅନୁଷ୍ଠିତ ହେବାକୁ ଯାଉଛି ।

ରାଜ୍ୟର ୮୨ ସଦସ୍ୟ ବିଶିଷ୍ଟ ବିଧାନସଭାରେ ୮୧ ଜଣ ନିର୍ବାଚିତ ସଦସ୍ୟ ଅଛନ୍ତି, କିନ୍ତୁ ଜଣେ ବିଧାୟକଙ୍କୁ ଆୟଠ ଠାରୁ ଅଧିକ ସମ୍ପତ୍ତି ମାମଲାରେ ୩ ବର୍ଷ କାରାଦଣ୍ଡ ମିଳିଛି । ଯାହା ଫଳରେ ତାଙ୍କ ସଦସ୍ୟତା ରଦ୍ଦ ହୋଇଛି । ଏହି କାରଣରୁ ବିଧାନସଭାରେ ଭୋଟ୍ ଦେବାକୁ ଯୋଗ୍ୟ ସଦସ୍ୟଙ୍କ ସଂଖ୍ୟା ୮୦କୁ ହ୍ରାସ ପାଇଛି । ତେଣୁ ରାଜ୍ୟର ବର୍ତ୍ତମାନର ବିଧାନ ସଭାରେ ୨୬.୬୭ ପ୍ରତିଶତ ଭୋଟ୍ ପାଇଥିବା ପ୍ରାର୍ଥୀଙ୍କୁ ରାଜ୍ୟସଭାରେ ଯିବା ଏକ ପ୍ରକାରର ସ୍ଥିର ମନେ କରାଯାଉଛି ।

ଏହା ବି ପଢ଼ନ୍ତୁ:-ରାଜ୍ୟସଭା ନିର୍ବାଚନ ପାଇଁ ବିଜେପି-କଂଗ୍ରେସ ଜାରି କଲେ ପ୍ରାର୍ଥୀଙ୍କ ତାଲିକା, ଜାଣନ୍ତୁ କ'ଣ କହୁଛି ସମୀକରଣ

ଏହା ବି ପଢ଼ନ୍ତୁ:-ଆପଣଙ୍କ କାମର କଥା: ଜୁନ୍ ୧ରୁ ବ୍ୟାଙ୍କିଂ ଓ ସୁନା ହଲମାର୍କିଂ ସମେତ ହେବ ଏହି ୬ଟି ବଡ଼ ପରିବର୍ତ୍ତନ, ଜନତାଙ୍କ ଉପରେ ପଡ଼ିବ ସିଧାସଳଖ ପ୍ରଭାବ

ଏହା ବି ପଢ଼ନ୍ତୁ:-UPSC ସିଭିଲ ସର୍ଭିସେସ୍ ପରୀକ୍ଷା 2021 ଫଳାଫଳ ଘୋଷିତ: ଝିଅମାନଙ୍କ ହ୍ୟାଟ୍ରିକ୍, ଜାଣନ୍ତୁ କିଏ ହେଲେ ଟପର

ବର୍ତ୍ତମାନର ବିଧାନସଭାରେ ଯେଉଁଠାରେ ଶାସକ ଜେଏମଏମ (JMM) ର ୩୦ ଜଣ ବିଧାୟକ ଅଛନ୍ତି, ଏହାର ସମର୍ଥକ କଂଗ୍ରେସ ପାଖରେ ମୋଟ ୧୭ ଜଣ ବିଧାୟକ ଅଛନ୍ତି ଏବଂ ଅନ୍ୟ ସମର୍ଥକ ଦଳ ଆରଜେଡି (RJD) ର ଜଣେ ବିଧାୟକ ଅଛନ୍ତି । ଏଥି ସହିତ ମୁଖ୍ୟ ବିରୋଧୀ ବିଜେପି ପାଖରେ ମୋଟ ୨୬ ଜଣ ବିଧାୟକ ରହିଛି । ଏହାସହ ଦଳକୁ ଅତି କମରେ ଅନ୍ୟ ଦୁଇଜଣ ବିଧାୟକଙ୍କ ସମର୍ଥନ ଉପରେ ରହିଥିବାର କୁହାଯାଉଛି । ଏଭଳି ପରିସ୍ଥିତିରେ ଉଭୟ ଶାସକ ଦଳ ଓ ବିରୋଧୀ ଦଳର ୧-୧ ସଦସ୍ୟ ରାଜ୍ୟସଭାରେ ନିର୍ବାଚିତ ହେବାର ସମ୍ଭାବନା ରହିଛି ।