ଫେସବୁକ୍, ହ୍ୱାଟସଆପ୍ ଉପରେ ବିଜେପି-ଆରଏସଏସର କବଜା: ରାହୁଲ ଗାନ୍ଧୀ

ନୂଆଦିଲ୍ଲୀ: ବିଜେପି(BJP) ଓ ରାଷ୍ଟ୍ରୀୟ ସ୍ୱୟଂ ସେବକ ସଂଘ(RSS) ଉପରେ କଡ଼ା ପ୍ରହାର କରିଛନ୍ତି କଂଗ୍ରେସର ପୂର୍ବତନ ଅଧ୍ୟକ୍ଷ(Former Congress President) ତଥା ବର୍ତ୍ତମାନର ବାୟନାଡ ସାଂସଦ(Wayanad MP) ରାହୁଲ ଗାନ୍ଧୀ(Rahul Gandhi) । ଏଥର ରାହୁଲଙ୍କ ଟାର୍ଗେଟରେ କେବଳ ଶାସକ ଦଳ ବିଜେପି ନୁହେଁ ବରଂ ଆରଏସଏସ ମଧ୍ୟ ରହିଛି । ଲଗାତର ରାହୁଲ ବିଭିନ୍ନ ବିଷୟକୁ ନେଇ ମୋଦି ସରକାରଙ୍କୁ ଘେରି ଆସୁଛନ୍ତି । ଏଥର ସେ ଫେସବୁକ୍(Facebook) ମାଧ୍ୟମରେ ମିଥ୍ୟା ଖବର(Fake News)ର ପ୍ରଚାର ଓ ଘୃଣାର ପ୍ରସାରକୁ ନେଇ ଟ୍ୱିଟ୍ କରିଛନ୍ତି ।

BJP & RSS control Facebook & Whatsapp in India.

They spread fake news and hatred through it and use it to influence the electorate.

Finally, the American media has come out with the truth about Facebook. pic.twitter.com/Y29uCQjSRP

— Rahul Gandhi (@RahulGandhi) August 16, 2020

କଂଗ୍ରେସର ପୂର୍ବତନ ଅଧ୍ୟକ୍ଷ ଟ୍ୱିଟ୍ କରି କହିଛନ୍ତି ଯେ, "ବିଜେପି ଓ ଆରଏସଏସ ଫେସବୁକ୍ ଏବଂ ହ୍ୱାଟସଆପକୁ ନିୟନ୍ତ୍ରଣ କରୁଛି । ସେମାନେ ମିଥ୍ୟା ଖବର ପ୍ରଚାର ଓ ଘୃଣାର ପ୍ରସାର କରନ୍ତି । ଏଥିସହ ଏହା ଦେଶର ଭୋଟରଙ୍କୁ ପ୍ରଭାବିତ କରିବା ପାଇଁ ବ୍ୟବହୃତ ହେଉଛି ।" ରାହୁଲ ତାଙ୍କ ଟ୍ୱିଟରେ ଏକ ଖବରକାଗଜର ରିପୋର୍ଟ ମଧ୍ୟ ସେୟାର କରିଛନ୍ତି ।

ଅଧିକ ପଢ଼ନ୍ତୁ:-ପୁଣି ମୋଦି ସରକାର ଉପରେ କଡ଼ା ପ୍ରହାର କଲେ ସୋନିଆ ଗାନ୍ଧୀ, କହିଲେ ଏପରି କିଛି

ଅଧିକ ପଢ଼ନ୍ତୁ:-'ସମ୍ୱିତ ପାତ୍ର ହେଉଛନ୍ତି ମୋ ସ୍ୱାମୀଙ୍କ ହତ୍ୟାକାରୀ'

ଯେଉ ରିପୋର୍ଟର ଉଲ୍ଲେଖ ରାହୁଲ ଗାନ୍ଧୀ ନିଜ ଟ୍ୱଟ୍‌ରେ କରିଛନ୍ତି । ସେଥିରେ କୁହାଯାଇଛି ଯେ, ଭାରତରେ ଅନେକ ଲୋକ ଅଛନ୍ତି ଯେଉଁମାନେ ସୋସିଆଲ ମିଡିଆ ପ୍ଲାଟଫର୍ମରେ ଘୃଣାର ବିସ୍ତାର କରୁଛନ୍ତି ।  ବାସ୍ତବରେ, ଆମେରିକାର ଖବରକାଗଜ ୱାଲ୍ ଷ୍ଟ୍ରିଟ୍ ଜେନେରାଲ୍ ଫେସବୁକ୍ କର୍ମଚାରୀଙ୍କ ଠାରୁ ପ୍ରାପ୍ତ ସୂଚନା ଅନୁସାରେ ଏକ ରିପୋର୍ଟ ସେୟାର କରିଛି । ଏହି ରିପୋର୍ଟରେ କୁହାଯାଇଛି ଯେ, ଭାରତରେ ବହୁତ ଲୋକ ଅଛନ୍ତି । ଯେଉଁମାନେ ସୋସିଆଲ ପ୍ଲାଟଫର୍ମ ମାଧ୍ୟମରେ ମିଥ୍ୟା ଖବର ଏବଂ ଘୃଣା ପ୍ରଚାର ପ୍ରସାର କରିବାକୁ କାର୍ଯ୍ୟ କରୁଛନ୍ତି ।