'ଦିଦି'ଙ୍କୁ ପୁଣି ଲାଗିଲା ବଡ଼ ଝଟକା, ଦଳର ୨ଟି ପଦରୁ ଇସ୍ତଫା ଦେଲେ ଆଉ ଜଣେ ବିଧାୟକ

କୋଲକାତା: West Bengal Assembly Polls 2021: ପଶ୍ଚିମବଙ୍ଗରେ ଯେତେ ପାଖେଇ ଆସୁଛି ନିର୍ବାଚନ ତାରିଖ, ସେତେ ରୋଚକ ହେବାରେ ଲାଗିଛି ରାଜନୈତିକ ଲଢ଼େଇ । ବିଶେଷକରି ଶାସକ ଦଳ ତୃଣମୂଳ କଂଗ୍ରେସ (TMC) ଓ ବିଜେପି (BJP) ମଧ୍ୟରେ ଲଢ଼େଇ ଜୋରଦାର ହେବାରେ ଲାଗିଛି । ଏହି କ୍ରମରେ ବଙ୍ଗଳାରେ ତୃଣମୂଳ କଂଗ୍ରେସ ବିଧାୟକ (TMC MLA) ଏବଂ ସାଂସଦମାନେ (TMC MPs) କ୍ରମାଗତ ଭାବରେ ମମତା ବାନାର୍ଜୀ (Mamata Banerjee) ଙ୍କୁ ଛାଡ଼ିବାରେ ଲାଗିଛନ୍ତି । ଏହି ପର୍ଯ୍ୟାୟରେ ମମତାଙ୍କ ଅନ୍ୟ ଜଣେ ବିଧାୟକ ପ୍ରବୀର ଘୋଷାଲ (Prabir Ghoshal) ଦଳର ଦୁଇଟି ପଦବୀରୁ ଇସ୍ତଫା ଦେଇଛନ୍ତି । ଯଦିଓ ସେ କହିଛନ୍ତି ଯେ ସେ ବିଧାୟକ ପଦରୁ ଇସ୍ତଫା ଦେବେ ନାହିଁ । ଘୋଷାଲ ଉତ୍ତରପାଡ଼ା ଆସନରୁ ବିଧାୟକ ଅଛନ୍ତି ।

ଅଧିକ ପଢ଼ନ୍ତୁ:-'ଦିଦି'ଙ୍କୁ ପୁଣି ଲାଗିଲା ବଡ଼ ଝଟକା, ବିଜେପି ପାଇଁ ସହଜ ହେଲା ଲଢ଼େଇ!

ଘୋଷାଲ କହିଛନ୍ତି ଯେ, ସେ ହୁଗଲି ଜିଲ୍ଲା କମିଟିର ସଦସ୍ୟ ତଥା ଟିଏମସି ମୁଖପାତ୍ର ପଦରୁ ଇସ୍ତଫା ଦେଇଛନ୍ତି । ସେ କହିଛନ୍ତି ଯେ ଦଳରେ କିଛି ଲୋକ ଅଛନ୍ତି ଯେଉଁମାନେ ମୋତେ ମୋ ନିର୍ବାଚନମଣ୍ଡଳୀରେ କାମ କରିବାକୁ ଦେଉ ନାହାଁନ୍ତି, ତେଣୁ ମୁଁ ଏହି ନିଷ୍ପତ୍ତି ନେବାକୁ ବାଧ୍ୟ ହେଲି ।

ଅଧିକ ପଢ଼ନ୍ତୁ:-କର୍ମଚାରୀଙ୍କ ଏପ୍ରିଲରୁ ବଢ଼ିବ ଗ୍ରାଚ୍ୟୁଇଟି ଓ PF, କିନ୍ତୁ ହାତରେ ଆସିବ କମ୍ ଟଙ୍କା!

ଲୋକଙ୍କ ଆବଶ୍ୟକତା ଦେଖି ମୁଁ ବିଧାୟକ ପଦରେ ରହିବି । ଘୋଷାଲ ଦାବି କରିଛନ୍ତି ଯେ ଯଦି ସେ ଆଗାମୀ ବିଧାନସଭା ନିର୍ବାଚନରେ ​​ଉତ୍ତରପାଡ଼ା ଆସନରୁ ହିଁ ନିର୍ବାଚନ ଲଢ଼ିବେ । ତେବେ ତାଙ୍କୁ ପରାସ୍ତ କରିବା ପାଇଁ ଷଡ଼ଯନ୍ତ୍ର କରାଯାଉଛି ।