ରାଜ୍ୟସଭା ଜରିଆରେ ସଂସଦରେ ପହଞ୍ଚିବେ ପ୍ରିୟଙ୍କା! କଂଗ୍ରେସର ରହିଛି ଏହି ପ୍ଲାନ

Congress Leader Priyanka Gandhi Vadra: ଏହାପୂର୍ବରୁ ତାଙ୍କୁ ସେହି ସମୟରେ ରାଜ୍ୟସଭାକୁ ପଠାଇବାର ବିଚାର କରାଯାଉଥିଲା, ଯେତେବେଳେ ଅହମ୍ମଦ ପଟେଲ (Ahmed Patel) ଜୀବିତ ଓ ଛତିଶଗଡରେ ଦୁଇଟି ଆସନ ଥିଲା । କିନ୍ତୁ ସେହି ସମୟରେ ଏହା ସ୍ଥିର କରାଯାଇଥିଲା ଯେ ବିଜେପି ତରଫରୁ ପରିବାରବାଦ ଅଭିଯୋଗକୁ ଦୃଷ୍ଟିରେ ରଖି ଏହା ସଠିକ୍ ସମୟ ନୁହେଁ । ପ୍ରିୟଙ୍କା (Priyanka Gandhi) ନିର୍ବାଚନୀ ରାଜ୍ୟରେ ଏକ ବ୍ୟସ୍ତବହୁଳ ଅଭିଯାନ ପରିଚାଳନା କରିବା ପରେ ସେ ଦଳର ମୁଖ୍ୟ ପ୍ରଚାରକ ଭାବରେ ଉଭା ହୋଇଛନ୍ତି । ଯଦି ଆମେ ଏକଜିଟ୍ ପୋଲ୍ ଦେଖିବା, ତେବେ ଉତ୍ତର ପ୍ରଦେଶର ଫଳାଫଳ ତାଙ୍କ ପାଇଁ ଉତ୍ସାହଜନକ ନୁହେଁ ।

ନୂଆଦିଲ୍ଲୀ: Congress Leader Priyanka Gandhi Vadra: ଏକଜିଟ୍ ପୋଲ (Exit Polls) କୁ ନେଇ କଳ୍ପନା ଜଳ୍ପନା ଲାଗି ରହିଛି । ଏହା ମଧ୍ୟରେ କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା (Congress General Secretary Priyanka Gandhi) ଙ୍କୁ ରାଜ୍ୟସଭା (Rajya Sabha) ଜରିଆରେ ସଂସଦ (Parliament) କୁ ପଠାଯିବ ବୋଲି ଚର୍ଚ୍ଚା ଚାଲିଛି । କଂଗ୍ରେସ (Congress) ର ଏକ ବର୍ଗ ମନେ କରୁଛି ଯେ ପ୍ରିୟଙ୍କା (Priyanka Gandhi) ଙ୍କୁ ଉତ୍ତର ପ୍ରଦେଶ ଓ ଅନ୍ୟାନ୍ୟ ରାଜ୍ୟରେ ବ୍ୟାପକ ଅଭିଯାନ ପରେ ସଂସଦକୁ ପଠାଇବାର ଆବଶ୍ୟକତା ରହିଛି, ଯାହା ଦ୍ୱାରା ସଦନ ଓ ବାହାରେ ମୋଦି ସରକାର (Modi Government) ଙ୍କ ସହ ମୁକାବିଲା କରିହେବ ।

ଏହାପୂର୍ବରୁ ତାଙ୍କୁ ସେହି ସମୟରେ ରାଜ୍ୟସଭାକୁ ପଠାଇବାର ବିଚାର କରାଯାଉଥିଲା, ଯେତେବେଳେ ଅହମ୍ମଦ ପଟେଲ (Ahmed Patel) ଜୀବିତ ଓ ଛତିଶଗଡରେ ଦୁଇଟି ଆସନ ଥିଲା । କିନ୍ତୁ ସେହି ସମୟରେ ଏହା ସ୍ଥିର କରାଯାଇଥିଲା ଯେ ବିଜେପି ତରଫରୁ ପରିବାରବାଦ ଅଭିଯୋଗକୁ ଦୃଷ୍ଟିରେ ରଖି ଏହା ସଠିକ୍ ସମୟ ନୁହେଁ । ପ୍ରିୟଙ୍କା (Priyanka Gandhi) ନିର୍ବାଚନୀ ରାଜ୍ୟରେ ଏକ ବ୍ୟସ୍ତବହୁଳ ଅଭିଯାନ ପରିଚାଳନା କରିବା ପରେ ସେ ଦଳର ମୁଖ୍ୟ ପ୍ରଚାରକ ଭାବରେ ଉଭା ହୋଇଛନ୍ତି । ଯଦି ଆମେ ଏକଜିଟ୍ ପୋଲ୍ ଦେଖିବା, ତେବେ ଉତ୍ତର ପ୍ରଦେଶର ଫଳାଫଳ ତାଙ୍କ ପାଇଁ ଉତ୍ସାହଜନକ ନୁହେଁ ।

ଦଳରେ ଥିବା ତାଙ୍କ ସମର୍ଥକମାନେ ବିଶ୍ୱାସ କରନ୍ତି ଯେ ତାଙ୍କୁ ସଂସଦକୁ ପଠାଇବା ପାଇଁ ଏହା ହେଉଛି ଉପଯୁକ୍ତ ସମୟ, କାରଣ ସାଧାରଣ ନିର୍ବାଚନ ଦୁଇ ବର୍ଷ ପରେ ହେବ ଓ ସେ ସରକାରର ମୁକାବିଲା କରିପାରିବେ । କେରଳ, ପଞ୍ଜାବ ଏବଂ ଅନ୍ୟାନ୍ୟ ରାଜ୍ୟ ପାଇଁ ରାଜ୍ୟସଭା ନିର୍ବାଚନ ଘୋଷଣା କରାଯାଇଛି । ଯଦି ଦଳ ପଞ୍ଜାବରେ ଭଲ ପ୍ରଦର୍ଶନ କରେ, ତେବେ ତାଙ୍କୁ ଏହି ରାଜ୍ୟରୁ ପଠାଯାଇପାରେ । ରାଜସ୍ଥାନ ଓ ଛତିଶଗଡରେ ମଧ୍ୟ ଖାଲି ହେବାକୁ ଯାଉଛି, ତାଙ୍କୁ ଏହି ଦୁଇଟି ରାଜ୍ୟରୁ ରାଜ୍ୟସଭାକୁ ପଠାଯାଇପାରେ । ସୂତ୍ରରୁ ପ୍ରକାଶ ଯେ ଭୁପେଶ ବଘେଲ ପ୍ରିୟଙ୍କାଙ୍କୁ ଏହି ଆସନ ଦେବାକୁ ଚିନ୍ତା କରୁଛନ୍ତି । 

ଏହା ବି ପଢ଼ନ୍ତୁ:-ୟୁକ୍ରେନ ଉପରେ କ'ଣ ପାଇଁ ଆକ୍ରମଣ କଲେ ପୁଟିନ? ସାମ୍ନାକୁ ଆସିଲା ବହୁତ ବଡ଼ କାରଣ

ଏହା ବି ପଢ଼ନ୍ତୁ:-ୟୁକ୍ରେନ ରାଷ୍ଟ୍ରପତି ଦେଲେ 'ସେହି' ବୟାନ, ଯାହା ପୁଟିନଙ୍କ ଥିଲା ଇଚ୍ଛା; ଏବେ ବନ୍ଦ ହେବ କି ଯୁଦ୍ଧ?

ଏହା ବି ପଢ଼ନ୍ତୁ:-ଋଷକୁ କଡ଼ା ଜବାବ ଦେଲା ୟୁକ୍ରେନ; ୨ ଦିନରେ ସେନାର ଦୁଇ ବଡ଼ ଅଧିକାରୀଙ୍କ ମୃତ୍ୟୁ, ବର୍ତ୍ତମାନ ରେଜିମେଣ୍ଟ କମାଣ୍ଡର ମଧ୍ୟ ନିହତ

ଗତ ଥର ଯେତେବେଳେ ପ୍ରସ୍ତାବ ରଖାଯାଇଥିଲା, କିଛି ସମସ୍ୟା ଯୋଗୁଁ ଏହାକୁ ପ୍ରତ୍ୟାଖ୍ୟାନ କରାଗଲା, କାରଣ କିଛି ଲୋକ ଭାବିଥିଲେ ଯେ ଦଳରେ ୨ଟି କ୍ଷମତାର କେନ୍ଦ୍ର ହୋଇଯିବ । ଉତ୍ତର ପ୍ରଦେଶରେ ପ୍ରିୟଙ୍କା ୧୬୭ ଜନସଭାକୁ ସମ୍ବୋଧିତ କରିଛନ୍ତି, ୪୨ ରୋଡ୍ ଶୋ' କରିଛନ୍ତି ଏବଂ ଭର୍ଚୁଆଲ୍ ରାଲି ମଧ୍ୟ କରିଥିଲେ । ଉତ୍ତର ପ୍ରଦେଶରେ ଦଳର ଦାୟିତ୍ୱ ସେ ତୁଲାଉଛନ୍ତି ଓ ୨୦୨୨  ବିଧାନସଭା ନିର୍ବାଚନରେ ​​ତାଙ୍କର ଅଭିଯାନ ଚର୍ଚ୍ଚାରେ ଆସିଛି । ପ୍ରିୟଙ୍କାଙ୍କ କଠିନ ପରିଶ୍ରମ, ତାଙ୍କର ଶକ୍ତି ଏବଂ ସକରାତ୍ମକ ଅଭିଯାନ ରାଜ୍ୟବାସୀଙ୍କ ଦୃଷ୍ଟି ଆକର୍ଷଣ କରିଛି ।

ୟୁପି ବ୍ୟତୀତ ପ୍ରିୟଙ୍କା ପଞ୍ଜାବରେ ୩ଟି, ଉତ୍ତରାଖଣ୍ଡରେ ୨ଟି ଏବଂ ଗୋଆ ଏବଂ ମଣିପୁରରେ ୧-୧ ଭର୍ଚୁଆଲ୍ ରାଲି ସହ ରାଜ୍ୟ ଗସ୍ତ କରିଥିଲେ । ଦଳର ନେତାମାନେ କହିଛନ୍ତି ଯେ ନିର୍ବାଚନ ପ୍ରଚାର ସମୟରେ ପ୍ରିୟଙ୍କା ତାଙ୍କ ଭାଷଣରେ ବାରମ୍ବାର କହିଥଲେ ଯେ ଗଣତନ୍ତ୍ରରେ ଶକ୍ତି ଲୋକଙ୍କ ହାତରେ ଅଛି । ସେ ସେମାନଙ୍କର ଭୋଟର ଶକ୍ତିକୁ ଚିହ୍ନିବା ଓ ଏହି ପ୍ରସଙ୍ଗରେ ଭୋଟ୍ ଦେବାକୁ ଲୋକଙ୍କୁ ଆହ୍ୱାନ କରିଛନ୍ତି ।