Ajinkya Rahane: ଟିମ୍ ଇଣ୍ଡିଆ ପରେ IPLରେ ବି ଶେଷ ହେଲା ଏହି ଖେଳାଳିଙ୍କ କ୍ୟାରିୟର! ହଠାତ୍ କରାଗଲା ଦଳରୁ ବାହାର

IPL 2023 Auction Ajinkya Rahane: ଆଇପିଏଲ୍ ୨୦୨୩ ନିଲାମ ପୂର୍ବରୁ ମଧ୍ୟ ସମସ୍ତ ଦଳ ରିଟେନଶନ ଓ ରିଲିଜ୍ ତାଲିକା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡକୁ ହସ୍ତାନ୍ତର କରିଛନ୍ତି । କିନ୍ତୁ ଏପରି ଜଣେ ଖେଳାଳି ଅଛନ୍ତି, ଯିଏ ପୂର୍ବରୁ ଟିମ୍ ଇଣ୍ଡିଆରୁ ବାହାର କରାଯାଇଥିଲା, କିନ୍ତୁ ବର୍ତ୍ତମାନ ଆଇପିଏଲ ଦଳରୁ ମଧ୍ୟ ତାଙ୍କୁ ରିଲିଜ୍ କରାଯାଇଛି ।

IPL 2023 Auction Ajinkya Rahane: ଇଣ୍ଡିଆନ ପ୍ରିମିୟର ଲିଗ୍ (IPL) ହେଉଛି ଦୁନିଆର ସବୁଠାରୁ ଅଧିକ ଦେଖାଯାଇଥିବା ଲିଗ୍ । ଏହି ଲିଗରେ ଖେଳିବା ସମସ୍ତଙ୍କ ସ୍ୱପ୍ନ ଥାଏ । ଆଇପିଏଲ୍ ୨୦୨୩ ନିଲାମ (IPL 2023 Auction) ପୂର୍ବରୁ ମଧ୍ୟ ସମସ୍ତ ଦଳ ରିଟେନଶନ ଓ ରିଲିଜ୍ ତାଲିକା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (BCCI) କୁ ହସ୍ତାନ୍ତର କରିଛନ୍ତି । କିନ୍ତୁ ଏପରି ଜଣେ ଖେଳାଳି ଅଛନ୍ତି, ଯିଏ ପୂର୍ବରୁ ଟିମ୍ ଇଣ୍ଡିଆ (Team India) ରୁ ବାହାର କରାଯାଇଥିଲା, କିନ୍ତୁ ବର୍ତ୍ତମାନ ଆଇପିଏଲ ଦଳରୁ ମଧ୍ୟ ତାଙ୍କୁ ରିଲିଜ୍ କରାଯାଇଛି । ଏହି ଖେଳାଳୀ ବହୁତ ଖରାପ ଫର୍ମ ସହିତ ସଂଘର୍ଷ କରୁଛନ୍ତି । କୋଲକାତା ନାଇଟ୍ ରାଇଡର୍ସ (KKR) ଟିମ୍ ଅଜିଙ୍କ୍ୟ ରାହାଣେ (Ajinkya Rahane) ଙ୍କୁ ରିଲିଜ୍ କରିଛି ।

ଗତଥର କୋଲକାତା ନାଇଟ୍ ରାଇଡର୍ସ ଅଜିଙ୍କ୍ୟ ରାହାଣେ (Ajinkya Rahane) ଙ୍କୁ ମୋଟା ଅଙ୍କର ଅର୍ଥ ଦେଇ ନିଜ କ୍ୟାମ୍ପରେ ସାମିଲ କରିଥିଲା । କିନ୍ତୁ ଅଜିଙ୍କ୍ୟ ରାହାଣେ (Ajinkya Rahane) ଆଶା ଅନୁରୂପ ପ୍ରଦର୍ଶନ  କରିପାରିନଥିଲେ । ସେ ତାଙ୍କ ପ୍ରଦର୍ଶନ ଦ୍ୱାରା ସମସ୍ତଙ୍କୁ ନିରାଶ କରିଥିଲେ । ଅଜିଙ୍କ୍ୟ ରାହାଣେ ଆଇପିଏଲ୍ ୨୦୨୨ର ୭ଟି ମ୍ୟାଚରେ ମାତ୍ର ୧୩୩ ରନ୍ ସ୍କୋର କରିଥିଲେ । ଏହି କାରଣରୁ କେକେଆର୍ ତାଙ୍କୁ ନିଜ ଦଳରୁ ବାହାର କରିଦେଇଛି । ଅଜିଙ୍କ୍ୟ ରାହାଣେ (Ajinkya Rahane) ୨୦୦୮ ମସିହାରେ ଆଇପିଏଲ (IPL) ରେ ଡେବ୍ୟୁ କରିଥିଲେ । ଏହା ପରେ ରାଜସ୍ଥାନ ରୟାଲ୍ସ (Rajasthan Royals) ପାଇଁ ଖେଳିବା ପରେ ସେ ଗୋଟିଏ କିମ୍ବା ଦୁଇଟି ସିଜନରେ ଭଲ ପ୍ରଦର୍ଶନ କରିଥିଲେ ।

କିନ୍ତୁ ଏହା ପରେ ଅଜିଙ୍କ୍ୟ ରାହାଣେଙ୍କ ବ୍ୟାଟର ଧାର କ୍ରମଶଃ କମିବାରେ ଲାଗିଲା । ତା’ପରେ ଅଜିଙ୍କ୍ୟ ରାହାଣେ ଦିଲ୍ଲୀ କ୍ୟାପିଟାଲ୍ସ (Delhi Capitals) କୁ ମଧ୍ୟ ଯାଇଥିଲେ । ପରେ ଅଜିଙ୍କ୍ୟ ରାହାଣେ କୋଲକାତା ନାଇଟ୍ ରାଇଡର୍ସ (Kolkata Knight Riders) ପାଇଁ ମଧ୍ୟ ଖେଳିଥିଲେ । କିନ୍ତୁ ସେ ତାଙ୍କ ଖେଳରେ ରଙ୍ଗ ଫିକା ପଡ଼ିବାରେ ଲାଗିଛି । ଅଜିଙ୍କ୍ୟ ରାହାଣେ  (Ajinkya Rahane) ଆଇପିଏଲର ୧୫୮ ମ୍ୟାଚରେ ୪,୦୭୪ ରନ୍ ସଂଗ୍ରହ କରିଛନ୍ତି । ଅଜିଙ୍କ୍ୟ ରାହାଣେ ଭାରତୀୟ ଟେଷ୍ଟ ଦଳରୁ ଆଉଟ୍ ହୋଇସାରିଛନ୍ତି । 

ଅଜିଙ୍କ୍ୟ ରାହାଣେ  (Ajinkya Rahane) ତାଙ୍କର ଶେଷ ମ୍ୟାଚ୍ ଦକ୍ଷିଣ ଆଫ୍ରିକା ବିପକ୍ଷରେ ଖେଳିଥିଲେ । ସେବେଠାରୁ ଅଜିଙ୍କ୍ୟ ରାହାଣେ ଦଳରେ ସୁଯୋଗ ପାଇବାକୁ ଚାହିଁ ବସିଛନ୍ତି । ଏଥି ସହିତ ଅଜିଙ୍କ୍ୟ ରାହାଣେ ଦୀର୍ଘ ଦିନ ଧରି ଏକଦିବସୀୟ (ODI) ଓ T20 ଦଳରୁ ଦୂରେଇ ଅଛନ୍ତି । ଭାରତୀୟ ଦଳ (Indian Cricket Team) ରେ ତାଙ୍କ ସ୍ଥାନରେ ଆଇପିଏଲ ଓ ଘରୋଇ କ୍ରିକେଟରେ ଭଲ ପ୍ରଦର୍ଶନ କରିଥିବା ଅନେକ ଯୁବ କ୍ରିକେଟରଙ୍କୁ  ନିଆଯାଇଛି । ଏଭଳି ପରିସ୍ଥିତିରେ ତାଙ୍କ ପ୍ରତ୍ୟାବର୍ତ୍ତନ ବହୁତ କଷ୍ଟସାଧ୍ୟ ମନେହୁଏ । ଅଜିଙ୍କ୍ୟ ରାହାଣେ ଭାରତୀୟ ଦଳ ପାଇଁ ତିନୋଟି ଫର୍ମାଟରେ କ୍ରିକେଟ୍ ଖେଳିଛନ୍ତି ।

ଅଧିକ ପଢ଼ନ୍ତୁ:-ପୋଲାଣ୍ଡ ଉପରେ ପଡ଼ିଲା ଋଷର ମିସାଇଲ, ୨ ମୃତ; ମସ୍କୋ ଉପରେ NATO କରିବ ଆକ୍ରମଣ?

ଅଧିକ ପଢ଼ନ୍ତୁ:-ଏପରି ପୁରୁଷଙ୍କୁ ଅଧିକ ପସନ୍ଦ କରନ୍ତି ମହିଳା

ଅଧିକ ପଢ଼ନ୍ତୁ:-ମଧୁମେହକୁ ସନ୍ତୁଳିତ କରେ ପିଜୁଳି ପତ୍ର, ଏସବୁ ରୋଗ ପାଇଁ ବି ହୋଇଥାଏ ରାମବାଣ

ଅଜିଙ୍କ୍ୟ ରାହାଣେ  (Ajinkya Rahane) ଭାରତ ପାଇଁ ୮୨ଟି ଟେଷ୍ଟ ମ୍ୟାଚରେ ୪,୯୩୧ ରନ୍ ସଂଗ୍ରହ କରିଛନ୍ତି । ଏଥି ସହିତ ଅଜିଙ୍କ୍ୟ ରାହାଣେ ୯୦ଟି ODI ରେ ୨,୯୬୨ ରନ୍ ସ୍କୋର କରିଛନ୍ତି । କିନ୍ତୁ ସେ ଭାରତ ପାଇଁ ମାତ୍ର ୨୦ଟି ଟି-20 ମ୍ୟାଚ୍ ଖେଳିଛନ୍ତି, ଯେଉଁଥିରେ ସେ ୩୭୫ ରନ୍ ସଂଗ୍ରହ କରିଛନ୍ତି । ବର୍ତ୍ତମାନ ଅଜିଙ୍କ୍ୟ ରାହାଣେଙ୍କୁ ୩୪ ବର୍ଷ ବୟସ ହୋଇଛି ଓ ତାଙ୍କ ବୟସର ପ୍ରଭାବ ମଧ୍ୟ ତାଙ୍କ ଫର୍ମରେ ଦେଖାଯାଉଛି ।