Virat Kohli: ଇଡେନ ଗାର୍ଡେନ୍ସରେ ବିରାଟ କୋହଲିଙ୍କ ଭୟଙ୍କର ରୂପ, ଅମ୍ପାୟାରଙ୍କୁ ଖୁବ୍ ଶୁଣାଇଲେ, ଦେଖନ୍ତୁ ଭିଡିଓ

Virat Kohli: ଇଡେନ୍ ଗାର୍ଡେନ୍ସରେ କୋଲକାତା ବିପକ୍ଷ ମ୍ୟାଚ୍‌ରେ ବିରାଟ କୋହଲି ଫୁଲ୍ ଟସ୍‌ ବଲ୍‌ରେ କ୍ୟାଚ୍ ଆଉଟ୍ ହୋଇ ପ୍ୟାଭିଲିୟନକୁ ଫେରିଥିଲେ, ତଥାପି ସେ ଅମ୍ପାୟାରଙ୍କ ନିଷ୍ପତ୍ତିରେ କ୍ରୋଧିତ ହୋଇଥିଲେ ଓ ବେଙ୍ଗାଲୁରୁର ପୂର୍ବତନ ଅଧିନାୟକ ପାଭିଲିୟନକୁ ଫେରିବାବେଳେ ଅମ୍ପାୟାରଙ୍କ ସହ ଯୁକ୍ତିତର୍କ କରୁଥିବା ଦେଖାଯାଇଥିଲା।

KKR Vs RCB: ଇଡେନ୍ ଗାର୍ଡେନ୍ସରେ କୋଲକାତା ନାଇଟ୍ ରାଇଡର୍ସ ବିପକ୍ଷରେ ଖେଳାଯାଇଥିବା ମ୍ୟାଚରେ ବିରାଟ କୋହଲି ପୂଲ୍ ଟସ୍ ବୋଲରେ ଆଉଟ୍ ହୋଇ ପାଭିଲିୟନକୁ ଫେରିଥିଲେ। ତେବେ ଅମ୍ପାୟାରଙ୍କ ନିଷ୍ପତ୍ତିକୁ ନେଇ ସେ ଅସନ୍ତୋଷ ବ୍ୟକ୍ତ କରିଥିଲେ ଓ ଦୀର୍ଘ ସମୟ ଧରି ଯୁକ୍ତିତର୍କ କରୁଥିବା ଦେଖାଯାଇଥିଲା। ବିରାଟ କୋହଲି କୋଲକାତା ବିପକ୍ଷରେ ବିସ୍ଫୋରକ ଆରମ୍ଭ କରିଥିଲେ। ରୟାଲ ଚ୍ୟାଲେଞ୍ଜରର୍ସ ବାଙ୍ଗାଲୋର ପ୍ରଥମ ଦୁଇଟି ଓଭରରେ କୌଣସି ୱିକେଟ୍ ହରାଇ ୨୭ ରନ ସ୍କୋର କରିଥିଲା ​​କିନ୍ତୁ ବିରାଟ କୋହଲିଙ୍କୁ ତୃତୀୟ ଓଭରର ପ୍ରଥମ ବଲରେ ପ୍ୟାଭିଲିୟନକୁ ଫେରିବାକୁ ପଡ଼ିଲା। ତାଙ୍କ ଆଉଟ୍ ନିଷ୍ପତ୍ତି ନେଇ ଅନେକ ବିବାଦ ଉପୁଜିଛି।

ପ୍ରଥମେ ବ୍ୟାଟିଂ କରି କୋଲକାତା ନାଇଟ୍ ରାଇଡର୍ସ ୨୦ ଓଭରରେ ୬ ୱିକେଟ୍ ହରାଇ ୨୨୨ ରନ୍ ସଂଗ୍ରହ କରିଥିଲେ। କୋଲକାତା ପାଇଁ କ୍ୟାପଟେନ୍ ଶ୍ରେୟସ୍ ଆୟର୍ ସର୍ବାଧିକ ୫୦ ରନ୍ ସଂଗ୍ରହ କରିଥିଲେ। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଇନିଂସର ତୃତୀୟ ଓଭରର ପ୍ରଥମ ବଲରେ ହର୍ଷିତ ରାଣା ବିରାଟ କୋହଲିଙ୍କୁ ଆଉଟ୍ କରିଥିଲେ। ପ୍ରଥମ ବଲରେ ହର୍ଷିତଙ୍କ ଏକ ମନ୍ଥର ଫୁଲ୍ ଟସ୍ ବୋଲ ପକାଇଥିଲେ, ଯାହାକୁ କ୍ରିଜ୍ ବାହାରେ ଖେଳୁଥିବା ବିରାଟ କୋହଲି ବୁଝିପାରିନଥିଲେ ଓ ବ୍ୟାଟ ଲଗାଇ ଦେଇଥିଲେ ଓ ହର୍ଷିତ୍ କ୍ୟାଚ୍ କରି ନେଇଥିଲେ।

Angry mode of Virat Kohli 
Third umpire
Third class umpire #RCBvsKKR #KKRvRCBpic.twitter.com/77zfzoA67w

— Wellu (@Wellutwt) April 21, 2024

ତେବେ ଫିଲ୍ଡ ଅମ୍ପାୟାରଙ୍କୁ ଦେଖିବା ପରେ ବିରାଟ ତୁରନ୍ତ ସମୀକ୍ଷା କରିବାକୁ ନିଷ୍ପତ୍ତି ନେଇଥିଲେ। ଏହା ପରେ ଅମ୍ପାୟାର ତାଙ୍କୁ କହିଥିଲେ ଯେ ସେ ନିଜେ ଏହାକୁ ଯାଞ୍ଚ କରିବାକୁ ଯାଉଛନ୍ତି। କିଛି ସମୟ ପରେ ତୃତୀୟ ଅମ୍ପାୟାର ଏହାକୁ ଏକ ସଠିକ୍ ବଲ୍ ଘୋଷଣା କରି କୋହଲିଙ୍କୁ ଆଉଟ୍ କରିଥିଲେ। ତେବେ ଅମ୍ପାୟାରଙ୍କ ନିଷ୍ପତ୍ତିରେ ବିରାଟ କୋହଲି ଓ ଫାଫ ଡୁ ପ୍ଲେସିସ୍ ଅସନ୍ତୁଷ୍ଟ ମନେ ହେଉଥିଲେ ଏବଂ ଅମ୍ପାୟାରଙ୍କ ସହ କ୍ରମାଗତ ଭାବରେ ଯୁକ୍ତିତର୍କ କରୁଥିବା ଦେଖିବାକୁ ମିଳିଥିଲା, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ତେବେ କ୍ରିକେଟ୍ ବିଶେଷଜ୍ଞଙ୍କ ଅନୁଯାୟୀ ବିରାଟ କୋହଲିଙ୍କୁ ଦିଆଯାଇଥିବା ଆଉଟ୍ ନିୟମ ଅନୁଯାୟୀ ସମ୍ପୂର୍ଣ୍ଣ ସଠିକ୍।

ବିରାଟ କୋହଲି କ୍ରିଜ ବାହାରେ ଠିଆ ହୋଇଥିଲେ ଓ ସ୍ଲୋ ଫୁଲ ଟସ୍ ବଲ ଯୋଗୁଁ ଏହା ତଳକୁ ଯାଉଥିଲା, ଯାହା ଅମ୍ପାୟାରଙ୍କ ପାଇଁ ନିଷ୍ପତ୍ତି ନେବାକୁ ସହଜ କରିଥିଲା। ଆଇପିଏଲ୍ ୨୦୨୪ ରେ, ବର୍ତ୍ତମାନ ଖେଳାଳିମାନଙ୍କର ଉଚ୍ଚତା ଓ ଅଣ୍ଟା ମାପ କରାଯାଉଛି, ଯେଉଁ କାରଣରୁ ଅମ୍ପାୟାରମାନେ ସ୍ମାର୍ଟ ରିଭ୍ୟୁ ସିଷ୍ଟମ ମାଧ୍ୟମରେ କମ୍ ସମୟ ମଧ୍ୟରେ ଖେଳାଳିଙ୍କୁ ଆଉଟ୍ କରିବାର ନିଷ୍ପତ୍ତି ନେଇପାରିବେ।