T20 World Cup 2022: ଟିମ୍ ଇଣ୍ଡିଆର ଭରସାରେ ପାକିସ୍ତାନର ସେମିଫାଇନାଲ ଟିକେଟ୍...ବାବର ବ୍ରିଗେଡକୁ ଡରାଉଛି ଏହି ଭୟାନକ ରେକର୍ଡ

T20 World Cup 2022: ଅଷ୍ଟ୍ରେଲିଆର ମେଲବର୍ଣ୍ଣରେ ଅନୁଷ୍ଠିତ ମ୍ୟାଚରେ ପାକିସ୍ତାନକୁ ଭାରତ ଚାରି ୱିକେଟ୍‌ରେ ପରାସ୍ତ କରିଥିଲା । ପାକିସ୍ତାନକୁ ବର୍ତ୍ତମାନ ଦକ୍ଷିଣ ଆଫ୍ରିକା, ନେଦରଲ୍ୟାଣ୍ଡ ଏବଂ ବାଂଲାଦେଶ ବିପକ୍ଷରେ ମ୍ୟାଚ୍ ଖେଳିବାର ଅଛି । ଯଦିଓ ପାକିସ୍ତାନ ଏହି ତିନୋଟି ମ୍ୟାଚ୍ ଜିତିବାରେ ସଫଳ ହୁଏ, ତେବେ ତା'ର ସେମିଫାଇନାଲ ଟିକେଟ୍ ନିଶ୍ଚିତ ହେବ ନାହିଁ ।

T20 World Cup 2022: ଟି-୨୦ ବିଶ୍ୱକପ ୨୦୨୨ରେ ସୁପର-12ର ଏକ ମ୍ୟାଚରେ ଜିମ୍ବାୱେ ବିପକ୍ଷରେ ପାକିସ୍ତାନକୁ ପରାଜୟ ସାମ୍ନା କରିବାକୁ ପଡ଼ିଛି । ଏହା ପାକିସ୍ତାନ ଦଳ ପାଇଁ ଲଗାତର ଦ୍ୱିତୀୟ ପରାଜୟ ଥିଲା । ଯାହା ପରେ ପାକିସ୍ତାନ ଦଳ ପାଇଁ ଆଗାମୀ ଯାତ୍ରା ଅତ୍ୟନ୍ତ କଷ୍ଟକର ହୋଇପଡିଛି । ଉଲ୍ଲେଖନୀୟ କଥା ହେଉଛି, ପ୍ରଥମ ମ୍ୟାଚରେ ମଧ୍ୟ ପାକିସ୍ତାନ ଦଳକୁ ଭାରତ ବିପକ୍ଷରେ ପରାଜୟର ସମ୍ମୁଖୀନ ହେବାକୁ ପଡ଼ିଥିଲା । ସେତେବେଳେ ଅଷ୍ଟ୍ରେଲିଆର ମେଲବର୍ଣ୍ଣରେ ଅନୁଷ୍ଠିତ ମ୍ୟାଚରେ ପାକିସ୍ତାନକୁ  ଭାରତ ଚାରି ୱିକେଟ୍‌ରେ ପରାସ୍ତ କରିଥିଲା । ପାକିସ୍ତାନକୁ ବର୍ତ୍ତମାନ ଦକ୍ଷିଣ ଆଫ୍ରିକା, ନେଦରଲ୍ୟାଣ୍ଡ ଏବଂ ବାଂଲାଦେଶ ବିପକ୍ଷରେ ମ୍ୟାଚ୍ ଖେଳିବାର ଅଛି । ଯଦିଓ ପାକିସ୍ତାନ ଏହି ତିନୋଟି ମ୍ୟାଚ୍ ଜିତିବାରେ ସଫଳ ହୁଏ, ତେବେ ତା'ର ସେମିଫାଇନାଲ ଟିକେଟ୍ ନିଶ୍ଚିତ ହେବ ନାହିଁ ।

ବାସ୍ତବରେ, ସମସ୍ତ ତିନୋଟି ମ୍ୟାଚ୍ ଜିତିବା ସହିତ ପାକିସ୍ତାନକୁ ମଧ୍ୟ ଆଶା ରଖିବାକୁ ପଡ଼ିବ ଯେ ଦକ୍ଷିଣ ଆଫ୍ରିକା କିମ୍ବା ଜିମ୍ବାୱେ ନିଜର ତିନିଟି ମ୍ୟାଚ୍ ମଧ୍ୟରୁ ଦୁଇଟିରେ ହାରି ଯାଉ । ଯଦି ଦକ୍ଷିଣ ଆଫ୍ରିକା କିମ୍ବା ଜିମ୍ବାୱେ ପ୍ରତ୍ୟେକ ୨-୨ଟି ମ୍ୟାଚ୍ ଜିତନ୍ତି, ତେବେ ପାକିସ୍ତାନ ଉଭୟଙ୍କୁ ପଛକୁ ପକାଇ ପାରିବ ନାହିଁ । କାରଣ ବାବର ବ୍ରିଗେଡ୍ ତିନିଟି ମ୍ୟାଚ୍ ଜିତିବା ପରେ ୬ ପଏଣ୍ଟରେ ପହଞ୍ଚିପାରିବ । ଏଭଳି ପରିସ୍ଥିତିରେ ପାକିସ୍ତାନୀ ପ୍ରଶଂସକମାନେ ଚାହୁଁଛନ୍ତି ଯେ ଭାରତ ଅକ୍ଟୋବର ୩୦ରେ ଦକ୍ଷିଣ ଆଫ୍ରିକାକୁ ପରାସ୍ତ କରୁ । ଯଦି ଦକ୍ଷିଣ ଆଫ୍ରିକାକୁ ଭାରତ ହରାଇବ, ତେବେ ପାକିସ୍ତାନର ଆଶା ବଢ଼ିପାରେ ।

ଯେଉଁଠାରେ ଦକ୍ଷିଣ ଆଫ୍ରିକା ଦଳକୁ ବର୍ତ୍ତମାନ ଭାରତ, ପାକିସ୍ଥାନ ଏବଂ ନେଦରଲ୍ୟାଣ୍ଡ ବିପକ୍ଷରେ ମ୍ୟାଚ୍ ଖେଳିବାର ବାକି ଅଛି । ଅନ୍ୟପକ୍ଷରେ ଜିମ୍ବାୱେକୁ ଭାରତ, ନେଦରଲ୍ୟାଣ୍ଡ ଏବଂ ବାଂଲାଦେଶର ସାମ୍ନା କରିବାକୁ ପଡ଼ିବ । ଏଭଳି ପରିସ୍ଥିତିରେ ପାକିସ୍ତାନ ଚାହିଁବ ଯେ ଦକ୍ଷିଣ ଆଫ୍ରିକା ଓ ଜିମ୍ବାୱେ ଉଭୟ ୨-୨ଟି ମ୍ୟାଚ୍ ହାରି ଯାଉ । ଯଦିଓ ଏସବୁ ସହଜ ରହିବ ନାହିଁ । ଗତ ବର୍ଷକୁ ଦେଖିବା ତ ଟି-20 ବିଶ୍ୱକପରେ ଭାରତର ମଧ୍ୟ ସମାନ ପରିସ୍ଥିତିରେ ଥିଲା । ଲଗାତାର ତିନିଟି ମ୍ୟାଚରେ ବିଜୟ ହାସଲ କରିବା ପରେ ମଧ୍ୟ ସେମିଫାଇନାଲରେ ଦଳ ପ୍ରବେଶ କରିପାରି ନଥିଲା ।

ଅଧିକ ପଢ଼ନ୍ତୁ:-ଆଚ୍ଛା! ତେବେ ଏ ହେଉଛନ୍ତି RP, ଉର୍ବଶୀ ରୌତେଲା କଲେ ଖୁଲାସା! ପନ୍ତ ନୁହେଁ, ଏହି ବ୍ୟକ୍ତିଙ୍କ ବିଷୟରେ କହୁଥିଲେ ଅଭିନେତ୍ରୀ

ଅଧିକ ପଢ଼ନ୍ତୁ:-ସକାଳର ଜଳଖିଆରେ ଖାଉଛନ୍ତି କି ହ୍ୱାଇଟ୍ ବ୍ରେଡ୍, ତେବେ ହୋଇଯାଆନ୍ତୁ ସାବଧାନ; ଆପଣଙ୍କ ସ୍ୱାସ୍ଥ୍ୟରେ ହୋଇପାରେ ଏସବୁ କ୍ଷତି​

ଏହି ସମସ୍ତ ସମୀକରଣ କେବଳ ସେତେବେଳେ ଫିଟ୍ ହେବ ଯେତେବେଳେ ପାକିସ୍ତାନ ଦଳ ନିଜର ତିନୋଟି ମ୍ୟାଚ୍ ଜିତିବ । ଇତିହାସ ସାକ୍ଷୀ ଯେ ପାକିସ୍ତାନୀ ଦଳ ଆଜି ପର୍ଯ୍ୟନ୍ତ ଅଷ୍ଟ୍ରେଲିଆ ମାଟିରେ ଗୋଟିଏ ବି ଟି-20 ଅନ୍ତର୍ଜାତୀୟ ମ୍ୟାଚ୍ ଜିତି ପାରିନାହିଁ । ପାକିସ୍ତାନ ଏପର୍ଯ୍ୟନ୍ତ ଅଷ୍ଟ୍ରେଲିଆରେ ୬ଟି ଟି -20 ଅନ୍ତର୍ଜାତୀୟ ମ୍ୟାଚ୍ ଖେଳିଛି, ସେଥିମଧ୍ୟରୁ ଦଳ ପାଞ୍ଚଟି ହାରିଥିବା ବେଳେ ଗୋଟିଏ ମ୍ୟାଚର ଫଳାଫଳ ଆସିନାହିଁ । ଏହି ସମୟ ମଧ୍ୟରେ ପାକିସ୍ତାନ ଆୟୋଜକ ଅଷ୍ଟ୍ରେଲିଆ, ଭାରତ ଏବଂ ଜିମ୍ବାୱେ ବିପକ୍ଷରେ ଟି -20 ମ୍ୟାଚ୍ ଖେଳିଛି । ଏହା ସ୍ପଷ୍ଟ ଭାବରେ ଦର୍ଶାଉଛି ଯେ ଭାଗ୍ୟ ସହିତ ପାକିସ୍ତାନକୁ ମଧ୍ୟ ନିଜର ପ୍ରଦର୍ଶନକୁ ସୁଧାର କରିବା ଆବଶ୍ୟକ ।

କ୍ୟାପଟେନ ବାବର ଆଜମ ଓ ମହମ୍ମଦ ରିଜୱାନ ପାକିସ୍ତାନ ଦଳର ବ୍ୟାଟିଂର ଗୁରୁତ୍ୱପୂର୍ଣ୍ଣ ଅଂଶ । କିନ୍ତୁ ଭାରତ ଓ ଜିମ୍ବାୱେ ବିପକ୍ଷ ମ୍ୟାଚରେ ଉଭୟ ଷ୍ଟାର ଖେଳାଳି ଫ୍ଲପ୍ ହୋଇଥିଲେ । ଯଦି ଆମେ ବର୍ତ୍ତମାନର ରେକର୍ଡକୁ ଦେଖିବା, ଯେଉଁ ମ୍ୟାଚରେ ବାବର ଓ ରିଜୱାନଙ୍କ ବ୍ୟାଟ୍ ଚାଲି ନାହିଁ, ସେହି ମ୍ୟାଚରେ ପାକିସ୍ତାନ ଦଳ ସଂଘର୍ଷ କରୁଥିବା ଦେଖିବାକୁ ମିଳିଥିଲା ।