Top 10 News Today Headlines: ଚୁଟକିରେ ପଢି ନିଅନ୍ତୁ ବର୍ତ୍ତମାନ ୧୦ ବଡ଼ ଖବର

Top 10 News Today Headlines: ଚୁଟକିରେ ପଢିନିଅନ୍ତୁ ବର୍ତ୍ତମାନର ୧୦ଟି ବଡ଼ ଖବର

1. ଶପଥ ନେଲେ ନୂଆ ରାଜ୍ୟପାଳ: ଓଡ଼ିଶାର ୨୬ତମ ରାଜ୍ୟପାଳ ଭାବେ ଆଜି ଶପଥ ନେଇଛନ୍ତି ରଘୁବର ଦାସ। ଓଡ଼ିଶାର ନୂଆ ରାଜ୍ୟପାଳ ଭାବେ ଶପଥ ନେଇଛନ୍ତି ରଘୁବର ଦାସ। କିଛି ସମୟ ତଳେ ରାଜଭବନରେ ତାଙ୍କୁ ଶପଥ କରାଇଛନ୍ତି ହାଇକୋର୍ଟର ମୁଖ୍ୟ ବିଚାରପତି। ରଘୁବର ପଦ ଓ ଗୋପନୀୟତାର ଶପଥ ନେଇଛନ୍ତି। ଶପଥ ଗ୍ରହଣ ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ଅନ୍ୟ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।  । ଶପଥ ଗ୍ରହଣ ପରେ ନୂଆ ରାଜ୍ୟପାଳଙ୍କୁ ଗାର୍ଡ ଅଫ୍ ଅନର୍‌ ପ୍ରଦାନ କରାଯାଇଛି । 

2. ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ: ଆଜି ୨୬ତମ ରାଜ୍ୟପାଳ ଭାବେ ଶପଥ ନେଇଛନ୍ତି ରଘୁବର ଦାସ। ଶପଥ ନେବା ପରେ ନବନିଯୁକ୍ତ ରାଜ୍ୟପାଳ ରଘୁବର ଦାସଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏହା ସହିତ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ତାଙ୍କୁ ଶୁଭେଚ୍ଛା ଜ୍ଞାପନ କରିଥିଲେ। ତେବେ ଶପଥ ନେବା ପୂର୍ବରୁ ରାଜ୍ୟପାଳ ଶ୍ରୀ ଦାସ ଲିଙ୍ଗରାଜ ମନ୍ଦିର ଯାଇ ମହାଦେବଙ୍କ ଦର୍ଶନ କରିଥିଲେ। ଗତକାଲି ବଡ଼ି ସକାଳୁ ପୁରୀରେ ପହଞ୍ଚିବା ସହିତ ମହାପ୍ରଭୁଙ୍କୁ ଦର୍ଶନ କରି ଭୁବନେଶ୍ୱର ପ୍ରତ୍ୟାବର୍ତ୍ତନ କରିଥିଲେ। 

3. ହାଜର ହେଲେନି ପ୍ରତାପ : ମାହାଙ୍ଗା ଡବଲ ମର୍ଡର ମାମଲାରେ କୋର୍ଟଙ୍କ ସମନ ସତ୍ତ୍ୱେ ଆଜି ହାଜର ହେଲେନି ବିଧାୟକ ପ୍ରତାପ ଜେନା। ଅସୁସ୍ଥତା ହେତୁ ହାଜର ହୋଇ ପାରୁ ନ ଥିବା ବେଳେ ବ୍ୟକ୍ତିଗତ ହାଜର ହେବାରୁ ବି ବାଦ୍‌ ଦେବାକୁ ସେ କୋର୍ଟଙ୍କ ନିକଟରେ ଗୁହାରି କରିଛନ୍ତି। ମାତ୍ର ଏହାକୁ କାଉଣ୍ଟର କରି ଅପରପକ୍ଷ ପ୍ରତାପ ଜେନାଙ୍କ ଏହି ଆବେଦନକୁ ଖାରଜ କରିବାକୁ ଆବେଦନ କରିଛନ୍ତି। ବ୍ୟକ୍ତିଗତ ଭାବେ ଆଜି ହାଜର ହେବାକୁ ବିଧାୟକ ପ୍ରତାପ ଜେନାଙ୍କୁ ସାଲେପୁର ଜେଏମଏଫସିଙ୍କ ନୋଟିସ ସତ୍ତ୍ୱେ ସେ ଆଜି ହାଜର ହୋଇ ନ ଥିଲେ।ମାତ୍ର ଆଇପିସି ୨୦୫ ଧାରାରେ ବ୍ୟକ୍ତିଗତ ହାଜିରାକୁ ବାଦ ଦେବାକୁ ନିଜ ଓକିଲଙ୍କ ଜରିଆରେ ସେ ଆବେଦନ କରିଛନ୍ତି।  

4. ଓଲଟିଲା ଯବାନଙ୍କ ବସ: ଯବାନଙ୍କୁ ନେଇ ଯାଉଥିବା ବସ୍‌ ଭାରସାମ୍ୟ ହରାଇ ଓଲଟି ପଡ଼ିଲା। ଏହି ଦୁର୍ଘଟଣାରେ ୩୮ ଯବାନ ଆହତ ହୋଇଥିବା ବେଳେ ୯ ଜଣ ଗୁରୁତର ହୋଇଛନ୍ତି। ଏପରି ଏକ ମର୍ମନ୍ତୁଦ ଦୁର୍ଘଟଣା ଗତରାତିରେ ଗୁଜରାଟର ପଞ୍ଚମହଲ ଜିଲ୍ଲାରେ ଘଟିଛି। ଆହତ ସମସ୍ତ ଯବାନ ଷ୍ଟେଟ ରିଜର୍ଭ ପୁଲିସର ବୋଲି ସୂଚନା ମିଳିଛି।

5. ଫୋନ ହ୍ୟାକିଂ ମାମଲାକୁ ନେଇ ବିରୋଧୀଙ୍କ ଅଭିଯୋଗ, ସରକାରଙ୍କ ସ୍ପଷ୍ଟିକରଣ: ଆପଲ୍ କମ୍ପାନୀ ଦ୍ୱାରା ଫୋନ୍ ହ୍ୟାକିଂ ଆଲର୍ଟ ଦାବି ମଧ୍ୟରେ କେନ୍ଦ୍ର ଯୋଗାଯୋଗ, ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ସରକାର ଏହି ପ୍ରସଙ୍ଗରେ ଚିନ୍ତିତ ଅଛନ୍ତି ଏବଂ ଏହାର ତଳ ଭାଗକୁ ଯିବେ। ଦେଶରେ କିଛି ବାଧ୍ୟତାମୂଳକ ସମାଲୋଚକ ଅଛନ୍ତି। ଏହି ଲୋକମାନେ ଦେଶର ବିକାଶ ଦେଖିପାରିବେ ନାହିଁ। କାରଣ ଯେତେବେଳେ ତାଙ୍କ ପରିବାର କ୍ଷମତାରେ ଥିଲେ ସେମାନେ କେବଳ ନିଜ ବିଷୟରେ ଚିନ୍ତା କରୁଥିଲେ। ୧୫୦ଟି ଦେଶର ବିଭିନ୍ନ ଲୋକ ଆପଲ୍ ଦ୍ୱାରା ଫୋନ୍ ହ୍ୟାକିଂ ବିଷୟରେ ସତର୍କ ସୂଚନା ପାଇଛନ୍ତି।

6. ଗିରଫ ହେବେ କେଜ୍ରିଓ୍ୱାଲ: ଦିଲ୍ଲୀର ଏକସାଇଜ ସ୍କାମରେ ହୋଇଥିବା ଆର୍ଥିକ ହେରଫେର ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡ଼ି) ସମନ ଜାରି କରିଛି। ଏହା ସହିତ ତାଙ୍କୁ ହାଜର ହେବାପାଇଁ ମଧ୍ୟ କୁହାଯାଇଛି। ସେପଟେ ଆପର ମନ୍ତ୍ରୀ ଥିବା ଆତିଶି ମାର୍ଲେନା କହିଛନ୍ତି କି ମୁଖ୍ୟମନ୍ତ୍ରୀଙ୍କୁ ଆସନ୍ତା ୨ ତାରିଖରେ ତାଙ୍କୁ ଗିରଫ କରିପାରେ ଇଡ଼ି। ଏହା ସହିତ ସେ ଆହୁରି ମଧ୍ୟ କହିଛନ୍ତି କି ବିଜେପି ଏହି କୌଶଳ ବ୍ୟବହାର କରି AAP କୁ ଟାର୍ଗେଟ କରୁଛି କାରଣ ଏହା ଜାଣେ ଯେ ନିର୍ବାଚନରେ ​​କେଜ୍ରିୱାଲଙ୍କୁ ପରାସ୍ତ କରାଯାଇପାରିବ ନାହିଁ। ସେ କହିଛନ୍ତି, '୨ ନଭେମ୍ବରରେ କେଜ୍ରିୱାଲଙ୍କୁ ଗିରଫ କରାଯିବ ବୋଲି ଖବର ରହିଛି। ଯଦି ତାଙ୍କୁ ଗିରଫ କରାଯାଏ, ତେବେ ଏହା ପଛର କାରଣ ଦୁର୍ନୀତି (ଅଭିଯୋଗ) ନୁହେଁ ବରଂ ବିଜେପି ବିରୋଧରେ କହିବାର କାରଣ ହେବ ବୋଲି ଆତିଶି କହିଛନ୍ତି। 

7. ନିର୍ବାଚନ ବଣ୍ଡ ବବାଦରେ ସୁପ୍ରିମକୋର୍ଟରେ ଶୁଣାଣି: ଇଲେକ୍ଟୋରାଲ୍‍ ବଣ୍ଡକୁ ଚ୍ୟାଲେଞ୍ଜ କରି ଦାୟର ମାମଲାର ଆଜି ଶୁଣାଣି ହେବ। ସୁପ୍ରିମକୋର୍ଟ ଏନେଇ ଦିନ ଧାର୍ଯ୍ୟ କରିଛନ୍ତି। ମୁଖ୍ୟ ବିଚାରପତି ଡିଓ୍ୱାଇ ଚନ୍ଦ୍ରଚୂଡ଼ଙ୍କ ସମେତ ଏକ ୫ ଜଣିଆ ଖଣ୍ଡପୀଠ ଏହି ଶୁଣାଣି କରିବେ। ୨୦୧୭ରେ ଏହି ବଣ୍ଡ ଘୋଷଣା କରାଯାଇଥିଲା।  

8. ‘ସୂଚନାଧିକାର ଆଇନ ଏକ ମୃତ ଚିଠି’: ବିଭିନ୍ନ ରାଜ୍ୟ ଓ କେନ୍ଦ୍ରରେ ସୂଚନାଆୟୁକ୍ତଙ୍କ ପଦବୀ ଖାଲିପଡ଼ିବା ଘଟଣାକୁ ନେଇ ଉଦ୍‍ବେଗ ପ୍ରକାଶ କରିଛନ୍ତି ସୁପ୍ରିମ୍‍କୋର୍ଟ। ଏହି ପରିସ୍ଥିତି ‘ସୂଚନାଧିକାର ଆଇନକୁ ଏକ ମୃତ ଚିଠି’ରେ ପରିଣତ କରିବ ବୋଲି କହିଛନ୍ତି ସୁପ୍ରିମ୍‍କୋର୍ଟ। ଏ ସଂକ୍ରାନ୍ତରେ ଏକ ମାମଲାରୁ ଶୁଣାଣି କରି କୋର୍ଟ ସରକାରଙ୍କୁ ଖାଲି ପଦବୀ ପୂରଣ ପାଇଁ ତାଗିଦ କରିଛନ୍ତି। ଏବେ କେନ୍ଦ୍ରୀୟ ଆୟୁକ୍ତଙ୍କ ପାଖରେ ୧୧ଟି ପଦବୀ ଖାଲି ପଡ଼ିଥିବା ବେଳେ ବିଭିନ୍ନ ରାଜ୍ୟରେ ମଧ୍ୟ ସମାନ ଅବସ୍ଥା ସୃଷ୍ଟି ହୋଇଛି।  

9. ବାଘୁଣୀ ମନୋନୀତ: ୧୭ତମ ଭାରତ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ପ୍ରଦର୍ଶିତ ହେବ ଓଡ଼ିଆ ଚଳଚ୍ଚିତ୍ର ‘ବାଘୁଣୀ’। ୧୧ଟି ଦେଶରୁ ଆସିଥିବା ୨୦ଟି ଚଳଚ୍ଚିତ୍ରରେ ସ୍ଥାନ ପାଇଛି ଏହି ଫିଲ୍ମ। ନ୍ୟାସନାଲ୍‍ ଫିଲ୍ମ ଡେଭେଲ୍ପମେଣ୍ଟ କର୍ପୋରେସନ୍‍ ପକ୍ଷରୁ ଏହି ଫିଲ୍ମକୁ ମନୋନୀତ କରାଯାଇଥିବା ସୂଚନା ମିଳିଛି। ଏହି ଚଳଚ୍ଚିତ୍ରକୁ ଜିତେନ୍ଦ୍ର ମିଶ୍ର ନିର୍ଦ୍ଦେଶନା ଦେଇଥିବା ବେଳେ ପାର୍ଥସାରଥୀ ପଣ୍ଡା ଏହାର ପ୍ରଯୋଜକ ଭୂମିକା ନିର୍ବାହ କରିଛନ୍ତି।  

10. ବାଂଲାଦେଶ ବନାମ ପାକିସ୍ତାନ: ଚଳିତ ବିଶ୍ୱକପର ୩୧ତମ ମ୍ୟାଚରେ ବାଂଲାଦେଶ ଓ ପାକିସ୍ତାନ ମୁହାଁମୁହିଁ ହୋଇଛନ୍ତି। କଲିକତାର ଇଡେନ ଗାର୍ଡେନରେ ଖେଳାଯାଉଥିବା ଏହି ମ୍ୟାଚରେ ଟସ ଜିତି ବାଂଲାଦେଶ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା। ରିପୋର୍ଟ ଲେଖାଯିବା ସୁଦ୍ଧା ବାଂଲାଦେଶ ପ୍ରଥମେ ବ୍ୟାଟିଂ କରି ୨୩ ଓଭରରେ ୪ଟି ଓ୍ୱିକେଟ ବିନିମୟରେ ୧୦୪ ରନରେ ଖେଳ ଜାରି ରଖିଛି। ମହମ୍ମଦୁଲ୍ଲାହ ୪୮ ଓ ଶାକିବ ଅଲହାସନ ୧ ରନରେ ଖେଳ ଜାରି ରଖିଛନ୍ତି। ଲିଟନ ଦାସ ୪୫ ରନ କରି ଆଉଟ ହୋଇଥିବା ବେଳେ ଅନ୍ୟ ବ୍ୟାଟସମ୍ୟାନ ମାନେ ସେଭଳି ଆଖିଦୃଶିଆ ପ୍ରଦର୍ଶନ କରିପାରିନାହାନ୍ତି।