EPFO Interest Money: ମାର୍ଚ୍ଚ ହେଲାଣି, କିନ୍ତୁ ଆସିନି PF ଟଙ୍କା! କେବେ ମିଳିବ ସୁଧ? EPFO ଦେଲା ଜବାବ

EPFO Interest Money: କର୍ମଚାରୀ ଭବିଷ୍ୟତ ନିଧି ସଂଗଠନ ବା EPFO ଆକାଉଣ୍ଟଧାରୀମାନଙ୍କୁ ବାରମ୍ବାର କହିଛି ଯେ, ସେ ସୁଧ ପଠାଇବା ପ୍ରକ୍ରିୟାରେ ଅଛି । ୨୦୨୧-୨୨ ଆର୍ଥିକ ବର୍ଷ ପାଇଁ PF ଆକାଉଣ୍ଟରେ ୮.୧ ପ୍ରତିଶତ ହାରରେ ସୁଧ ଦେବାକୁ ନିଷ୍ପତ୍ତି ନିଆଯାଇଥିଲା । କିନ୍ତୁ ଏହା ଏପର୍ଯ୍ୟନ୍ତ କର୍ମଚାରୀଙ୍କ PF ଖାତାରେ ଆସିନାହିଁ । ଅନେକ ଆକାଉଣ୍ଟଧାରୀ ସୋସିଆଲ ମିଡିଆରେ ଇପିଏଫଓରେ ଅଭିଯୋଗ କରିଛନ୍ତି । ବର୍ତ୍ତମାନ EPFO ​​ମଧ୍ୟ ଏହି ବିଷୟରେ ଜବାବ ଦେଇଛି ।

EPFO Interest Money: କୋଟି କୋଟି PF ଆକାଉଣ୍ଟଧାରୀ କର୍ମଚାରୀ ଭବିଷ୍ୟତ ନିଧି ସଂଗଠନ (EPFO)ର  ସୁଧକୁ ଅପେକ୍ଷା କରିଛନ୍ତି । ଆର୍ଥିକ ବର୍ଷ ୨୦୨୨-୨୩ (FY2022-23) ଶେଷ ହେବାକୁ ଯାଉଛି । ନୂତନ ଆର୍ଥିକ ବର୍ଷ ୨୦୨୩-୨୪ (FY2023-24) ଆରମ୍ଭ ହେବାକୁ ଯାଉଛି । ମାର୍ଚ୍ଚ ଆସିଛି ଓ ବର୍ତ୍ତମାନ ପର୍ଯ୍ୟନ୍ତ PF ସୁଧ ଟଙ୍କା ଆକାଉଣ୍ଟଧାରୀଙ୍କ ଆକାଉଣ୍ଟରେ ଆସିନାହିଁ । କର୍ମଚାରୀ ଭବିଷ୍ୟତ ନିଧି ସଂଗଠନ (EPFO) ଆକାଉଣ୍ଟଧାରୀମାନଙ୍କୁ ବାରମ୍ବାର କହିଛି ଯେ, ସେ ସୁଧ ପଠାଇବା ପ୍ରକ୍ରିୟାରେ ଅଛି । ୨୦୨୧-୨୨ ଆର୍ଥିକ ବର୍ଷ ପାଇଁ PF ଆକାଉଣ୍ଟରେ ୮.୧ ପ୍ରତିଶତ ହାରରେ ସୁଧ ଦେବାକୁ ନିଷ୍ପତ୍ତି ନିଆଯାଇଥିଲା । କିନ୍ତୁ ଏହା ଏପର୍ଯ୍ୟନ୍ତ କର୍ମଚାରୀଙ୍କ PF ଖାତାରେ ଆସିନାହିଁ । ଅନେକ ଆକାଉଣ୍ଟଧାରୀ ସୋସିଆଲ ମିଡିଆରେ ଇପିଏଫଓରେ ଅଭିଯୋଗ କରିଛନ୍ତି । ବର୍ତ୍ତମାନ EPFO ​​ମଧ୍ୟ ଏହି ବିଷୟରେ ଜବାବ ଦେଇଛି ।

EPFO ନିଜରର ଟ୍ୱିଟର ଆକାଉଣ୍ଟରେ ଲେଖିଛି ଯେ, ପ୍ରିୟ ସଦସ୍ୟ, ସୁଧ ଦେବାର ପ୍ରକ୍ରିୟା ଜାରି ରହିଛି ଏବଂ ଶୀଘ୍ର ଏହା ଆପଣଙ୍କ ଆକାଉଣ୍ଟରେ ଆସିଯିବ । ସୁଧ ରାଶି ପୂର୍ଣ୍ଣ ଭାବରେ ପ୍ରଦାନ କରାଯିବ ଓ ସୁଧର କୌଣସି କ୍ଷତି ହେବ ନାହିଁ ।

Dear member, the process of crediting interest is ongoing and it will get reflected in your account soon. Whenever the interest is credited, it will be paid in full. There will be no loss of interest.

— EPFO (@socialepfo) March 3, 2023

ଆପଣଙ୍କୁ କହି ରଖୁଛୁ ଯେ, ଗତ ୪ ଦଶନ୍ଧି ମଧ୍ୟରେ ଏହା ସର୍ବନିମ୍ନ ସୁଧ ହାର (EPFO Interest Rate) ଅଟେ । ଡିସେମ୍ବର ୨୦୨୨ରେ EPFO ୧୪.୯୩ ଲକ୍ଷ ନୂତନ ସଦସ୍ୟଙ୍କୁ ଯୋଡିଛି । ଏକ ବର୍ଷ ପୂର୍ବେ ସମାନ ଅବଧି ତୁଳନାରେ ଏହା ଦୁଇ ପ୍ରତିଶତ ଅଧିକ । ଶ୍ରମ ମନ୍ତ୍ରଣାଳୟ ଏହି ସୂଚନା ଦେଇଛି । EPFO ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଡିସେମ୍ବର ୨୦୨୨ରେ ସଦସ୍ୟଙ୍କ ସଂଖ୍ୟା ୧୪.୯୩ ଲକ୍ଷ ବୃଦ୍ଧି ପାଇଛି । ମନ୍ତ୍ରଣାଳୟ କହିଛି ଯେ, ଯଦି ଗତ ବର୍ଷ ସମାନ ମାସ ତୁଳନା କରାଯାଏ ତେବେ ଡିସେମ୍ବର ୨୦୨୨ରେ ଗତ ବର୍ଷ ସମାନ ମାସ ତୁଳନାରେ ସଦସ୍ୟଙ୍କ ସଂଖ୍ୟା ୩୨,୬୩୫ ଅଧିକ ବୃଦ୍ଧି ପାଇଛି । ଶ୍ରମ ମନ୍ତ୍ରଣାଳୟ କର୍ମଚାରୀଙ୍କ ରାଜ୍ୟ ବୀମା ନିଗମ (ESIC) ର ବେତନ ତଥ୍ୟ ମଧ୍ୟ ପ୍ରକାଶ କରିଛି । ଏହା ଦର୍ଶାଏ ଯେ ଡିସେମ୍ବର ୨୦୨୨ରେ ୧୮.୦୩ ଲକ୍ଷ ନୂତନ କର୍ମଚାରୀ ESIC ସହିତ ଯୋଡ଼ିଛନ୍ତି ।

ଅଧିକ ପଢ଼ନ୍ତୁ:-କେନ୍ଦ୍ର କର୍ମଚାରୀଙ୍କ ପାଇଁ ବଡ଼ ଖୁସି ଖବର, ମୋଦି ସରକାର ଲାଗୁ କଲେ ପୁରୁଣା ପେନସନ ଯୋଜନା!

ଅଧିକ ପଢ଼ନ୍ତୁ:-ଏସବୁ ରାଶିଙ୍କ ଉପରେ ଅଛି ଶନିଙ୍କ ଛାୟା! ୨୦୨୫ ପର୍ଯ୍ୟନ୍ତ ରହିଛି ବିପଦ, ଜାଣନ୍ତୁ ଏହାକୁ ଏଡାଇବା ପାଇଁ ନିଶ୍ଚିତ ଉପାୟ

ଅଧିକ ପଢ଼ନ୍ତୁ:-ରଙ୍ଗେଇଲୁଣ୍ଡା ଓ ଭୁବନେଶ୍ୱର ମଧ୍ୟରେ ଉଡ଼ିବ ବିମାନ, ଏହି ଦିନରୁ ଆରମ୍ଭ ହେବ ସେବା

ଯଦି ବାର୍ଷିକ ଭିତ୍ତିରେ ତୁଳନା କରାଯାଏ, ଡିସେମ୍ବର ୨୦୨୧ ତୁଳନାରେ ଡିସେମ୍ବର ୨୦୨୨ ରେ ESI ଯୋଜନାରେ ଯୋଗଦାନ କରୁଥିବା କର୍ମଚାରୀଙ୍କ ସଂଖ୍ୟା ୧୪.୫୨ ଲକ୍ଷ ଅଧିକ ହୋଇଥିବା ଜଣାପଡିଛି । ଡିସେମ୍ବର ୨୦୨୨ରେ EPFO ​​ଦ୍ୱାରା ଯୋଡ଼ି ହୋଇଥିବା ୧୪.୯୩ ଲକ୍ଷ ନୂତନ ସଦସ୍ୟଙ୍କ ମଧ୍ୟରୁ ୮.୦୨ ଲକ୍ଷ ପ୍ରଥମ ଥର ପାଇଁ ଏହି ସାମାଜିକ ସୁରକ୍ଷା ଅଧୀନରେ ଆସିଛନ୍ତି । ସର୍ବାଧିକ ୨.୩୯ ଲକ୍ଷ ନୂତନ ଭାବେ ଯୋଡ଼ି ହୋଇଥିବା ସଦସ୍ୟ ୧୮ ରୁ ୨୧ ବର୍ଷ ବୟସ ବର୍ଗରେ ଅଛନ୍ତି । ୨୨ରୁ ୨୫ ବର୍ଷ ବୟସ ବର୍ଗରେ ୨.୦୮ ଲକ୍ଷ ନୂତନ ସଦସ୍ୟ ଯୋଡ଼ି ହୋଇଛନ୍ତି । ମୋଟ ନୂତନ ସଦସ୍ୟଙ୍କ ମଧ୍ୟରୁ ୫୫.୬୪ ପ୍ରତିଶତ ୧୮ରୁ ୨୫ ବର୍ଷ ବୟସ ବର୍ଗରେ ଅଛନ୍ତି ।