Subramanian Swamy: ଦିଲ୍ଲୀ ହାଇକୋର୍ଟରେ ମୋଦି ସରକାରଙ୍କ ବିରୋଧରେ ପିଟିସନ ଦାଖଲ କଲେ ବିଜେପି ନେତା, ଜାଣନ୍ତୁ କ'ଣ ରହିଛି ମାମଲା

Subramanian Swamy: ସୁବ୍ରମଣ୍ୟମ ସ୍ୱାମୀ କହିଛନ୍ତି ଯେ, କେନ୍ଦ୍ର ସରକାର ତାଙ୍କ ବ୍ୟକ୍ତିଗତ ବାସଭବନରେ ପର୍ଯ୍ୟାପ୍ତ ସୁରକ୍ଷା ଯୋଗାଇ ଦେଉନାହାଁନ୍ତି । ଏଥିରୁ ତାଙ୍କ ସୁରକ୍ଷା ବ୍ୟବସ୍ଥା ପ୍ରତି ବିପଦ ରହିଛି । ଅକ୍ଟୋବର ୩୧ ଅର୍ଥାତ ସୋମବାର ଶୁଣାଣି ପାଇଁ ହାଇକୋର୍ଟ ଏହି ମାମଲାକୁ ତାଲିକାଭୁକ୍ତ କରିଛନ୍ତି ।

Subramanian Swamy: ଭାରତୀୟ ଜନତା ପାର୍ଟିର ପୂର୍ବତନ ରାଜ୍ୟସଭା ସାଂସଦ ସୁବ୍ରମଣ୍ୟମ ସ୍ୱାମୀ ନିଜ ସରକାର ବିରୋଧରେ କୋର୍ଟ ପହଞ୍ଚିଛନ୍ତି । ସୁବ୍ରମଣ୍ୟମ ସ୍ୱାମୀ ନିଜ ସୁରକ୍ଷା ବ୍ୟବସ୍ଥାକୁ ନେଇ ମୋଦି ସରକାରଙ୍କ ବିରୋଧରେ ଲଢ଼େଇ ଆରମ୍ଭ କରିଛନ୍ତି । ସୁବ୍ରମଣ୍ୟମ ସ୍ୱାମୀ ଦିଲ୍ଲୀ ହାଇକୋର୍ଟରେ ଏକ ପିଟିସନ ଦାଖଲ କରି କେନ୍ଦ୍ର ବିରୋଧରେ ଆଦେଶ ଦେବା ପାଇଁ ଆବେଦନ କରିଛନ୍ତି । ସ୍ୱାମୀ କହିଛନ୍ତି ଯେ, କେନ୍ଦ୍ର ସରକାର ତାଙ୍କ ବ୍ୟକ୍ତିଗତ ବାସଭବନରେ ପର୍ଯ୍ୟାପ୍ତ ସୁରକ୍ଷା ଯୋଗାଇ ଦେଉନାହାଁନ୍ତି । ଏଥିରୁ ତାଙ୍କ ସୁରକ୍ଷା ବ୍ୟବସ୍ଥା ପ୍ରତି ବିପଦ ରହିଛି । ଅକ୍ଟୋବର ୩୧ ଅର୍ଥାତ ସୋମବାର ଶୁଣାଣି ପାଇଁ ହାଇକୋର୍ଟ ଏହି ମାମଲାକୁ ତାଲିକାଭୁକ୍ତ କରିଛନ୍ତି । ପ୍ରଧାନ ବିଚାରପତି ସତୀଶ ଚନ୍ଦ୍ର ଶର୍ମାଙ୍କ ଏକ ବେଞ୍ଚ ଏହି ମାମଲାର ଶୁଣାଣି କରିବେ ।

ଏଠାରେ କହି ରଖୁଛୁ ଯେ, ସୁବ୍ରମଣ୍ୟମ ସ୍ୱାମୀଙ୍କୁ କେନ୍ଦ୍ର ସରକାର Z ସୁରକ୍ଷା ପ୍ରଦାନ କରିଥିଲେ । ୧୫ ଜାନୁୟାରୀ ୨୦୧୬ରେ ସୁବ୍ରମଣ୍ୟମ ସ୍ୱାମୀଙ୍କୁ ପାଞ୍ଚ ବର୍ଷ ପାଇଁ ଲୁଟିୟନ୍ସ ଦିଲ୍ଲୀରେ ଏକ ସରକାରୀ ବଙ୍ଗଳା ଆବଣ୍ଟନ କରାଯାଇଥିଲା । ତାଙ୍କ ଜୀବନ ପ୍ରତି ବିପଦ ରହିଛି ବୋଲି ସରକାର ବିଶ୍ୱାସ କରୁଥିଲେ । ଏହା ପରେ ସ୍ୱାମୀ ରାଜ୍ୟସଭା ସାଂସଦ ହୋଇଥିଲେ । କିନ୍ତୁ ତାଙ୍କ କାର୍ଯ୍ୟକାଳ ଏପ୍ରିଲ ୨୪ରେ ଶେଷ ହୋଇଥିଲା । ନିୟମ ଅନୁଯାୟୀ, ତାଙ୍କୁ ଦିଆଯାଇଥିବା ସରକାରୀ ବଙ୍ଗଳାର ଅବଧି ମଧ୍ୟ ସେତେବେଳେ ଶେଷ ହୋଇଯାଇଥିଲା । କିନ୍ତୁ ତଥାପି ଘରଟି ସେ ନିଜ ପାଖରେ ରଖିଥିଲେ । ନିକଟ ଅତୀତରେ ତାଙ୍କୁ ତୁରନ୍ତ ସରକାରୀ ବଙ୍ଗଳା ଖାଲି କରିବାକୁ କୁହାଯାଇଥିଲା । ଏହା ପରେ ପୂର୍ବତନ ସାଂସଦ ବଙ୍ଗଳା ଖାଲି କରିଥିଲେ ।

ଏହା ପରେ ସ୍ୱାମୀ ଦିଲ୍ଲୀ ହାଇକୋର୍ଟରେ ଆବେଦନ କରିଥିଲେ ଯେ ତାଙ୍କୁ Z ସୁରକ୍ଷା ମିଳିଛି । ଏହାକୁ ଦୃଷ୍ଟିରେ ରଖି ସରକାରୀ ବଙ୍ଗଳା ତାଙ୍କ ପାଖରେ ରହିବା ଉଚିତ୍ । ସେପ୍ଟେମ୍ବର ୧୪ରେ ଜଷ୍ଟିସ ଯଶୱନ୍ତ ସିହ୍ନା କହିଛନ୍ତି ଯେ, ପୂର୍ବତନ ସାଂସଦ ଏପରି କୌଣସି ଦସ୍ତାବିଜ ଦେଇପାରି ନାହିଁ ଯେ Z ସୁରକ୍ଷା ମିଳିଥିବା ବ୍ୟକ୍ତିଙ୍କୁ ସରକାରୀ ଘର ମିଳିବା ଉଚିତ । ସରକାରଙ୍କ ତରଫରୁ ହାଜର ହୋଇଥିବା ଏଏସଜି ସଞ୍ଜୟ ଜୈନ କହିଛନ୍ତି ଯେ, ଦିଲ୍ଲୀରେ ସ୍ୱାମୀଙ୍କର ନିଜସ୍ୱ ଘର ଅଛି । ସେ ସେଠାକୁ ଶିଫ୍ଟ ହୋଇପାରନ୍ତି । ତାଙ୍କ ସୁରକ୍ଷା ପାଇଁ କେନ୍ଦ୍ର ସରକାର ଆବଶ୍ୟକ ପଦକ୍ଷେପ ଗ୍ରହଣ କରିବେ । ଏହା ପରେ କୋର୍ଟ କହିଥିଲେ ଯେ ତାଙ୍କ ସୁରକ୍ଷାକୁ ଧ୍ୟାନରେ ରଖିବା ଉଚିତ୍ ।

ଅଧିକ ପଢ଼ନ୍ତୁ:-ରୋହିତ ଶର୍ମା ରଚିଲେ ଇତିହାସ, ଟି-20 କ୍ରିକେଟରେ ଏପରି ରେକର୍ଡ କରିଥିବା ପ୍ରଥମ ଭାରତୀୟ

ଅଧିକ ପଢ଼ନ୍ତୁ:-ଟି-20 ବିଶ୍ୱକପରେ ପାକିସ୍ତାନ ପାଇଁ ସେମିଫାଇନାଲର ରାସ୍ତା ବନ୍ଦ! ଜାଣନ୍ତୁ କେଉଁ କେଉଁ ଦଳକୁ ମିଳିବ ସେମିଫାଇନାଲ ଟିକେଟ

ଅଧିକ ପଢ଼ନ୍ତୁ:-ଜିମ୍ବାୱେ ଠାରୁ ପିଟିବା ପରେ ପାକିସ୍ତାନ ଅଧିନାୟକ ବାବର ଆଜମ କହିଲେ ଦଳକୁ କାହିଁକି ମିଳିଲା ପରାଜୟ

ଗତକାଲି ପୂର୍ବତନ ସାଂସଦଙ୍କ ତରଫରୁ ତାଙ୍କ ଓକିଲ ଜୟନ୍ତ ମେହେଟ୍ଟା ଯୁକ୍ତି ଉପସ୍ଥାପନ କରିଛନ୍ତି ଯେ, ସ୍ୱାମୀ ଅକ୍ଟୋବର ୨୪ରେ ସରକାରୀ ଘର ଖାଲି କରିସାରିଛନ୍ତି । କିନ୍ତୁ ଏହା ପରେ ସରକାର ତାଙ୍କ ସୁରକ୍ଷା ପାଇଁ ସମ୍ପୂର୍ଣ୍ଣ ବ୍ୟବସ୍ଥା କରିବେ ବୋଲି ଅଣ୍ଡରଟେକିଂ ଦେଇଥିଲେ । ମେହେଟ୍ଟା କହିଛନ୍ତି ଯେ, ବର୍ତ୍ତମାନ ପର୍ଯ୍ୟନ୍ତ ସ୍ୱାମୀଙ୍କ ସୁରକ୍ଷା ପାଇଁ କୌଣସି ପଦକ୍ଷେପ ନିଆଯାଇ ନାହିଁ ।