ପୁଅ ଆର୍ୟନଙ୍କ ଜେଲରୁ ମୁକୁଳିବା ପରେ ଶାହାରୁଖ ନେବାକୁ ଯାଉଛନ୍ତି ଏହି ବଡ଼ ନିଷ୍ପତ୍ତି!

ନୂଆଦିଲ୍ଲୀ: Aryan Khan Drug Case: ବଲିଉଡର କିଙ୍ଗ ଖାନ ଶାହାରୁଖ ଖାନ (Shahrukh Khan) ଗତ କିଛି ଦିନ ହେବ ତାଙ୍କ ବଡ ପୁଅ ଆର୍ୟନ ଖାନ (Aryan Khan) ଙ୍କ ପାଇଁ ଚର୍ଚ୍ଚାରେ ରହିଆସୁଛନ୍ତି । ସମସ୍ତେ ଜାଣନ୍ତି ଯେ ଶାହାରୁଖ ତାଙ୍କ ପରିବାରକୁ ବହୁତ ଭଲ ପାଆନ୍ତି ଓ ଏହି ବିଷୟରେ ସେ ମଧ୍ୟ ବହୁତ ପ୍ରୋଟେକ୍ଟିଭ ଅଟନ୍ତି । କିନ୍ତୁ ଅକ୍ଟୋବର ୨ରେ ତାଙ୍କ ପୁଅ ଆର୍ୟନ ଖାନଙ୍କୁ ଡ୍ରଗ୍ସ ପାର୍ଟି ପାଇଁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (NCB) ଗିରଫ କରିଥିଲା । ସେବେଠାରୁ ଶାହାରୁଖ ଓ ଗୌରୀ ଖାନ (Gauri Khan) ସମସ୍ୟାର ସମ୍ମୁଖୀନ ହୋଇଥିଲେ । ପୁଅର ଜାମିନ ପାଇଁ ଉଭୟ ପୁରା ଜୋର ଲଗାଦେଇଥିଲେ କିନ୍ତୁ ଆର୍ୟନଙ୍କୁ ୨୮ ଦିନ ଜେଲରେ ରହିବାକୁ ପଡିଥିଲା । ଶେଷରେ ଆର୍ୟନ ଶନିବାର (ଅକ୍ଟୋବର ୩୦) ନିଜ ଘର ମନ୍ନତକୁ ଫେରିଛନ୍ତି ।

କିନ୍ତୁ ଯଦି ଏହି ଖବରକୁ ବିଶ୍ୱାସ କରାଯାଏ, ତେବେ ଆର୍ୟନ ମାମଲା (Aryan Khan Drug Case) କୁ ଦେଖି ଶାହାରୁଖ (Shahrukh Khan) ନିଜ ତିନି ସନ୍ତାନଙ୍କୁ ନେଇ ଏକ ବଡ଼ ପଦକ୍ଷେପ ନେଇପାରନ୍ତି । ଯଦି ରିପୋର୍ଟଗୁଡିକ ବିଶ୍ୱାସ କରାଯାଏ, ତେବେ ବର୍ତ୍ତମାନଠାରୁ ସେ ନିଜ ପିଲାମାନଙ୍କର ଅଧିକ ଯତ୍ନ ନେବେ ଓ ସେମାନଙ୍କ ଉପରେ ତୀକ୍ଷ୍ଣ ନଜର ରଖିବେ । ଭିତର ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଶାହାରୁଖ ଚାହୁଁନାହାଁନ୍ତି ଯେ ଆର୍ୟନଙ୍କ ପରି କୌଣସି ବିବାଦର ପୁନରାବୃତ୍ତି ହେଉ । କୁହାଯାଉଛି ଯେ ବର୍ତ୍ତମାନ ଆର୍ୟନ, ସୁହାନା ଏବଂ ଅବରାମଙ୍କୁ କଡା ନଜରରେ ରଖାଯିବ । ତେବେ, ଏହି ରିପୋର୍ଟଗୁଡିକରେ କେତେ ସତ୍ୟ ଅଛି, ତାହା କେବଳ ଆଗାମୀ ସମୟରେ ସ୍ପଷ୍ଟ ହୋଇପାରିବ ।

ଅଧିକ ପଢ଼ନ୍ତୁ:-ଆର୍ୟନ ଖାନ ଡ୍ରଗ୍ସ ମାମଲାରେ ଶାହାରୁଖଙ୍କ ଲୋକପ୍ରିୟତା କମିଛି ନା ବଢ଼ିଛି? ଜାଣନ୍ତୁ କ'ଣ କହୁଛି ନୂଆ ରିପୋର୍ଟ

ଏଠାରେ କହି ରଖୁଛୁ ଯେ, ଶନିବାର ସକାଳେ ଆର୍ୟନ ଖାନ (Aryan Khan) ଜେଲରୁ ମୁକୁଳିଥିଲେ । ସକାଳେ ଶାହାରୁଖ (Shahrukh Khan) ନିଜେ ତାଙ୍କୁ ନେବାକୁ ପହଞ୍ଚିଥିଲେ । ଏହି ସମୟରେ ସମ୍ପୂର୍ଣ୍ଣ ସୁରକ୍ଷା ବ୍ୟବସ୍ଥା କରାଯାଇଥିଲା । ତେବେ ଶାହରୁଖ କାରରୁ ବାହାରି ନଥିଲେ । ଆର୍ୟନଙ୍କୁ ତାଙ୍କ ଅଙ୍ଗରକ୍ଷୀମାନେ କାରକୁ ନେଇ ଯାଇଥିଲେ । ଏହା ପରେ କାରଟି ସିଧା ମନ୍ନତକୁ ଯାଇଥିଲା । ଏହି ସମୟରେ ଗଣମାଧ୍ୟମ ଓ ଲୋକଙ୍କ ସମାବେଶ ହୋଇଥିଲା । ସମସ୍ତେ ଶାହରୁଖ ଓ ଆର୍ୟନଙ୍କ ଗୋଟିଏ ଝଲକ ଦେଖିବାକୁ ଉତ୍ସାହର ସହ ଚାହିଁ ରହିଥିଲେ । ତେବେ ତାଙ୍କ କାର ଭିତରେ କିଛି ଦେଖାଯାଇନଥିଲା । ଏହି ସମୟରେ, ଆର୍ୟନଙ୍କୁ ବହୁତ ଧୁମଧାମରେ ସ୍ୱାଗତ କରାଯାଇଥିଲା । ଲୋକମାନେ ଡ୍ରମ ବଜାଉଥିଲେ ଓ ଶାହାରୁଖଙ୍କ ଘର ବାହାରେ ବାଣ ଫୁଟାଉଥିବାରେ ଦେଖିବାକୁ ମିଳିଥିଲା ।