Ind Vs SA : ଏହି ଖେଳାଳିଙ୍କ ପାଇଁ ସିରିଜ୍ ହାରିଲା ଭାରତ

ନୂଆଦିଲ୍ଲୀ: ଦକ୍ଷିଣ ଆଫ୍ରିକା ବିପକ୍ଷ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ଭାରତ ହାତରୁ ଯାଇଛି। ଦ୍ୱିତୀୟ ମ୍ୟାଚରେ ଟିମ୍ ଇଣ୍ଡିଆକୁ ୭ ୱିକେଟରେ ପରାଜୟର ସମ୍ମୁଖୀନ ହେବାକୁ ପଡିଛି। ଏହା ସହ ଭାରତୀୟ ଦଳ ଟେଷ୍ଟ ସିରିଜ ପରେ ଦିନିକିଆ ସିରିଜକୁ ହରାଇଛି। ପ୍ରଥମ ଦିନିକିଆ ମ୍ୟାଚରେ ଘରୋଇ ଆଫ୍ରିକୀୟ ଦଳ ୩୧ ରନରେ ପରାସ୍ତ କରି ସିରିଜରେ ୨-୦ରେ ଆଗୁଆ ଅଛି। ଏହି ସିରିଜରେ ଟିମ୍ ଇଣ୍ଡିଆର ଅନେକ ଖେଳାଳିଙ୍କ ପ୍ରଦର୍ଶନ ଖରାପ ଥିଲା। କିନ୍ତୁ ଜଣେ ଖେଳାଳି ଅଛନ୍ତି ଯାହାଙ୍କୁ ଭାରତର ସିରିଜ୍ ହାରିଯିବା ପାଇଁ ସବୁଠାରୁ ବଡ ଦାୟୀ କରାଯାଉଛି।

ଦିନିକିଆ ସିରିଜରେ ଟିମ୍ ଇଣ୍ଡିଆର ପରାଜୟ ପାଇଁ ଶ୍ରେୟସ୍ ଆୟରଙ୍କୁ ଦାୟୀ କରାଯାଉଛି। ଆୟର୍ ଉଭୟ ମ୍ୟାଚରେ ଫ୍ଲପ୍ ହୋଇଥିଲେ ଏବଂ ତାଙ୍କୁ ଦଳରେ ସାମିଲ କରିବା ପାଇଁ କେ.ଏଲ୍ ରାହୁଲଙ୍କ ନିଷ୍ପତ୍ତି ସମ୍ପୂର୍ଣ୍ଣ ଭୁଲ୍ ବୋଲି ପ୍ରମାଣିତ ହୋଇଥିଲା। ଯେତେବେଳେ ପ୍ରଥମ ମ୍ୟାଚରେ ଟିମ୍ ଇଣ୍ଡିଆ ଏକ ବଡ ଟାର୍ଗେଟକୁ ଗୋଡ଼ାଉଥିଲା, ସେତେବେଳେ ବିରାଟ କୋହଲି ଏବଂ ଶିଖର ଧାଓନଙ୍କ ଦ୍ୱାରା ଆରମ୍ଭ ହୋଇଥିବା ରନ୍ ରେଟକୁ ଶ୍ରେୟସ୍ ଜାରି ରଖିବେ ବୋଲି ଆଶା କରାଯାଉଥିଲା। କିନ୍ତୁ ଏହା ହୋଇ ନଥିଲା ଏବଂ ସେ ମାତ୍ର ୧୭ ରନ୍ କରିବା ପରେ ଆଉଟ୍ ହୋଇଥିଲେ। ଫଳରେ ଦକ୍ଷିଣ ଆଫ୍ରିକା ମାତ୍ର ୩୧ ରନରେ ବିଜୟ ହୋଇଥିଲ। 

ଦ୍ୱିତୀୟ ଦିନିକିଆରେ ମଧ୍ୟ ଟିମ୍ ଇଣ୍ଡିଆର ପରାଜୟରେ ଦଳର ସବୁଠାରୁ ବଡ ଭିଲେନ୍ ହେଉଛନ୍ତି ଦଳର ମଧ୍ୟମ ଅର୍ଡର ବ୍ୟାଟ୍ସମ୍ୟାନ୍ ଶ୍ରେୟସ୍ ଆୟର ପାଲଟିଛନ୍ତି। ପ୍ରଥମ ମ୍ୟାଚ୍‌ରେ ଫ୍ଲପ୍ ହୋଇଥିବା ଆୟର ମଧ୍ୟ ଏହି ମ୍ୟାଚ୍‌ରେ ମାତ୍ର ୧୧ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ତାଙ୍କ ହେତୁ ବ୍ୟାଟିଂ ଲାଇନ୍ ଅପ୍ ପୁଣି ଦୁର୍ବଳ ଦେଖାଯାଇଥିଲା। ଦଳର ସ୍କୋରକୁ ୩୦୦ ଅତିକ୍ରମ କରିବାକୁ ଆୟର ଭଲ ପ୍ରଦର୍ଶନ କରିପାରନ୍ତି, କିନ୍ତୁ ସେ ଆଶା ଉପରେ ସମ୍ପୂର୍ଣ୍ଣ ବିଫଳ ହୋଇଥିଲେ। ଦଳର ପରାଜୟରେ ସେ ଜଣେ ବଡ ଭିଲେନ୍ ଥିଲେ ବୋଲି କ୍ରିକେଟ ସମୀକ୍ଷକମାନେ କହୁଛନ୍ତି।

ଭାରତୀୟ ବୋଲରମାନେ ଆରମ୍ଭରୁ ସେମାନଙ୍କ ଫର୍ମରେ ଥିବା ପରି ମନେ ହେଉ ନଥିଲା ଏବଂ ପଡ଼ିଆର ଉଭୟ ପାର୍ଶ୍ୱରେ ଆଫ୍ରିକୀୟ ବ୍ୟାଟ୍ସମ୍ୟାନମାନେ ସେମାନଙ୍କ ବିରୁଦ୍ଧରେ ସମ୍ପୂର୍ଣ୍ଣ ରୂପେ ଭାରି ପଡିଥିଲେ। ଭୁବନେଶ୍ୱର କୁମାର ସିରିଜରେ ସର୍ବାଧିକ ରନ ଦେଇଥିବା ବେଳେ କୌଣସି ୱିକେଟ୍ ପାଇନଥିଲେ। ଜସପ୍ରୀତ ବୁମ୍ରା, ୟୁଜଭେନ୍ଦ୍ର ଚହଲ ଏବଂ ଶାର୍ଦ୍ଦୁଲ ଠାକୁରଙ୍କୁ ଗୋଟିଏ ଲେଖାଏଁ ୱିକେଟ୍ ମିଳିଛି। ଭେଙ୍କଟେଶ ଆୟର୍ ୫ ଓଭରର କୋଟାରେ ୨୮ ରନ୍ ଦେଇଥିଲେ ଏବଂ କୌଣସି ୱିକେଟ୍ ନେଇପାରିନଥିଲେ। ବୁମ୍ରାଙ୍କ ବ୍ୟତୀତ ସମସ୍ତ ଭାରତୀୟ ବୋଲରମାନେ ଘରୋଇ ଦଳର ବ୍ୟାସମ୍ୟାନଙ୍କ ସମ୍ମୁଖରେ ଚଳପଡିଥିଲେ। ଏହି କାରଣରୁ ଭାରତକୁ ପରାଜୟର ସାମ୍ନା କରିବାକୁ ପଡିଲା।

ଦକ୍ଷିଣ ଆଫ୍ରିକା ବିପକ୍ଷରେ ଭାରତ ୨୮୭ ରନ୍ ସଂଗ୍ରହ କରିଛି। ଷ୍ଟାର ୱିକେଟ୍ କିପର ବ୍ୟାଟ୍ସମ୍ୟାନ୍ ଋଷଭ ପନ୍ତ, ଟିମ୍ ଇଣ୍ଡିଆରୁ ସର୍ବାଧିକ ରନ୍ ସଂଗ୍ରହ କରିଥିଲେ। ସେ ୭୧ ବଲରେ ୮୫ ରନର ଏକ ଇନିଂସ ଖେଳିଥିଲେ, ଯେଉଁଥିରେ ୧୦ଟି ଚୌକା ଓ ଦୁଇଟି ଛକା ଥିଲା। କ୍ୟାପଟେନ କେ.ଏଲ୍ ରାହୁଲ ୫୫ ରନ୍ ସଂଗ୍ରହ କରିଥିଲେ। ବିରାଟ କୋହଲି ପୁଣି ଥରେ କୌଣସି ରନ୍ ସ୍କୋର ନକରି ପାଭିଲିୟନକୁ ଫେରିଥିଲେ। ଶିଖର ଧାଓନ ଏକ ଭଲ ଓପନିଂକୁ ଏକ ବଡ଼ ଇନିଂସରେ ପରିଣତ କରିପାରି ନଥିଲେ ଏବଂ କେବଳ ୨୯ ରନ୍ କରିପାରନ୍ତି। ସେହିପରି ଶ୍ରେୟସ୍ ଆୟର ୧୧, ଭେଙ୍କଟେଶ ଆୟର୍ ୨୨, ଶାର୍ଦ୍ଦୁଲ ଠାକୁର ୪୦ ରନ୍ ସଂଗ୍ରହ କରିଥିଲେ। ରବିଚନ୍ଦ୍ରନ୍ ଅଶ୍ୱିନ୍ ୨୫ରେ ଅପରାଜିତ ରହିଥିଲେ।