Mangal Gochar 2024: ମଙ୍ଗଳ ଚଳନରୁ ରୁଚକ ରାଜଯୋଗ, ବଦଳିବ ୪ ରାଶିର ଆର୍ଥିକ ସ୍ଥିତି

Mangal Gochar 2024: ୧ ଜୁନ ଅପରାହ୍ମ ୩ଟା୩୯ରେ ମଙ୍ଗଳ ମେଷ ରାଶିରେ ପ୍ରବେଶ କରିବେ । ଜୁଲାଇ ୧୨ ତାରିଖ ପର୍ଯ୍ୟନ୍ତ ମେଷରେ ଅବସ୍ଥାନ କରୁଥିବାରୁ କିଛି ରାଶିର ଭାଗ୍ୟରେ ବଡ଼ ପରିବର୍ତ୍ତନ ଦେଖିବାକୁ ମିଳିବ ।

Mangal Gochar 2024: ମଙ୍ଗଳ ଗ୍ରହକୁ ସୌରମଣ୍ଡଳରେ ଥିବା ସମସ୍ତ ଗ୍ରହଙ୍କ ସେନାପତି ଭାବେ ବିବେଚନା କରାଯାଇଛି । ମଙ୍ଗଳ ଗ୍ରହ ମେଷ ଏବଂ ବିଛାର ଆରାଧ୍ୟ ବୋଲି ଜଣାଯାଏ । ଯେଉଁ ବ୍ୟକ୍ତିଙ୍କ ଭାଗ୍ୟରେ ମଙ୍ଗଳଙ୍କ ଶୁଭ ପ୍ରଭାବ ରହିଥାଏ ସେ ଜୀବନରେ ବୀର, ସାହସୀ, ଶକ୍ତିଶାଳୀ ରହିଥାଏ । ଏଥି ସହିତ, ଯେକୌଣସି ରାଶିରେ ମଙ୍ଗଳଙ୍କ ଚଳନ ବିଭିନ୍ନ ରାଶିର ବ୍ୟକ୍ତିଙ୍କୁ ଶୁଭ ଅଶୁଭ ଫଳ ପ୍ରଦାନ କରିଥାଏ । ଶନିବାର, ଜୁନ୍ ୧, ୨୦୨୪ ରେ ମଙ୍ଗଳ ନିଜର ସଙ୍କେତ ରାଶି ମେଷରେ ଚଳନ କରିବେ । ମଙ୍ଗଳଙ୍କ ଏହି ଚଳନ ଦିନ ୩ଟା୩୯ରେ ହେବାକୁ ଯାଉଛି । ମଙ୍ଗଳ ଜୁନ୍ ୧ ରୁ ଜୁଲାଇ ୧୨ ପର୍ଯ୍ୟନ୍ତ ମେଷ ରାଶିରେ ଅବସ୍ଥାନ କରିବେ । ମଙ୍ଗଳ ମେଷ ରାଶିରେ ୪୨ ଦିନ ରହିବା କାରଣରୁ ରୁଚକ୍ ରାଜଯୋଗ ଗଠନ ହେଉଛି । ଯେଉଁ କାରଣରୁ କିଛି ରାଶିର ବ୍ୟକ୍ତିମାନେ ଆର୍ଥିକ ଲାଭ ପାଇବେ । 

ରୁଚକ୍ ରାଜଯୋଗ କଣ?
ଏହି ରାଜଯୋଗ ସେତେବେଳେ ସୃଷ୍ଟି ହୁଏ ଯେତେବେଳେ ମଙ୍ଗଳ ମକର ରାଶି କିମ୍ୱା ନିଜସ୍ୱ ରାଶି ମେଷ କିମ୍ୱା ବୃଷର କେନ୍ଦ୍ରରେ ଅବସ୍ଥାନ କରିଥାଏ । ଏହି ଆଶ୍ଚର୍ଯ୍ୟଜନକ ମିଶ୍ରଣ ପ୍ରଭାବରେ କିଛି ରାଶିର ବ୍ୟକ୍ତିବିଶେଷଙ୍କୁ ଶୁଭଫଳ ମିଳିଥାଏ । 

ମେଷ ରାଶି
ମଙ୍ଗଳ ଗ୍ରହଙ୍କ ଚଳନ ଆପଣଙ୍କ ପାଇଁ ଅତ୍ୟନ୍ତ ଭଲ ହେବ । କ୍ୟାରିୟରରେ ଆପଣ ବହୁତ ଅଗ୍ରଗତି କରିବେ । ବିଚାରାଧୀନ ଥିବା ସମସ୍ତ କାର୍ଯ୍ୟ ସମାପ୍ତ ହେବ । ନୂଆ କାରବାର କାରଣରୁ ବ୍ୟବସାୟରେ ଅଗ୍ରଗତି ହେବ । ଆପଣ ଅନେକ ନୂଆ ଲୋକଙ୍କୁ ଭେଟିବେ ଯାହା ଦ୍ୱାରା ଆପଣ ଲାଭ ପାଇବେ ।

କର୍କଟ ରାଶି
ଆପଣଙ୍କ ପାଇଁ ମଧ୍ୟ ମଙ୍ଗଳଙ୍କ ରାଶି ପରିବର୍ତ୍ତନ ଅତ୍ୟନ୍ତ ଶୁଭ ହେବ । ବେରୋଜଗାର ଥିବା ବ୍ୟକ୍ତିଙ୍କୁ ରୋଜଗାର ମିଳିବ । ମନ ପସନ୍ଦର ଚାକିରି ଆପଣଙ୍କୁ ମିଳିବ । ପୂର୍ବରୁ ହେଉଥିବା ଆୟଠାରୁ ଅଧିକ ରୋଜଗାର କରିପାରନ୍ତି । ମଙ୍ଗଳଙ୍କ ପ୍ରଭାବ କାରଣରୁ ନୂଆ କାର୍ଯ୍ୟ ହାତକୁ ଆସିବ ।

ସିଂହ ରାଶି
ମଙ୍ଗଳ ଗ୍ରହ ରାଶି ପରିବର୍ତ୍ତନ ଆପଣଙ୍କୁ ଶୁଭଫଳ ଦେବ । ଏହି ସମୟ ମଧ୍ୟରେ ଆପଣଙ୍କ ଭାଗ୍ୟର ଦ୍ୱାର ଫିଟିବ । କର୍ମସ୍ଥଳୀରେ ଆପଣ ପ୍ରଶଂସିତ ହେବେ । ବ୍ୟବସାୟରେ ଭଲ ରୋଜଗାର କରିବାର ସୁଯୋଗ ପାଇବେ । ଚାକିରି କ୍ଷେତ୍ରରେ ଦରମା ବଢିବା ସହ ପଦୋନ୍ନତିର ସୁଯୋଗ ରହିଛି ।

ଧନୁ ରାଶି
ଆପଣଙ୍କ ପାଇଁ ଏହି ସମୟ ଅନୁକୂଳ ସାବ୍ୟସ୍ତ ହେବ । ବିଦେଶ ଭ୍ରମଣ କରିବାକୁ ଯୋଜନା କରୁଥିଲେ ତାହା ସମ୍ଭବ ହେବାର ଅଧିକ ସମ୍ଭାବନା ରହିଛି । ଅଧ୍ୟୟନ ପାଇଁ ମଧ୍ୟ ବିଦେଶ ଯିବାର ସୁଯୋଗ ରହିଛି । କ୍ୟାରିୟରରେ ଆପଣ ଖୁବ ଅଗ୍ରଗତି କରିବେ । ବ୍ୟବସାୟରେ ମଧ୍ୟ ଭଲ ଲାଭ ଉପାର୍ଜନ କରିବେ । ମଙ୍ଗଳଙ୍କ ଶୁଭ ପ୍ରଭାବ କାରଣରୁ ଆପଣ ଟଙ୍କା ସଞ୍ଚୟ କରିବାରେ ସଫଳ ହେବେ ।

(Disclamer: ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ। )