Rahu Transit 2024: ରାହୁଙ୍କ ନକ୍ଷତ୍ର ପରିବର୍ତ୍ତନ ପୂର୍ବରୁ ଚମକିବେ ୩ ରାଶି
Rahu Transit 2024: ଜ୍ୟୋତିଷ ଶାସ୍ତ୍ରରେ ରାହୁଙ୍କୁ ଏକ ଛାୟା ଏବଂ ପାପପୂର୍ଣ୍ଣ ଗ୍ରହ ଭାବରେ ବିବେଚନା କରାଯାଏ । ଏଥିସହ ରାହୁଙ୍କୁ ଏକ ନିଷ୍ଠୁର ଗ୍ରହ ବୋଲି କୁହାଯାଏ । ଯେଉଁ ବ୍ୟକ୍ତିଙ୍କ ରାଶିରେ ରାହୁଙ୍କ ସ୍ଥିତି ଦୁର୍ବଳ ସେମାନେ ମାନସିକ ଚାପରେ ପୀଡିତ ହୁଅନ୍ତି ବୋଲି ଜ୍ୟୋତିର୍ବିଦ ମତ ଦିଅନ୍ତି । ବୁଝିବା ଶକ୍ତି ହ୍ରାସ ହେବା ସହ ବ୍ୟକ୍ତି ସର୍ବଦା ଚିନ୍ତିତ ରହିଥାଏ । କିନ୍ତୁ ରାହୁଙ୍କ ଉପସ୍ଥିତି ସଠିକ୍ ଥିଲେ ବିଶେଷ ସଫଳତା ପ୍ରାପ୍ତି ହୋଇଥାଏ । ଜୀବନର ପ୍ରତ୍ୟେକ ସୁଖ ମିଳିଥାଏ ।
ମେଷ ରାଶି
ଉତ୍ତରାଭାଦ୍ରପଦ ନକ୍ଷତ୍ରରେ ରାହୁଙ୍କ ଚଳନ କାରଣରୁ ଆପଣଙ୍କୁ ୩ ମାସ ପର୍ଯ୍ୟନ୍ତ ଶୁଭଫଳ ମିଳିବ । ଏହି ସମୟରେ ଆପଣ ବିଶେଷ ସୁବିଧା ପାଇବେ। ଦୀର୍ଘ ବିଚାରାଧୀନ କାର୍ଯ୍ୟ ଧୀରେ ଧୀରେ ସମାପ୍ତ ହୋଇଯିବ । କ୍ୟାରିଅରରେ ଅଗ୍ରଗତି କରିବାକୁ ଆପଣ ଅନେକ ନୂଆ ସୁଯୋଗ ପାଇବେ । ଚାକିରି କ୍ଷେତ୍ରରେ ପରିଶ୍ରମର ଉପଯୁକ୍ତ ଫଳାଫଳ ପାଇବେ । ବିଦେଶରେ କାମ କରିବାର ଇଚ୍ଛା ପୂରଣ ହୋଇପାରିବ । ବ୍ୟବସାୟରେ ଆର୍ଥିକ ଲାଭର ଦୃଢ ସମ୍ଭାବନା ରହିଛି । ସହଭାଗୀତାରେ କାମ କଲେ ଆପଣ ଅଧିକ ଲାଭରେ ରହିବେ ।
କର୍କଟ ରାଶି
ରାହୁଙ୍କ ନକ୍ଷତ୍ରର ପରିବର୍ତ୍ତନ ଆପଣଙ୍କ ଜୀବନରେ ସକରାତ୍ମକ ପ୍ରଭାବ ପକାଇବ । ଉଚ୍ଚଶିକ୍ଷା ପାଇଁ ବିଦେଶ ଯିବାର ସ୍ୱପ୍ନ ପୂରଣ ହେବ । ଚାକିରି କ୍ଷେତ୍ରରେ ପ୍ରତ୍ୟେକ କାର୍ଯ୍ୟରେ ଭାଗ୍ୟ ଆପଣଙ୍କ ସପକ୍ଷରେ ରହିବ । ବିବାହିତ ବ୍ୟକ୍ତି ଉଭୟ ମାନସିକ ଏବଂ ଶାରୀରିକ କଷ୍ଟରୁ ମୁକ୍ତି ପାଇବେ । ପିତାମାତାଙ୍କ ସହିତ ସମୟ ବିତାଇବେ । ବ୍ୟବସାୟୀମାନଙ୍କୁ ତିନି ମାସ ପର୍ଯ୍ୟନ୍ତ ବିପୁଳ ଲାଭ ମିଳିବ ।
ବିଛା ରାଶି
ତିନି ମାସ ପର୍ଯ୍ୟନ୍ତ ଆପଣଙ୍କ ପାଇଁ ଶୁଭ ସମୟ । ବ୍ୟବସାୟକୁ ଆଗକୁ ବଢାଇବା ପାଇଁ ଆପଣଙ୍କ ଯୋଜନା ସଫଳ ହେବ । ବନ୍ଧୁଙ୍କ ସହ ସମୟ ବିତାଇବାକୁ ଆପଣଙ୍କୁ ସୁଯୋଗ ମିଳିବ । ବିବାହିତ ବ୍ୟକ୍ତି ନିଜ ସାଥୀକୁ ଅତି ନିକଟରୁ ଜାଣିବାର ସୁଯୋଗ ପାଇବେ । ଅର୍ଥ ଅଭାବ ସମସ୍ୟା ଦୂରେଇଯିବ । ବିଭିନ୍ନ ସୁତ୍ରରୁ ଆପଣଙ୍କୁ ଅର୍ଥ ପ୍ରାପ୍ତି ହେବ । ସେୟାର ବଜାରରୁ ଭଲ ଲାଭ ମିଳିପାରେ ।
ତଥ୍ୟ- ଜ୍ୟୋତିର୍ବିଦ ଆଚାର୍ଯ୍ୟ ସତ୍ୟବ୍ରତ ପାଢୀ, ପ୍ଲଟ ନମ୍ୱର ଏଚଆଇଜି, ୧/୧୨ ବିଡିଏ କଲୋନୀ ଏଲଏନ, ଚନ୍ଦ୍ରଶେଖରପୁର, ଭୁବନେଶ୍ୱର ୭୫୧୦୧୬
Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।)