Father Rape Daughter: ସମସ୍ତେ କହିଛନ୍ତି ଦୁନିଆ ବଦଳୁଛି । ଲୋକମାନେ ଶିକ୍ଷିତ ହେଉଛନ୍ତି । କିନ୍ତୁ ଦୁନିଆ ସତରେ କ'ଣ  ବଦଳୁଛି । ଆଜିକାଲି ଏପରି ସବୁ ଅପରାଧ ଏହି ଦୁନିଆରେ ଘଟିବାକୁ ଲାଗୁଛି ତାହା ଯିଏ ଶୁଣିବ ମୁଣ୍ଡରେ ହାତ ଦେବ । ଭଗବାନ ଗଢ଼ିଥିବା ଶ୍ରେଷ୍ଠ ପ୍ରାଣୀ ମନୁଷ୍ୟ ଦିନକୁ ଦିନ ବର୍ବରତାର ସବୁ ସୀମା ଲଙ୍ଘିବାରେ ଲାଗିଛି । ଆପଣ ଭାବୁଥିବେ ଏପରି ଆମେ କ'ଣ ପାଇଁ କହୁଛୁ । ଏପରି କହିବାର ବଡ଼ କାରଣ ରହିଛି, ଯାହା ଜାଣିବା ପରେ ଆପଣ ମଧ୍ୟ ମୁଣ୍ଡରେ ହାତ ଦେବେ । ଜଣେ ପିତା କେବେ ତାଙ୍କ ଝିଅକୁ ଦୁଷ୍କର୍ମ କରିପାରିବ କି? ଏହାର ଉତ୍ତର ସମସ୍ତେ କହିବେ ନାଁ, କିନ୍ତୁ ଏପରି ଏକ ଘଟଣା ଘଟିଛି । କେରଳ କୋର୍ଟ ଜଣେ ନାବାଳିକା ସାବତ ଝିଅକୁ ଦୁଷ୍କର୍ମ କରିଥିବା ଅଭିଯୋଗରେ ତାଙ୍କ ପିତାକୁ ମୋଟ ୪୦ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି ।


COMMERCIAL BREAK
SCROLL TO CONTINUE READING

କେରଳରେ ଜଣେ ପିତା ତାଙ୍କ ସାବତ କନ୍ୟାକୁ ଦୁଷ୍କର୍ମ କରିଥିଲେ ଓ ଯେତେବେଳେ ସେ ଗର୍ଭବତୀ ହୋଇଥିଲେ ସେତେବେଳେ ସେ ତାଙ୍କୁ ଗର୍ଭପାତ କରିବାକୁ ବାଧ୍ୟ କରିଥିଲେ । ତେବେ ଏହି ମାମଲା ପୋଲିସ ପାଖରେ ପହଞ୍ଚିଥିଲା ଓ ବର୍ତ୍ତମାନ ଏହି ମାମଲାରେ କେରଳ କୋର୍ଟ ଜଣେ ବ୍ୟକ୍ତିଙ୍କୁ ତାଙ୍କ ନାବାଳିକା-ଝିଅକୁ ଦୁଷ୍କର୍ମ କରିଥିବା ଅଭିଯୋଗରେ ମୋଟ ୪୦ ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି ।


ଏହି ମାମଲା ୨୦୧୭ ର ଅଟେ ଓ ୧୫ ବର୍ଷୀୟା ନାବାଳିକା ଦୁଷ୍କର୍ମ ପରେ ଗର୍ଭବତୀ ହୋଇଥିଲା । ଇଡୁକି ଫାଷ୍ଟ ଟ୍ରାକ୍ କୋର୍ଟର ବିଚାରପତି ଟି.ଜି. ଭର୍ଗେସ୍ ଭାରତୀୟ ଦଣ୍ଡ ସଂହିତା ଓ ଯୌନ ଅପରାଧରୁ ଶିଶୁମାନଙ୍କୁ ସୁରକ୍ଷା (POCSO) ଅଧିନିୟମର ବିଭିନ୍ନ ବିଭାଗ ଅନୁଯାୟୀ ମଙ୍ଗଳବାର ଦିନ ଜଣେ ୪୧ ବର୍ଷ ଏହି ପାପୀ ପିତାଙ୍କୁ ୪୦ ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି ।


ସ୍ୱତନ୍ତ୍ର ପବ୍ଲିକ ପ୍ରସିକ୍ୟୁଟର (ଏସପିପି) ଶିଜୋ ସୋମ ଜୋସେଫ କହିଛନ୍ତି ଯେ କାରାଦଣ୍ଡର ଭିନ୍ନ ଭିନ୍ନ ଦଣ୍ଡ ଏକକାଳୀନ ଚାଲିବ, ତେଣୁ ତାଙ୍କୁ କେବଳ ୧୦ ବର୍ଷ ଜେଲରେ ରହିବାକୁ ପଡ଼ିବ । ଓକିଲ କହିଛନ୍ତି ଯେ ବ୍ୟକ୍ତି ଜଣକ ମଧ୍ୟ ସାବତ କନ୍ୟାକୁ ଗର୍ଭପାତ କରାଇବାକୁ ଚାପ ପକାଇଥିଲେ । ଏହା ପରେ ମାମଲା ପୋଲିସ ପାଖରେ ପହଞ୍ଚିଥିଲା ଓ ଅଭିଯୁକ୍ତ ପିତାଙ୍କ ବିରୋଧରେ ଏକ ମାମଲା ରୁଜୁ ହୋଇଥିଲା ।


ଏସପି କହିଛନ୍ତି ଯେ ଦୋଷୀକୁ କୋର୍ଟ ଏକ ଲକ୍ଷ ଟଙ୍କା ଜୋରିମାନା ମଧ୍ୟ ଦେଇଛନ୍ତି ଓ ପୀଡିତାଙ୍କ ଥଇଥାନ ପାଇଁ ୫୦,୦୦୦ ଟଙ୍କା ଦେବାକୁ ଜିଲ୍ଲା ଆଇନ ସେବା ପ୍ରାଧିକରଣକୁ ନିର୍ଦ୍ଦେଶ ଦେଇଛନ୍ତି । ଓକିଲ କହିଛନ୍ତି ଯେ ଏହି ଅପରାଧ ୨୦୧୭ ରେ POCSO ଆକ୍ଟରେ ସଂଶୋଧନ ପୂର୍ବରୁ ଘଟିଥିଲା, ତେଣୁ ଦୋଷୀକୁ ମାତ୍ର ୧୦ ବର୍ଷ ଦଣ୍ଡିତ କରାଯାଇଛି । ସେ କହିଛନ୍ତି ଯେ ୨୦୧୯ ରେ ଆଇନରେ ସଂଶୋଧନ ପରେ ଏହି ଅପରାଧ ଅଧୀନରେ ଅତି କମରେ ୨୦ ବର୍ଷ ଦଣ୍ଡିତ କରିବାର ବ୍ୟବସ୍ଥା ରହିଛି ।