ଫାଶୀରେ ଝୁଲାଇବା ପରେ ମଧ୍ୟ ୨ ଘଣ୍ଟା ଜୀବିତ ଥିଲା ଏହି ଦୋଷୀ
ଏହା ପୂର୍ବରୁ ମଧ୍ୟ ଦିଲ୍ଲୀରେ ହୋଇଥିଲା ବିଭର୍ତ୍ସ ଗଣଦୁଷ୍କର୍ମ, ଯେଉଁଥିପାଇଁ ୨ଜଣଙ୍କୁ ଦିଆଯାଇଥିଲା ଫାଶୀ....
ନୂଆଦିଲ୍ଲୀ: ରଙ୍ଗା ଏବଂ ବିଲ୍ଲା ଏହି ନାମ ସହିତ ଦେଶର ଅଧିକାଂଶ ଲୋକ ପରିଚିତ, ଏହି ଦୁଇ ଦୋଷୀଙ୍କୁ ଦୁଷ୍କର୍ମ ଘଟଣା ପାଇଁ ମୃତ୍ୟୁଦଣ୍ଡ ଦିଆଯାଇଥିଲା । ଏହି ଦୁଇ ଦୋଷୀଙ୍କୁ ଦିଲ୍ଲୀର ତିହାର ଜେଲରେ ଫାଶୀ ଦିଆଯାଇଥିଲା, କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଯେତେବେଳେ ବିଲ୍ଲାକୁ ଫାଶୀ ଦିଆଯାଇଥିଲା, କିଛି ସମୟ ପରେ ଏହାର ନିଶ୍ୱାସ ବନ୍ଦ ହୋଇଯାଇଥିଲା, କିନ୍ତୁ ଫାଶୀ ହେବାର ଦୁଇ ଘଣ୍ଟା ପରେ ମଧ୍ୟ ନାଡ଼ି ଚାଲୁଥିଲା ।
1978 ମସିହାରେ, 16 ବର୍ଷୀୟ ଗୀତା ଚୋପ୍ରା ଏବଂ ତାଙ୍କ 14 ବର୍ଷୀୟ ଭାଇ ସଞ୍ଜୟ ଚୋପ୍ରା ଦିଲ୍ଲୀର ଅଲ ଇଣ୍ଡିଆ ରେଡିଓ ଯୁବବାଣୀ କାର୍ଯ୍ୟକ୍ରମରେ ଯୋଗଦେବାର ଥିଲା । ଏଥିପାଇଁ ସେ ରାସ୍ତାରେ ଏକ କାରରୁ ଲିଫ୍ଟ ନେଇଥିଲେ, କିନ୍ତୁ ସେମାନେ କେବେବି ନିଜ ଗନ୍ତବ୍ୟ ସ୍ଥଳରେ ପହଞ୍ଚି ପାରି ନଥିଲେ। କାରଣ ସେମାନେ ଯେଉଁମାନଙ୍କ ଠାରୁ ଲିଫ୍ଟ ନେଇଥିଲେ ସେମାନେ ରାଙ୍ଗା ଏବଂ ବିଲ୍ଲା ନାମକ ବଦମାଶ ଥିଲେ । ରଙ୍ଗା ଏବଂ ବିଲ୍ଲା ଗୀତା ଓ ତାଙ୍କ ଭାଇଙ୍କୁ ଅପହରଣ କରି ନେଇଥିଲେ । ପରେ ସେମାନଙ୍କ ପରିବାର ଠାରୁ ଅର୍ଥ ଆଦାୟ କରିବାର ଯୋଜନା କରିଥିଲେ । କିନ୍ତୁ ଯେତେବେଳେ ମାମଲା ଅଧିକ ବଢ଼ି ଯାଇଥିଲା, ସେତେବେଳେ ସେମାନେ ଜାଣିବାକୁ ପାଇଲେ ଯେ ଏହି ଅପହୃତ ଗୀତା ଓ ସଞ୍ଜୟ ହେଉଛନ୍ତି ଜଣେ ନେଭି ଅଫିସରଙ୍କ ସନ୍ତାନ ।
ଏହି ପିଲା ଦୁହେଁଙ୍କୁ ଖୋଜିବା ପାଇଁ ଦିଲ୍ଲୀ ଏବଂ ଏହାର ଆଖପାଖ ରାଜ୍ୟଗୁଡିକର ପୋଲିସ ବଳ ସମ୍ପୂର୍ଣ୍ଣ ବଳ ପ୍ରୟୋଗ କରିଥିଲେ। କିନ୍ତୁ ସେ ଏହି ପିଲାଙ୍କୁ ବଞ୍ଚାଇ ପାରି ନଥିଲା । ପରେ ଯେତେବେଳେ ପୋଲିସ ଏହି ଦୁଇ ଅପରାଧୀଙ୍କୁ ଧରିଥିଲା, ସେମାନେ ପୋଲିସକୁ ଦେଇଥିବା ସ୍ୱୀକାରୋକ୍ତିରେ କହିଥିଲେ ଯେ ସେମାନେ ପ୍ରଥମେ ସଞ୍ଜୟ ଚୋପ୍ରାଙ୍କୁ ହତ୍ୟା କରିଥିଲେ, ଏହା ପରେ ସେ ପ୍ରଥମେ ଗୀତାଙ୍କୁ ବଳାତ୍କାର କରିଥିଲେ ଏବଂ ପରେ ତାଙ୍କୁ ହତ୍ୟା କରିଥିଲେ । ଯେତେବେଳେ ଏହି ଦୁଇ ପିଲାଙ୍କ ପୋଷ୍ଟମର୍ଟମ ରିପୋର୍ଟ ଆସିଥିଲା, ସେତେବେଳେ ଏହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା ।କାରଣ ଗୀତା ଚୋପ୍ରାଙ୍କ ଶରୀରରେ ୫ଟି କ୍ଷତ ଥିଲା ବେଳେ ସଞ୍ଜୟଙ୍କ ଶରୀରରେ ୨୧ ଟି କ୍ଷତ ଥିଲା ।
ଏହି ଅପରାଧରେ ପ୍ରାୟ ଆଠ ବର୍ଷ ଧରି ଚାଲିଥିବା ଏକ ଆଇନଗତ ପ୍ରକ୍ରିୟା ପରେ ୭ ଏପ୍ରିଲ ୧୯୭୯ରେ ଉଭୟ ରଙ୍ଗା ଓ ବିଲ୍ଲାଙ୍କୁ ମୃତ୍ୟୁଦଣ୍ଡ ଦିଆଯାଇଥିଲା । ପରେ ଯେତେବେଳେ ଏହି ଦୁଇ ଦୋଷୀଙ୍କ ସମସ୍ତ ଆଇନଗତ ବିକଳ୍ପ ଶେଷ ହୋଇଯାଇଥିଲା, ଶେଷରେ ୩୧ ଜାନୁୟାରୀ ୧୯୮୨ ରେ ଉଭୟଙ୍କୁ ଦିଲ୍ଲୀର ତିହାର ଜେଲରେ ଫାଶୀ ଦିଆଯାଇଥିଲା ।
ତିହାର ଜେଲର ପୂର୍ବତନ ମୁଖପାତ୍ର ସୁନୀଲ ଗୁପ୍ତା ସେମାନଙ୍କ ଫାଶୀ ସହ ଜଡିତ ଏକ ପୁସ୍ତକ ବ୍ଲାକ୍ ୱାରେଣ୍ଟରେ ଏକ କାହାଣୀ ଲେଖିଛନ୍ତି । ସୁନୀଲ ତାଙ୍କ ପୁସ୍ତକ ବ୍ଲାକ୍ ୱାରେଣ୍ଟରେ ଲେଖିଛନ୍ତି ଯେ, ଉଭୟଙ୍କୁ ଫାଶୀ ଦିଆଯିବା ପରେ ସମସ୍ତେ ଅନୁମାନ କରିଥିଲେ ଯେ ରଙ୍ଗା-ବିଲ୍ଲାଙ୍କର ମୃତ୍ୟୁ ହୋଇଯାଇଛି କିନ୍ତୁ ଯେତେବେଳେ ସେମାନେ ଏହା ନିଶ୍ଚିତ କରିବାକୁ ଉଭୟଙ୍କ ନାଡ଼ି ପରୀକ୍ଷା କରିଥିଲେ, ଦୁଇ ଘଣ୍ଟା ପରେ ମଧ୍ୟ ରଙ୍ଗାର ନାଡ଼ି ଚାଲୁଥିଲା । ଏହା ପରେ ଜଣେ ପୋଲିସ ପଠାଯାଇଥିଲା ଏବଂ ସେ ରଙ୍ଗାର ଗୋଡ ଟାଣିଥିଲେ ଯାହା ପରେ ତାଙ୍କର ମୃତ୍ୟୁ ହୋଇଥିଲା ।