Sambalpur News In Odia (ସମ୍ବଲପୁର, ଅଜୟ ନାଥ) : ସମ୍ବଲପୁର (Sambalpur) ବୁର୍ଲା ସାଇଫୋନରୁ ନିଖୋଜ ଯୁବତୀଙ୍କ (missing lady) ମୃତଦେହ ଉଦ୍ଧାର ହୋଇଛି। ସମ୍ବଲପୁର ଅଗ୍ନିଶମ ବିଭାଗ, ବୁର୍ଲା ଅଗ୍ନିଶମ ବିଭାଗ ଓ ଓଡ୍ରାଫ ଟିମ ର ମିଳିତ ସହଯୋଗ ରେ ଦିର୍ଘ ୪୮ ଘଣ୍ଟା ପରେ ଉଦ୍ଧାର ହୋଇଛି ନିଖୋଜ ଯୁବତୀଙ୍କ ମୃତହେହ । ମୃତ ଯୁବତୀ ଜଣଙ୍କ ହେଉଛନ୍ତି ନିଶା ଝା । ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । କିଭଳି ସ୍ଥିତିରେ ଏଭଳି କାଣ୍ତ ଘଟିଛି ସେନେଇ ଛାନଭିନ ଚଳାଇଛି । ଏହା ଏକ ଦୁର୍ଘଟଣା ନା ଯୋଜନାବଦ୍ଧ ହତ୍ୟାକାଣ୍ତ ସେନେଇ ପୋଲିସ୍ ଛାନଭିନ କରୁଛି । ସେପଟେ, ଯୁବତୀଙ୍କ ସହ ବୁଲିବାକୁ ଯାଇଥିବା ଯୁବକଙ୍କୁ ଅଟକ ରଖି ପଚରା ଉଚରା କରୁଛି । 


COMMERCIAL BREAK
SCROLL TO CONTINUE READING

 ସୂଚନା ଅନୁସାରେ, ମଙ୍ଗଳବାର ଦିନ ସଂନ୍ଧ୍ୟା ସମୟରେ ଯୁବତୀ ନିଶା ଝା ତାଙ୍କର ଜଣେ ବନ୍ଧୁଙ୍କ ସହ ବୁର୍ଲା ସାଇଫୋନକୁ ବୁଲିବାକୁ ଆସିଥିଲେ। ବୁର୍ଲା ସାଇଫୋନ ଅଞ୍ଚଳକୁ ଯିବା ନିଷେଧ ଥିବା ବେଳେ ଏ-ଦୁହେଁ କିନ୍ତୁ ସିକ୍ୟୁରିଟି ଗାର୍ଡଙ୍କ ବାରଣ ସର୍ତ୍ତ୍ବେ ବି ଭିତରକୁ ଯାଇଥିଲେ। ଏବଂ ସିକ୍ୟୁରିଟି ଗାର୍ଡକୁ କହିଥିଲେ। ଆମେ କେବଳ ଫଟୋ ଉଠାଇବାକୁ ଯାଉଛୁ । ଦୁହେଁ,  ବୁର୍ଲା ସାଇଫୋନରେ ଦିର୍ଘ ସମୟ ଧରି ବୁଲିବା ସହ ଫଟୋ ଉଠାଇଥିଲେ। ଏବଂ କିଛି ସମୟ ପରେ ସାଇଫୋନରେ ସାଇରନ୍ ବାଜିବା ପରେ ମଧ୍ୟ ସେମାନେ ପଦାକୁ ଆସି ନଥିଲେ। ପରବର୍ତ୍ତୀ ସମୟରେ ଯେତେବେଳେ ହଠାତ୍ ପାଣି ଚାଲି ଆସିଥିଲା ସେହି ସମୟରେ ଯୁବତୀଙ୍କ ଗୋଡ ଖସି ଯାଇଥିଲା । ଯୁବତୀଙ୍କୁ ଉଦ୍ଧାର କରିବା ପାଇଁ ଯୁବକ ଜଣକ ପାଣିକୁ ଡେଇ ପଡିଥିଲେ (lady missing from Burla Syphon )। କିନ୍ତୁ ନିଶାଙ୍କୁ ଉଦ୍ଧାର କରି ପାରି ନଥିଲେ। 


ଏହାବି ପଢନ୍ତୁ :  Maha Dhan Rajyog 2023: ଆଜିଠାରୁ ଏହି ତିନି ରାଶିରେ ଲାଗିଲା ଲଟେରୀ, ଧନ ଢାଳିବେ ମାଆ ଲକ୍ଷ୍ମୀ!


ଏହାବି ପଢନ୍ତୁ : Odisha News: ଗୋଟିଏ ଦିନରେ ଜଳ ସମାଧି ନେଲେ ୨, ଗାଧୋଇବା ବେଳେ ଚାଲିଗଲା ଜୀବନ 


ଫଳରେ ଏନେଇ ସଙ୍ଗେ ସଙ୍ଗେ ସେ ପୋଲିସକୁ ଓ ଅଗ୍ନିଶମ ବାହିନୀକୁ ଖବର ଦେଇଥିଲେ। ଏବଂ ସ୍ଥାନୀୟ ମତ୍ସ୍ୟଜୀବୀମାନେ ମଧ୍ୟ ପାଣିରେ ଖୋଜାଖୋଜି କରିଥିଲେ ମଧ୍ୟ ପାଇ ନଥିଲେ।  ଘଟଣାସ୍ଥଳରେ ପୋଲିସ୍ ଓ ଅଗ୍ନିଶମ ବାହିନୀ ପହଞ୍ଚି ଥିଲା । ଅଗ୍ନିଶମ ବାହିନୀ ପକ୍ଷରୁ  ଯୁବତୀଙ୍କୁ ଖୋଜାଖୋଜି କରିବା ପାଇଁ ଆରମ୍ଭ ହୋଇଥିଲା ଅପରେସନ୍ । ରାତି ହୋଇଯାଇଥିବାରୁ ଖୋଜାଖୋଜି କାର୍ଯ୍ୟରେ ସମସ୍ୟା ଦେଖାଦେଇଥିଲା। କିନ୍ତୁ ଯୁବତୀଙ୍କ ସହ ଆସିଥିବା ଯୁବକଙ୍କୁ ମଧ୍ୟ ପୋଲିସ୍ ଥାନାରେ ଅଟକ ରଖି ପଚାର ଉଚରା ଜାରି ରଖିଛି । ତେବେ, କିନ୍ତୁ ଗୁରୁବାର ସଂନ୍ଧ୍ୟାରେ ନିଶା ଝାଙ୍କର ମୃତଦେହ ବଡ଼ ବଜାରର ସଡ଼କ ଘାଟ ରେ ଉଦ୍ଧାର ହୋଇଥିଲା । ଦିର୍ଘ ୪୮ ଘଣ୍ଟାର ରେସକ୍ୟୁ ଅପରେସନ୍ ପରେ ଯୁବତୀଙ୍କ ମୃତଦେହକୁ ଉଦ୍ଧାର କରାଯାଇଥିଲା। ତେବେ, ଏହା ଏକ ଦୁର୍ଘଟଣା ନା ଯୋଜନାବଦ୍ଧ ହତ୍ୟାକାଣ୍ତ । ସେନେଇ ପୋଲିସ୍ ଛାନଭିନ୍ କରୁଛି । ତେବ,ଯୁବତୀଙ୍କ ସହ ଯାଇଥିବା ଯୁବକ ଜଣକ ଧନୁପାଲି ଅଞ୍ଚଳର ବୋଲି ଜଣାପଡିଛି । 


ନିକଟରେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା ଭଦ୍ରକରେ। ନଦୀକୁ ଡେଇଁପଡିଲେ ଯୁବତୀ। ବ୍ରିଜ୍ ଉପରେ ଦୋକାନ କରିଥିବା ଦୋକାନୀଙ୍କ ଫୋନ୍‌ରୁ ଭାଇକୁ ଫୋନ୍ କରିବା ପରେ ନଈକୁ ଡେଇଁଲେ ଯୁବତୀ। ଯୁବତୀଙ୍କ ପତ୍ତା ମିଳୁନଥିବା ବେଳେ ଅଗ୍ନିଶମ ବାହିନୀ ଉଦ୍ଧାର କାର୍ଯ୍ୟ ଆରମ୍ଭ କରିଛି। ସୂଚନା ଅନୁସାରେ ଗେଲଟିଆ ଅଂଚଳର ଜଣେ ଯୁବତୀ ବାଇପାସ୍ ନିକଟ ରାଜଘାଟ ବ୍ରିଜ୍ ନିକଟକୁ ଆସିଥିଲେ। ବ୍ରିଜ୍ ଉପରେ ଥିବା ଜଣେ ଦୋକାନୀଙ୍କ ଫୋନ୍‌ରୁ ନିଜ ଭାଇଙ୍କୁ ଫୋନ୍ କରିଥିଲେ। କିଛି ସମୟ ପରେ ନଈକୁ ଡେଇଁ ପଡିଥିବା ସୂଚନା ଦେଇଛନ୍ତି ପ୍ରତ୍ୟକ୍ଷ ଦର୍ଶୀ। ଖବର ପାଇ ଭଦ୍ରକ ଟାଉନ୍ ପୋଲିସ୍ ପହଞ୍ଚିଥିବା ବେଳେ ଯୁବତୀଙ୍କ ପତ୍ତା ମିଳିନାହିଁ। ଅଗ୍ନିଶମ ବାହିନୀ ପହଞ୍ଚି ଖୋଜାଖୋଜି ଆରମ୍ଭ କରିଛି।