ଝାରସୁଗୁଡ଼ା: ୪୯ ନମ୍ବର ଜାତୀୟ ରାଜପଥରେ ଘଟିଯାଇଛି ମର୍ମନ୍ତୁଦ ସଡ଼କ ଦୁର୍ଘଟଣା। ଚାଲିଗଲା ଜଣେ ବାଇକ ଆରୋହୀଙ୍କ ଜୀବନ। ଆଉ ଦୁଇ ଜଣ ଗୁରୁତର ହୋଇ ହସ୍ପିଟାଲରେ ଭର୍ତ୍ତି। ଏହି ଘଟଣାରେ ଏକ କାର  ଜବତ କରିଛି ପୋଲିସ। ଝାରସୁଗୁଡା ଜିଲ୍ଲା ରେଙ୍ଗାଲି ଥାନା ଅନ୍ତର୍ଗତ ସମରବଗା NH49 ରାସ୍ତାରେ ରବିବାର ଅପରାହ୍ନରେ ଘଟିଥିବା ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଛି।  ରାୟଗଡରୁ ଝାରସୁଗୁଡ଼ା ଆଡ଼କୁ ମୋଟର ସାଇକେଲରେ ଯାଉଥିବା ଯୁବକକୁ ବୀପରୀତ ଦିଗରୁ ଆସୁଥିବା ଏକ କାର ଧକ୍କା ଦେବାରୁ ବାଇକ ଯୋଗେ ଯାଉଥିବା ଯୁବକଙ୍କ ମୃତ୍ୟୁ ହୋଇଥିବା ଅନ୍ୟ ୨ ଜଣ ଗୁରୁତର ଭାବେ ଆହତ ହୋଇଛନ୍ତି। ପୋଲିସ ଘଟଣାସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଯୁବକଙ୍କ ଘର ଛତିଶଗଡ଼ର ହୋଇଥିବା ଅନୁମାନ କରୁଛି। କାର-ବାଇକ ଜବତ ହୋଇଥିବା ବେଳେ ଦୁର୍ଘଟଣା ଘଟାଇ କାର ଚାଳକ ଫେରାର ହୋଇଯାଇଛି।