Happy Birth Day Tabu: ବଲିଉଡ ଅଭିନେତ୍ରୀ ତବୁ । ଆଜି ତାଙ୍କର ଜନ୍ମଦିନ । ୫୨ ବର୍ଷରେ ପାଦ ଥାପିଛନ୍ତି ଅଭିନେତ୍ରୀ।  ଏ ଅବସରରେ ତାଙ୍କୁ ଛୁଟୁଛି ଶୁଭେଚ୍ଛା ଓ ଶୁଭକାମନାର ସୁଅ । ତାଙ୍କ ପ୍ରଶଂସକ  ଓ କଳାକାର ମଧ୍ୟ ତାଙ୍କୁ ସୋସିଆଲ ମିଡିଆରେ ଶୁଭେଚ୍ଛା ଜଣାଇଛନ୍ତି। ତବୁ, ତେଲେଙ୍ଗାନା ହାଇଦ୍ରାବଦାରେ ୧୯୭୧ ମସିହା ଆଜିର ଦିନରେ ଜନ୍ମ ଗ୍ରହଣ କରିଥିଲେ।  ତବୁଙ୍କ ପୁରା ନାଁ ହେଉଛି , ତବସୁମ୍ ଫାତିମା ହସିମ୍ । 'ମାଚିସ୍' 'ସୀମା', 'ବିରସାଟ', 'ଚାନ୍ଦନୀ ବାର୍', 'ଚିନି କୁମ୍' ଭଳି ଚଳଚ୍ଚିତ୍ରରେ ଅଭିନୟ କରିଛନ୍ତି। ତବୁ ୧୯୮୫ ରେ 'ହମ୍ ନଜଓ୍ବାନ' ଚଳଚ୍ଚିତ୍ରରେ ବଲିଉଡରେ ଡେବ୍ୟୁ କରିଥିଲେ ଏବଂ ଆଜି ମଧ୍ୟ ତବୁ ତାଙ୍କ ଅଭିନୟ ସହିତ ଦର୍ଶକଙ୍କ ହୃଦୟରେ ରାଜ କରୁଛନ୍ତି । ତବୁ ହେଉଛନ୍ତି ପ୍ରସିଦ୍ଧ ଚଳଚ୍ଚିତ୍ର ଅଭିନେତ୍ରୀ ଶବାନା ଆଜମିଙ୍କ ଭାଣିଜୀ । ତେବେ ତାଙ୍କ ଜନ୍ମଦିନ ଅବସରରେ ଆସନ୍ତୁ ଜାଣିବା ତାଙ୍କ ବିଷୟରେ କିଛି ଜଣା ଅଜଣା କଥା । 


COMMERCIAL BREAK
SCROLL TO CONTINUE READING

ଚଳଚ୍ଚିତ୍ରରେ ବିଭିନ୍ନ ଚରିତ୍ରରେ ଅଭିନୟ କରିଥିବା ତବୁ ଆଜିବି ଏକାକୀ ରହିଛନ୍ତି । ତାଙ୍କ ମନର ମଣିଷ ମିଳି ନ ଥିବାରୁ ସେ ଆଜି ଯାଏଁ ଅବିବାହିତ ଥିବା କୁହାଯାଉଛି ।  ୧୫ ବର୍ଷ ବୟସରୁ ଫିଲ୍ମ ଇଣ୍ଡଷ୍ଟ୍ରିରେ କାମ କରୁଥିବା ତବୁ ଏକ ଫିଲ୍ମ ପାଇଁ ୨ ରୁ ୪ କୋଟି ମଧ୍ୟରେ ଚାର୍ଜ କରନ୍ତି । ଚଳଚ୍ଚିତ୍ର ବ୍ୟତୀତ, ତବୁ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ମଧ୍ୟ ବହୁତ ରୋଜଗାର କରନ୍ତି । ତବୁ ଜଣେ ଅଭିନେତ୍ରୀ ଓ ବ୍ୟବସାୟୀ ।  ଗଣମାଧ୍ୟମ ରିପୋର୍ଟ ଅନୁଯାୟୀ, ତବୁଙ୍କ ସମ୍ପତ୍ତି ମୂଲ୍ୟ ପ୍ରାୟ ୨୨ କୋଟି ଅଟେ। ଏହା ସହିତ ତବୁ ଯାନବାହାନକୁ ମଧ୍ୟ ଭଲ ପାଆନ୍ତି, ତାଙ୍କର ଅଡି Q7, ମର୍ସିଡିଜ୍ ଏବଂ ଜାଗୁଆର X7 ସହିତ ଅନେକ ବିଳାସପୂର୍ଣ୍ଣ ଗାଡି ଅଛି । ମୁମ୍ବାଇ ବ୍ୟତୀତ ତବୁଙ୍କର ହାଇଦ୍ରାବାଦ ଏବଂ ଗୋଆରେ ମଧ୍ୟ ସମ୍ପତ୍ତି ରହିଛି।


ଏହାବି ପଢନ୍ତୁ : Pathaan : ଶାହରୁକ୍ ଖାନଙ୍କ ଏହି ଫିଲ୍ମକୁ ଟ୍ରୋଲ କଲେ ୟୁଜର୍ସ, କହିଲେ ହଲିଉଡରୁ ହୋଇଛି କପି


ତବୁଙ୍କ ଚଳଚ୍ଚିତ୍ର : 


ଯଦିଓ ୨୦୨୨ ବର୍ଷ ବଲିଉଡ ପାଇଁ କିଛି ବିଶେଷ ବୋଲି ପ୍ରମାଣିତ ହୋଇନାହିଁ, କିନ୍ତୁ ଚଳିତ ବର୍ଷ ମୁକ୍ତିଲାଭ କରିଥିବା ତବୁଙ୍କ ଫିଲ୍ମ 'ଭୋଲ ଭୁଲିଆ ୨' ଏକ ସୁପରହିଟ୍ ବୋଲି ପ୍ରମାଣିତ ହୋଇଛି । ଏହି ଚଳଚ୍ଚିତ୍ରରେ କାର୍ତ୍ତିକ ଆର୍ଯ୍ୟନ୍ ଏବଂ କିଆରା ଆଡଭାନୀ ମୁଖ୍ୟ ଭୂମିକାରେ ଥିଲେ। ତବୁ 'ଆସ୍ତିଭା', 'ମାକବୁଲ୍' ଭଳି ଚଳଚ୍ଚିତ୍ର ସହିତ ପ୍ରମାଣ କରିଛନ୍ତି ଯେ ଚରିତ୍ର ଯାହା ବି ହେଉ, ସେ ନିଜର ଚମତ୍କାର ଅଭିନୟ ମାଧ୍ୟମରେ ସମସ୍ତଙ୍କ ହୃଦୟରେ ରାଜ୍ କରୁଛନ୍ତି । ତବୁଙ୍କୁ ଖୁବଶୀଘ୍ର 'କୁଟେ', 'ଖୁଫିଆ' ଏବଂ 'ଭୋଲା' ଚଳଚ୍ଚିତ୍ରରେ ଦେଖିବାକୁ ମିଳିବ । ୧୮, ନଭେମ୍ବରରେ ତବୁଙ୍କ 'ଦୃଶ୍ୟମ ୨ ' ରିଲିଜ୍ ହେଉଛି । ଏଥର ଅକ୍ଷୟ ଖାନ୍ନା ଅଜୟ ଦେବଗନ୍, ଶ୍ରୀୟା ସରଣ, ଇଶିତା ଦତ୍ତା ଏବଂ ତବୁଙ୍କ ସହ ଫିଲ୍ମରେ ନଜର ଆସିବେ।